Ei Ei Myat

မင်းသန့်မောင်မောင်က အသက်(၂၂)နှစ်ပြည့် သွားခဲ့ပါပြီ။ သူ့ရဲ့ မွေးနေ့မှာ မိဘနဲ့အတူ ကုသိုလ်ကောင်းမှုတွေ ပြုလုပ်လျက်ရှိပါတယ်။

 

Photo : စင်ရော်မောင်မောင်

ဒီနေ့(ဇူလိုင်၃ရက်)က ဒါရိုက်တာ စင်ရော်မောင်မောင်နဲ့ သရုပ်ဆောင် မေသန်းနုတို့ရဲ့ တစ်ဦးတည်းသော သားလေး မင်းသန့်မောင်မောင်ရဲ့ မွေးနေ့ဖြစ်ပါတယ်။ မင်းသန့်မောင်မောင်က အသက်(၂၂) နှစ်ပြည့် မွေးနေ့လေးတွေကို ကုသိုလ်ကောင်းမှုတွေ ပြုလုပ်ရင်း ဖြတ်သန်းနေတာ တွေ့ရပါတယ်။

Photo : စင်ရော်မောင်မောင်

ဖေဖေ၊ မေမေနဲ့အတူ မိုးကောင်းလမ်းတွင်ရှိသော မဟာဗောဓိ ပရိယတ္တိ စာသင်တိုက်မှာရှိတဲ့ သံဃာတော် အပါး (၃၉၀) အား နေ့ဆွမ်း ဆက်ကပ်လှူဒါန်းခဲ့တယ်လို့ စင်ရော်မောင်မောင်က သူ့ရဲ့ ဖေ့စ်ဘွတ်မှာ ရေးသားထားပါတယ်။

“ရွှေကျင် မဟာဗောဓိကျောင်းတိုက်တော်တွင် မဟာဗောဓိဆရာကြီးအား အမှူးထား၍ သံဃာတော် (၃၉၀)အား ဆွမ်း ၊ သင်္ကန်းတို့ ကို သားမင်းသန့်မောင်မောင်မှ မွေးနေ့အလှူမင်္ဂလာအဖြစ် ဆက်ကပ်လှူဒါန်းပါသည်။ သာဓုသာဓုသာဓု အနုမောဒနာ ခေါ်ဆိုကြပါခင်ဗျာ

သား မင်းသန့်မောင်မောင်” ဆိုပြီး ဇူလိုင်(၃) ရက်နေ့က ပြောထားတာပါ။

Photo : စင်ရော်မောင်မောင်

မင်းသန့်မောင်မောင်ဟာ ဖေဖော်ဝါရီလ ၂၁ ရက်နေ့ က မြန်မာနိုင်ငံကို အပြီး ပြန်လည်ရောက်ရှိလာခဲ့ပါတယ်။ မြန်မာနိုင်ငံ ပြန်ရောက်ပြီး နောက်ပိုင်းမှာလည်း ဖခင်ဖြစ်သူနဲ့ အတူ ရုပ်ရှင်ဇာတ်ကားကြီးတွေ ပုံဖော်ရိုက်ကူးလျက်ရှိတာတွေ့ရပါတယ်။ သူဟာ အမေရိကန်နိုင်ငံ လော့စ်အိန်ဂျလိစ်မြို့မှာရှိတဲ့ New York Film Academy မှာ ၃ နှစ်ကျော်အကြာ ပညာသင်ကြားခဲ့တာ ဖြစ်ပါတယ်။ အဲဒီနောက် Bachelor of Fine Arts ဘွဲ့ကို ရရှိပိုင်ဆိုင်ခဲ့ပါတယ်။

သူ့ကိုတော့ မိခင်ဖြစ်သူ သရုပ်ဆောင် မေသန်းနုနဲ့ အတူ တီဗီကြော်ငြာတွေ ကနေတဆင့် ပရိသတ်တွေ အားပေးချစ်ခင်လာခဲ့ရတဲ့ ကလေးတစ်ယောက်ဖြစ်ပါတယ်။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က