အမေစုအတွက် မွေးနေ့ဆုတောင်းစကားလည်း ပြောထားပါသေးတယ်။
Ei Ei Myat

လင်းလင်းနဲ့ ချစ်သုဝေတို့ မိသားစုဟာ ဒီနေ့မှာ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ဆီ သွားရောက်တွေ့ဆုံခဲ့ပါတယ်။ ခေတ်နဲ့သစ်တို့နဲ့အတူ သွားခဲ့ပြီး အမေစုအတွက် ကန်တော့ခဲ့ပြီး မွေးနေ့ဆုတောင်း စကားလေးလည်း ပြောထားပါသေးတယ်။

Photo : ချစ်သုဝေ

ဒီနေ့ (ဇွန်လ၁၉ရက်)ဟာ ဒေါ်အောင်ဆန်းစုကြည်ရဲ့ အသက်(၇၄)နှစ်ပြည့်မွေးနေ့ဖြစ်ပြီး မွေးနေ့လေးမှာ ချစ်သုဝေတို့ မိသားစုဟာ ဒေါ်အောင်ဆန်းစုကြည်ဆီ သွားရောက်တွေ့ဆုံခဲ့တာ ဖြစ်ပါတယ်။ ချစ်သုဝေက ဒီတစ်ခေါက် ဒေါ်အောင်ဆန်းစုကြည်ဆီသွားရင်းနဲ့ သူမကိုယ် သူမ တာဝန်မကျေ အားမကိုးရတဲ့ သမီးတစ်ယောက်လို ခံစားရတယ်ဆိုပြီး သူမရဲ့ ခံစားချက်ကို ရင်ဖွင့်ထားတာတွေ့ရပါတယ်။

“ပျော်ရွှင်စရာမွေးနေ့ပါ အမေစုဒီတစ်ခါအမေ့ဆီသွားတော့ တာဝန်မကျေအားမကိုးရတဲ့သမီး တစ်ယောက်လို စိတ်ထဲအတော်ခံစားခဲ့ရတယ်။ ဟုတ်တယ် ..သမီးလေးတွေမွေးပြီးကတည်းက သမီး၂ယောက်အပေါ် တာဝန်တွေကျေဖို့ကြိုးစားရင်း မိသားစုအတွက် အတ္တတွေသိပ်ကြီးလာခဲ့တဲ့ကိုယ်ဟာ အမေ့ရှေ့မှာအားတုံ့အားနာမှုေ တွခံစားရတာမဆန်းပါဘူး။ဘာလို့ဆို ဒီတိုင်းသူပြည်သားတွေနဲ့ ဒီမြေအတွက် မိန်းမတစ်ယောက်,မိခင်တစ်ယောက် မစွန့်နိုင်သောအရာတွေကို သူစွန့်ခဲ့ရတာကိုး..

ကိုယ်ဆို စိတ်ကလေးတောင်ယောင်ရမ်းမတွေးကြည့်နိုင်ဘူး.။အမေဟာ မေတ္တာကြီးတယ် ရဲရင့်တယ် ပြတ်သားတယ် သမာဓိအားကြီးတယ် တိုင်းပြည်လူမျိုးကို ကိုယ်ကျိုးစွန့်ချစ်တယ်..တကယ့်ကို တစ်ယောက်တည်းသာရှိတဲ့ စံပြနိုင်ငံ့ခေါင်းဆောင်တစ်ယောက်ပဲ” ဆိုပြီး ဇွန်လ(၁၉) ရက်နေ့က သူမရဲ့ ဖေ့စ်ဘွတ်မှာ ရေးသားထားတာတွေ့ရပါတယ်။

Photo : ချစ်သုဝေ

အဲဒါကြောင့်လည်း သူမအနေနဲ့ သူမနိုင်တဲ့ဘက်ကနေ ဒေါ်အောင်ဆန်းစုကြည်အတွက် နောက်လိုက်သားသမီးကောင်း ဖြစ်အောင် ကြိုးစားသွားပ့ါမယ်ဆိုပြီး ဆက်လက်ပြောထားပါသေးတယ်။

ချစ်သုဝေက လက်ရှိမှာ အနုပညာအလုပ်တွေလည်း လုပ်ကိုင်နေတာဖြစ်သလို မိသားစုအပေါ်မှာလည်း တာဝန်ကျေတဲ့ ဇနီးတစ်ယောက်၊ သမီး နှစ်ယောက်အပေါ်မှာ အရမ်းကောင်းတဲ့ မိခင်တစ်ယောက်ဖြစ်ပါတယ်။ အဲဒီနောက် ခေတ်သစ် ဖောင်ဒေးရှင်းကိုလည်း ခင်ပွန်းဖြစ်သူ အဆိုတော် လင်းလင်းနဲ့ အတူ ဦးဆောင်နေတာ တွေ့ရပါတယ်။ ဖောင်ဒေးရှင်းကနေ အောင်အောင်မြင်မြင် ဆေးကုသပေးနိုင်ခဲ့တဲ့ မွေးရာပါ နှလုံးရောဂါရှင် ကလေးတွေအတွက်လည်း သူမက ပီတိတွေဖြစ်လို့နေပါတယ်။



Photo : ချစ်သုဝေ

ချစ်သုဝေ(Chit Thu Wai) ဟာ အဆိုတော်တစ်ယောက်အဖြစ် အနုပညာလောကထဲကို စတင်ဝင်ရောက်လာ တာဖြစ်ပါတယ်။ အဲ့ဒီနောက် သရုပ်ဆောင်တစ်ဦး အဖြစ်နဲ့ပါ ရပ်တည်ခဲ့ပါသေးတယ်။ ၂၀၁၄ ခုနှစ်မှာတော့ အဆိုတော် လင်းလင်းနဲ့ လက်တွဲပြီး အိမ်ထောင်တစ်ခု တည်ဆောက်ခဲ့ကာ ၂၀၁၇ ခုနှစ်မှာ ချစ်စရာကောင်းတဲ့ အမြွှာသမီးလေးတွေဖြစ်တဲ့ မေမြန်မာသစ်နဲ့ မေမြန်မာခေတ်တို့ကို မွေးဖွားခဲ့ပါတယ်။ အခုဆိုရင် အမြွှာသမီးလေးတွေရဲ့ မေမေချစ်သုဝေဟာ အနုပညာအလုပ်တွေ ပြန်လည်လုပ်ကိုင်နေပြီ ဖြစ်ပါတယ်။


ဆက်စပ်အကြောင်းအရာများ


က္က