Sabal Thwin

ပြည်သူချစ်သရုပ်ဆောင် မင်းသားချောလေး မိုးအောင်ရင်ရဲ့ မွေးနေ့ကတော့ ဒီနေ့(သြဂုတ်လ ၁၃) ရက်နေ့ဖြစ်ပါတယ်။ ဖခင်ဖြစ်သူ အဆိုတော်အောင်ရင်ကတော့ သားလေးကို ကလေးလေးတုန်းကအတိုင်း ချစ်နေတယ်လို့ ဆိုပါတယ်။

Photo: Aung Yin

သြဂုတ်လ ၁၃ ရက်နေ့ကတော့ မိုးအောင်ရင်ရဲ့ မွေးနေ့ဖြစ်ပါတယ်။ သူ့အတွက် ဖခင်ဖြစ်သူ အဆိုတော်အောင်ရင်က ရင်ထဲက လာတဲ့ ပီတိစကားတွေနဲ့ မွေးနေ့ဆုတောင်းစကားဆိုခဲ့ပါတယ်။

‘’Happy Birthday my son lay အသက် ၁ နှစ်ပိုကြီးလာပေမယ့် အဖေနဲ့အမေ စိတ်ထဲမှာတော့ သားငယ်ငယ်လေးတုန်းက ချစ်ခဲ့သလိုအခုလည်းချစ်နေတုန်းပဲသားရေ။ စိတ်ချမ်းသာကိုယ်ကျန်းမာအမြဲရှိပါစေ။ ချစ်တဲ့ ဖေဖေနဲ့မေမေ’’  ဆိုပြီးတော့ သြဂုတ်လ ၁၃ ရက်နေ့ မနက် ၈ နာရီကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။ အဲဒီနောက် မိုးအောင်ရင် ကလေးလေး တုန်းက အမှတ်တရရိုက်ကူးထားတဲ့ ဓာတ်ပုံလေးနဲ့အတူ မွေးနေ့ဆုတောင်းစကားဆိုခဲ့တာပါ။ 

Photo: Aung Yin

မိုးအောင်ရင်ကိုတော့ ပရိသတ်တွေက အဆိုတော်ကြီး ဦးအောင်ရင်ရဲ့ သားအဖြစ် ပရိသတ်တွေ စတင်သိရှိလာတာပါ။ အဲဒီနောက် ဗီဒီယို ဇာတ်ကားပေါင်းများစွာနဲ့ ရုပ်ရှင်ဇာတ်ကားကြီးတွေ ရိုက်ကူးခဲ့ရသူဖြစ်ပါတယ်။ တီဗီကြော်ငြာတွေမှာလည်း မပါမဖြစ် မင်းသားချောလေး တစ်ယောက်ပါပဲ။ သူဟာ ၂၀၁၆ ခုနှစ်က မူးယစ်ဆေးဝါးလက်ဝယ်တွေ့ရှိမှုနဲ့ သုံးစွဲမှုတို့အတွက် ပြစ်ဒဏ်ချမှတ်ခံခဲ့ရသူပါ။ ဒါပေမယ့် လွတ်ငြိမ်းချမ်းသာခွင့်နဲ့ ၂၀၁၉ ခုနှစ် မေလ ၇ ရက်နေ့က ပြန်လည် လွတ်မြောက် လာခဲ့တာဖြစ်ပါတယ်။

Photo: Aung Yin

အောင်ရင်ရဲ့ ဂီတသက်တမ်းကတော့ နှစ်ပေါင်း ၄၀ နီးပါးရှိပြီဖြစ်ပါတယ်။ သူဟာ တစ်ကိုယ်တော်အခွေ ၁၅ ခွေ ထွက်ရှိပြီးသား အဆိုတော် တစ်ယောက်ပါ။ အရပ်မြင့်မြင့်အသားဖြူဖြူ ခပ်ချောချောဆိုတော့ တစ်ခေတ်တစ်ခါက မိန်းကလေးတွေရဲ့ အချစ်ကို အများကြီး ပိုင်ဆိုင်ခဲ့တဲ့ အဆိုတော်တစ်ဦးဖြစ်ခဲ့တာပါ။

Photo: Aung Yin

အောင်ရင်ဟာမြန်မာနိုင်ငံအလည်အပတ်ရောက်ရှိခဲ့စဉ်က၂၀၁၆ခုနှစ် အောက်တိုဘာ(၂၂) ရက်နေ့ကလည်း သူ့ရဲ့ "Aung Yin 32"ဖျော်ဖြေပွဲကို ပြုလုပ်ခဲ့ပါသေးတယ်။ အဲဒီနောက် ၂၀၁၈ ခုနှစ်မှာလည်း Single Song တွေအများကြီး ထွက်ရှိခဲ့တာပါ။ သူဟာ သားတစ်ယောက် သမီး တစ်ယောက်တို့ရဲ့ ဖခင်ဖြစ်ပါတယ်။သားဖြစ်သူ မိုးအောင်ရင်ကတော့ သရုပ်ဆောင်တစ်ယောက်အဖြစ် ပရိသတ်အားပေးမှု ရရှိနေသူတစ်ယောက်ပါ။ 


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က