သားလေးကို သြဂုတ်လ ၅ ရက်နေ့က မွေးခဲ့တာဖြစ်ပါတယ်။
Sabal Thwin

သရုပ်ဆောင်အကယ်ဒမီမြင့်မြတ်က သြဂုတ်လ ၈ ရက်နေ့(ဒီနေ့) မနက်မှာပဲ ရွာမပရိယတ္တိစာသင်တိုက်မှာ သူ့ရဲ့ မွေးနေ့ အမှတ် တရ အဖြစ် နဲ့ရော ပထမဦးဆုံးရင်သွေးလေးရဲ့ မွေးနေ့အမှတ်တရအဖြစ်အလှူအတန်းတွေလုပ်ခဲ့တာကို တွေ့ရပါတယ်။ အဲ့ဒီ နောက် သူ့ရဲ့ သားဦးလေးရဲ့ ပုံတူကို တက်တူးထိုးဦးမယ်လို့ Duwun media အင်တာဗျူးမှာ ဖြေဆိုခဲ့ပါသေးတယ်။



Photo: Myat Wai Tun Facebook


သရုပ်ဆောင်အကယ်ဒမီမြင့်မြတ်က သြဂုတ်လ ၈ ရက်နေ့(ဒီနေ့) မနက်မှာပဲ ရွာမပရိယတ္တိစာသင်တိုက်မှာ သူ့ရဲ့ မွေးနေ့ အမှတ်တရ အဖြစ် နဲ့ရော ပထမဦးဆုံးရင်သွေးလေးရဲ့ မွေးနေ့အမှတ်တရအဖြစ်အလှူအတန်းတွေလုပ်ခဲ့တယ်လို့ ဆိုပါတယ်။ သားလေးကိုတော့ သြဂုတ်လ ၇ ရက်နေ့မှာ မွေးဖွားခဲ့တာဖြစ်ပြီး မြင့်မြတ်ကတော့ အသက် ၃၂ နှစ်ပြည့်မွေးနေ့ ဖြစ်ပါတယ်။

မြင့်မြတ်နဲ့ သားလေး အတွက် ခင်လှိုင်ရဲ့ မွေးနေ့ဆုတောင်း

 

'' ဖိုးဖိုးဦးမြင့်ကျော်၊ ဖွားဖွား ဒေါ်မိမိခိုင်တို့၏ မြေး၊ ဖေဖေ မောင်မြင့်မြတ်+ မေမေ မခင်သူဇာအောင် တို့ရဲ့ ချစ်လှစွာသော သားဦးရတနာ လေး ဂျူနီယာမြင့်မြတ် ရဲ့ မွေးနေ့ကုသိုလ်တော်'' ဆိုပြီးတော့ ရွာမပရိယတ္တိစာသင်တိုက်မှာ မိသားစုဝင်တွေနဲ့ အတူ နေ့ဆွမ်းဆပ်ကပ် လှူ ဒါန်းခဲ့တာကို Myat wai Tun (မြင့်မြတ် မန်နေဂျာ)ဖေ့စ်ဘွတ်အကောင့်မှာ သြဂုတ်လ ၈ ရက်နေ့ နေ့လည် ၁၁ နာရီက တင်ခဲ့တာဖြစ်ပါတယ်။


Photo: Myat Wai Tun Facebook


သရုပ်ဆောင်မြင့်မြတ်ဟာ သူ့ရဲ့ သားဦးလေးရဲ့ ပုံတူကို တက်တူးထိုးဦးမယ်လို့ Duwun media အင်တာဗျူးမှာ ဖြေဆိုခဲ့ပါသေးတယ်။ သူ့နဲ့ မွေးနေ့တူတဲ့ သားလေးကိုလည်း စောင့်မျှော်နေခဲ့ရတာ ကြာပြီဖြစ်ပါတယ်။ လိုချင်တဲ့ သားဦးလေးကို ပိုင်ဆိုင်နိုင်ခဲ့တာကြောင့်လည်း မြင့်မြတ် တစ်ယောက် အရမ်းကို ပျော်ရွှင်နေတာဖြစ်ပါတယ်။


Photo: Myat Wai Tun Facebook


မြင့်မြတ်ဟာ အချိန်ရရင် ရသလို ဇနီးဖြစ်သူနဲ့ သားလေးရဲ့ ရှေ့ရေးလေးတွေ တိုင်ပင်ဖြစ်တယ်လို့ မီဒီယာတွေရဲ့ အင်တာဗျူးမှာ ဖြေဆိုခဲ့ဖူးပါတယ်။ သူ့ကို ဘယ်လိုဖြစ်ဖြစ် အားပေးနေကြတဲ့ ပရိသတ်ကိုလည်း သူ့ရဲ့ သားဦးလေးဂျူနီယာမြင့်မြတ်ကိုလည်း ချစ်ပေးကြဖို့ တောင်းဆိုထားပါသေးတယ်။


Photo: Myat Wai Tun Facebook


သရုပ်ဆောင် မြင့်မြတ်တစ်ယောက် သူ့ရဲ့ ဘဝထဲကို မွေးနေ့တူတဲ့ သားလေးတစ်ယောက် ရောက်ရှိလာပြီဖြစ်လို့ အရမ်းကို ပျော်လို့နေပါ တယ်။ မြင့်မြတ်ရဲ့ သားလေးကို ဒီနေ့ သြဂုတ်လ(၇) ရက်နေ့ မနက် (၉)နာရီ(၁၅)မိနစ်က ရန်ကုန်မြို့ ဝီတိုရိယ ဆေးရုံမှာ အောင်မြင်စွာ မွေးဖွားနိုင်ခဲ့တာ ဖြစ်ပါတယ်။


ဆက်စပ်အကြောင်းအရာများ


က္က