ဒုတိယမြောက်ရင်သွေးလေးနဲ့ မိတ်ဆက်ပေးခဲ့ပါတယ်။

သရုပ်ဆောင် မင်းရာဇာတို့ရဲ့ ပျော်ရွှင်စရာကောင်းတဲ့ မိသားစုဘဝထဲကို နောက်ထပ်ရင်သွေးလေး တစ်ယောက်ရောက်လာ ပြီလို့ သိရ ပါတယ်။ သမီးလေး တစ်ယောက်ကို ပိုင်ဆိုင်ပြီးသားဖြစ်တဲ့ မင်းရာဇာက နောက်ထပ် သားလေးတစ်ယောက်ကို ပိုင်ဆိုင်ခွင့်ရတော့မှာပါ။

Photo: မင်းရာဇာဖေ့စ်ဘွတ်

 

သရုပ်ဆောင်မင်းရာဇာ ရဲ့ ဇနီးချော မဖူးငုံပွင့် ကတော့ ဒုတိယမြောက် ရင်သွေးလေး လွယ်ထားရပြီဖြစ်ပါတယ်။ သူတို့ ဇနီးမောင်နှံအနေနဲ့ လက်ရှိမှာ ချစ်စရာကောင်းတဲ့ သမီးလေးကို ပိုင်ဆိုင်ထားတာဖြစ်ပြီး ဒုတိယမြောက်ရင်သွေးကတော့ သားလေး ဖြစ်တဲ့ အကြောင်းကို ပြောပြလာပါတယ်။

'' ညေးတို့ ကိုယ်တွေက ကျားဆိုမှကျားဘဲကွ ဟားဟားဟား'' ဆိုပြီးတော့ နိုဝင်ဘာလ ၈ ရက်နေ့ နေ့လည် ၃ နာရီ နီးပါးက သူ့ရဲ့ ဖေ့စ်ဘွတ် ပေါ်မှာ ရေးသားခဲ့တာဖြစ်ပါတယ်။ အဲ့ဒီနောက် ရင်သွေးလေးရဲ့ ဓာတ်မှန်ရိုက်ကူးထားတဲ့ ဓာတ်ပုံတွေကိုလည်း ပရိသတ်နဲ့ မိတ်ဆက်ပေးခဲ့ ပါသေးတယ်။

Photo: မင်းရာဇာဖေ့စ်ဘွတ်

ချစ်ဇနီးချောလေးအတွက် မင်းရာဇာရဲ့ မွေးနေ့ဆုတောင်း 

အက်ရှင်မင်းသားချော သရုပ်ဆောင်မင်းရာဇာနဲ့ ဇနီးဖြစ်တဲ့ မဖူးငုံပွင့်တို့ရဲ့ တစ်ဦးတည်းသော သမီးချောလေး သစ်သစ်မင်းရာဇာ ကတော့ သြဂုတ်လ အတွင်းက ၄ နှစ်ပြည့်ခဲ့ပြီဖြစ်ပါတယ်။မွေးနေ့ပွဲကိုတော့ သမီးလေးတက်ရောက်ပညာသင်ကြားနေတဲ့ မူကြိုကျောင်းမှာပဲ ကျင်းပ ပြုလုပ်ခဲ့တာပါ။

Photo: မင်းရာဇာဖေ့စ်ဘွတ်

 

သရုပ်ဆောင်မင်းရာဇာနဲ့ မဖူးငုံပွင့် တို့ဟာ ပထမဆုံးရင်သွေးလေး သစ်သစ်မင်းရာဇာကိုတော့ ၂၀၁၄ ခုနှစ်သြဂုတ်လ ၁ ရက်နေ့ က ဝိတိုရိယဆေးရုံကြီးမှာ မွေးဖွားခဲ့တာ ဖြစ်ပါတယ်။ ချစ်စရာကောင်းတဲ့ သမီးလေး သစ်သစ်မင်းရာဇာ ရဲ့ မွေးနေ့အတွက်ကိုလည်း ပရိသတ်တွေက အားရဝမ်းသာစွာနဲ့ မွေးနေ့ဆု တောင်းပေးထားကြတာကိုလည်း တွေ့ရပါတယ်။

Photo: မင်းရာဇာဖေ့စ်ဘွတ်

 

အခုလက်ရှိမှာတော့ မင်းရာဇာဟာ မိသားစုကို အချိန်ပေးရင်း ပြည်တွင်း၊ ပြည်ပ ခရီးစဉ်တွေလည်း ထွက်ဖြစ်နေသလို၊ လက်ခံထားတဲ့ ရုပ်ရှင် ဇာတ်ကားကြီးတွေလည်း ရိုက်ကူးနေရတာဖြစ်ပါတယ်။ ဗီဒီယိုဇာတ်ကားတွေကနေ တဆင့် ပရိသတ်တွေ စတင်သိရှိလာခဲ့တဲ့ သရုပ်ဆောင် မင်းရာဇာကတော့ အခုချိန်မှာ အောင်မြင်မှုတွေရရှိနေတဲ့ သရုပ်ဆောင်ကောင်းတစ်ယောက်ဖြစ်ပါတယ်။



က္က