Ei Ei Myat

သဉ္ဇာနွယ်ဝင်းက သမီးလေး မမွေးခင်မှာ သူမရဲ့ ဆံပင်အရှည်ကို ဖြတ်ပြီး လှူဒါန်းခဲ့ပါတယ်။ ဒါက ဒုတိယအကြိမ် လှူဒါန်းခြင်းပါ။ 

Photo ; သဉ္ဇာနွယ်ဝင်း

သရုပ်ဆောင် သဉ္ဇာနွယ်ဝင်းက သူမရဲ့ ဆံပင်အရှည်ကို ဖြတ်ပြီး ရွှေဆံပင်ကျောင်းမှာ ဇူလိုင်လ(၇) ရက်နေ့က သွားရောက်လှူဒါန်းခဲ့ပါတယ်။ သမီးလေး မမွေးခင် သူမရဲ့ ဆံပင်အရှည်ကို ဖြတ်ပြီး ဒုတိယအကြိမ် သွားလှူခဲ့တာ ဖြစ်ပါတယ်။ သဉ္ဇာနွယ်ဝင်းဟာ သူမရဲ့ ဆံပင်ကို ဇွန်လ(၂၇) ရက်နေ့က ကတည်းက ညှပ်ထားတာဖြစ်ပါတယ်။

Photo ; သဉ္ဇာနွယ်ဝင်း

သရုပ်ဆောင် သဉ္ဇာနွယ်ဝင်းက လက်ရှိမှ ဒုတိယကိုယ်ဝန်ကို လွယ်ထားနေရပြီ ဖြစ်ပါတယ်။ ကိုယ်ဝန်က လေးလကျော်ထဲကို ရောက်နေပါပြီ။ ချစ်စရာကောင်းတဲ့ သားလေးကို ပိုင်ဆိုင်ထားပြီး မကြာခင်မှာ သမီးလေး ရတော့မှာမို့ သဉ္ဇာနွယ်ဝင်းက ပျော်လို့နေပါတယ်။

အိမ်ထောင်ကျသွားပြီးနောက် အနုပညာအလုပ်တွေ မလုပ်ဖြစ်တော့ သဉ္ဇာနွယ်ဝင်းဟာ အခုလက်ရှိ အချိန်မှာတော့ သူမရူးသွပ်ခဲ့ရတဲ့ အနုပညာအလုပ်တွေကို အရမ်းသတိရနေပါတယ်တဲ့။

Photo ; သဉ္ဇာနွယ်ဝင်း

တစ်ခါတလေဆိုရင် အိမ်မက်ထဲမှာတောင် ဇာတ်ကားတွေ ပြန်ရိုက်နေပြီဆိုပြီး အိမ်မက်တွေတောင် မက်နေမိတယ်လို့ ဆိုပါတယ်။ သူမဟာ အိမ်ထောင်ကျပြီးနောက်ပိုင်း သူမရိုက်ကူးခဲ့တဲ့ ဇာတ်ကားလေး ပြန်လွှင်တဲ့အခါကျရင် သေချာပြန်ကြည့်ဖြစ်သလို အမှတ်ရစာလေးတွေကိုလည်း ပြန်သတိရမိတယ် ဆိုတာကို မီဒီယာတွေရဲ့ အင်တာဗျူးမှာ ဖြေဆိုခဲ့ဖူးပါတယ်။

Photo ; သဉ္ဇာနွယ်ဝင်း

ကိုလှမျိုးမြင့်နဲ့ သရုပ်ဆောင် သဉ္ဇာနွယ်ဝင်းတို့ရဲ့ မင်္ဂလာပွဲကို ၂၀၁၇ခုနှစ် ဖေဖော်ဝါရီ(၁)ရက်နေ့က မင်္ဂလာဆွမ်းကျွေး အလှူပြုလုပ်ခဲ့ပြီး ဖေဖော်ဝါရီ(၂)ရက်နေ့က နှစ်ဦးသဘောတူ ရုံးတက်လက်မှတ်ထိုးခဲ့ကြပါတယ်။ ဖေဖော်ဝါရီ(၃)ရက်နေ့ကတော့ Melia ဟိုတယ်မှာ မင်္ဂလာပွဲကို ပျော်ရွှင်စွာနဲ့ ကျင်းပပြုလုပ်ခဲ့တာ ဖြစ်ပါတယ်။


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က