အကယ်ဒမီ မေသန်းနုက ဒီနေ့(ဒီဇင်ဘာလ ၁)ရက်နေ့မှာပဲ တရားစခန်းဝင်ခဲ့တယ်လို့ ဒါရိုက်တာ စင်ရော်မောင်မောင်က ဆိုပါ တယ်။ စင်ရော် မောင်မောင်နဲ့ မေသန်းနုတို့ဟာ အနုပညာအလုပ်တွေသာမက ဘာသာရေးတွေမှာလည်း အချိန်ပေးဖြစ်နေကြတာကို တွေ့ရပါတယ်။
Photo: စင်ရော်မောင်မောင်
အကယ်ဒမီ မေသန်းနုက ဒီဇင်ဘာလ ၁ ရက်နေ့မှာပဲ တရားစခန်းစဝင်နေပြီလို့ ဒါရိုက်တာ စင်ရော်မောင်မောင်က ပြောပါတယ်။ မေသန်းနုက လက်ရှိမှာ အနုပညာအလုပ်တွေ ဆက်တိုက် လုပ်နေတဲ့ ကြားက သာသနာအကျိုးကို တစ်ဖက်တစ်လမ်းက အချိန်ပေးနေသူလည်း ဖြစ်ပါတယ်။
'' Daw May Than Nu ! ဒီ နေ့ တရားစခန်း စဝင်ပြီ။ သာဓု သုံးကြိမ် ခေါ်ဆိုပါသည် '' လို့ ဒီဇင်ဘာလ ၁ ရက်နေ့ မနက် ၉ နာရီက စင်ရော် မောင်မောင်ရဲ့ ဖေ့စ်ဘွတ်မှာ ရေးသားခဲ့တာဖြစ်ပါတယ်။ အဲ့ဒီနောက် သားလေး မင်းသန့်မောင်မောင် နဲ့ မေသန်းနု တို့ရဲ့ အမှတ်တရ ဓာတ်ပုံ လေးကိုလည်း တင်ထားတာ တွေ့ရပါတယ်။ ဘယ်နေရာမှာ တရားစခန်းဝင်တယ်၊ ဘယ်နှရက်ကြာမယ် ဆိုတာကိုတော့ စင်ရော်မောင်မောင်နဲ့ မေသန်းနု တို့ ဖေ့စ်ဘွတ်အကောင့်မှာ ပြောပြထားတာ မတွေ့ရပါဘူး။
Photo: စင်ရော်မောင်မောင်
မေသန်းနုဟာ သားဖြစ်သူ မင်းသန့်မောင်မောင်၊ ခင်ပွန်းဟောင်းဖြစ်သူ ဒါရိုက်တာ စင်ရော်မောင်မောင် နဲ့ အတူ ထာဝရ အမေ ဆိုတဲ့ ရုပ်ရှင်ဇာတ်ကားကြီးကို ရိုက်ကူးခဲ့ပါသေးတယ်။ ဒီဇာတ်ကားဟာ သူတို့ မိသားစုအတွက် ၁၂ နှစ်အကြာမှာ အတူတူစုံပြီး ရိုက်ကူးခဲ့တဲ့ ဇာတ်ကားဖြစ်လို့ အမှတ်တရတွေလည်းရှိတယ်လို့ သိရပါတယ်။
ကယ်လီဖိုးနီးယားမှာ သားသားနဲ့လျှောက်လည်နေတဲ့ မေသန်းနု
Photo: စင်ရော်မောင်မောင်
ဒါရိုက်တာ စင်ရော်မောင်မောင်ကလည်း၂၀၁၇ခုနှစ်မှာ "ထာဝရအမေ" ရုပ်ရှင်ဇာတ်ကားနဲ့ ဒါရိုက်တာဆု ကို ရရှိခဲ့ပါတယ်။ဒါရိုက်တာ စင်ရော် မောင်မောင် က ၁၉၉၄ ခုနှစ်မှာ "တပြည်သူမရွှေထား" ရုပ်ရှင်ဇာတ်ကားကြီးနဲ့ အကောင်းဆုံး ဒါရိုက်တာဆုကို ရရှိခဲ့ပြီး ၂၀၀၄ ခုနှစ်မှာ "လျှို့ဝှက်သောနှင်း" ရုပ်ရှင်ဇာတ်ကားနဲ့ အကောင်းဆုံး ဒါရိုက်တာဆုကို ရရှိခဲ့ပါတယ်။
Photo: စင်ရော်မောင်မောင်
အဲ့ဒီနောက် သူတို့ရဲ့ တစ်ဦးတည်းသော သားဖြစ်သူ မင်းသန့်မောင်မောင်ကိုလည်း ငယ်စဉ်ကတည်းက ကြော်ငြာတွေရိုက်ကူးမှုတွေကနေ ပရိသတ်သိရှိလာတာပါ။ မင်းသန့်မောင်မောင်က လက်ရှိမှာတော့ အမေရိကန်နိုင်ငံရှိ Los Angeles, California, New York Film Academy School မှာ ပညာသင်ယူနေတာ ဖြစ်ပါတယ်။ နိုင်ငံခြားမှာ အနုပညာဆိုင်ရာ ဘာသာရပ်များကို လေ့လာနေတာဖြစ်ပါတယ်။