ရွှေစင်ဝင်းကိုဟာ ရွှေကြိုမှာ ပထမအကြိမ်ဆန်ခါတင်စာရင်းထဲတောင် မပါခဲ့တာကြောင့် စိတ်မကောင်းဖြစ်မိတယ်လို့ပြောပါတယ်။ အစ်ကိုဖြစ်သူ ဟိန်းဝေယံကတော့ အနိုင်အရှုံးအတွက် စိတ်ဓာတ်ခိုင်မာဖို့ သေချာသင်ပေးထားပါတယ်တဲ့။  

“ ရွှေကြို အယောက် ၈၀ မှာ ညီမ မပါခဲ့ပါဘူး။ အဲဒီအတွက် အရမ်းဝမ်းနည်းနေပါတယ်။ အရမ်းကြီး မျှော်လင့်မထားပါဘူး။ အစ်ကိုကလည်း ပြောတယ် ယှဉ်ပြိုင်ခြင်းကသာ အဓိက ပါပဲတဲ့။ အောင်မြင်တာ၊ ရှုံးနိမ့်တာ၊ ပါတာ မပါတာတွေထက် ကိုယ့်ရဲ့ စိတ်ကို ဘယ်လို ထားရမယ် ဆိုတာကို သေချာ ပြောပြထားတဲ့အတွက် အဆင်ပြေပါတယ်” လို့ သူကဆိုပါတယ်။ 

Photo: Kyaw Swar Htut

“ စိစစ်ကြီးကြပ်တဲ့ ဒိုင်တွေကလည်း သေချာရွေးချယ်လိုက်တာ ဖြစ်တဲ့အတွက် ကောင်းမှာပါ။ အရင်တုန်းကဆိုရင် အနုပညာအလုပ်ကို လုပ်မယ်ဆို ဘယ်ကနေ စလုပ်ရမလဲဆိုတာ မသိကြဘူး။ အခုက Voting စနစ်ရယ်၊ အပြင်လူတွေ ပါတဲ့အတွက်ကြောင့်မို့လို့ ရွှေကြိုကနေတဆင့် အနုပညာလောကထဲကိုဝင်ဖို့ အခွင့်အရေးတွေ ရလာပြီဖြစ်တဲ့အတွက် အရမ်းကောင်းပါတယ်” လို့ ဆိုပါတယ်။ 

Photo: Shwe Sin Win Ko

ရွှေစင်ဝင်းကို ဟာ သူမအတွက်တော့ အခုယှဉ်ပြိုင်ခဲ့တဲ့ ရွှေကြိုပြိုင်ပွဲဟာ ပထမဆုံး ယှဉ်ပြိုင်ဖူးတဲ့ ပွဲပါ။  ကိုယ်တိုင်ကြိုးစားခဲ့တဲ့ ပြိုင်ပွဲဖြစ်တာကြောင့် မိသားစုတွေကလည်း စိတ်မကောင်းဖြစ်နေကြပါတယ်။

“ ညီမက တခြားပြိုင်ပွဲတွေလည်း ဝင်မပြိုင်ဖြစ်ဘူး။ ဒါ ပထမဆုံးပြိုင်တဲ့ ပြိုင်ပွဲပါ ဒါပေမယ့် အယောက် ၈၀ ထဲမပါတဲ့အတွက် စိတ်မကောင်းပါဘူး။ ဒီပြိုင်ပွဲကိုလည်း ကိုယ်တိုင်က ပြိုင်ချင်လို့ ကြိုးစားခဲ့ရတဲ့ ပွဲဖြစ်တာကြောင့် သူတို့လည်း ညီမအတွက် စိတ်မကောင်းဖြစ်မှာပါ။” ဆိုပြီးတော့ ဇန်နဝါရီလ ၂၉ ရက်နေ့က ရွှေကြို အယောက် ၈၀ ရွေးချယ်ပွဲမှာ ဖြေဆိုခဲ့တာပါ။ 

Photo: Amazing Grace

ရွှေစင်ဝင်းကို(Shwe Sin Win Ko)ကိုလည်း ဟိန်းဝေယံရဲ့ ညီမငယ်လေးအဖြစ် ပရိသတ်တွေ စတင်သိရှိခဲ့တာဖြစ်ပါတယ်။ ချစ်စရာကောင်းလွန်းတဲ့ အပြုံးလေးတွေ၊ ခန္ဓာကိုယ်လှလှလေးနဲ့ ဆံပင်ရှည်ရှည်လေးဖြစ်လို့ သူမကို ဝန်းရံပေးကြတဲ့ ပရိသတ်တွေကလည်း အများကြီးပါ။ အနုပညာအလုပ်တွေကိုလည်း တဖြည်းဖြည်းဆောင်ရွက်လျက်ရှိတာကို တွေ့ရပါတယ်။