ဆယ်ကျော်သက် အချိန်တုန်းကပါတဲ့။
Sabal Thwin

စိုင်းစိုင်းခမ်းလှိုင်က သီရိဂျေမောင်မောင်နဲ့အတူ သီချင်းတွေ ဆိုခဲ့ရဖူးတဲ့အကြောင်းပြောလာပါတယ်။ အခုချိန်ထိလည်း အောင်မြင်မှုများစွာပိုင်ဆိုင်ထားတဲ့ အဆိုတော် နှစ်ဦးပါပဲ။

Photo: Thiri J Maung Maung

စိုင်းစိုင်းခမ်းလှိုင်ဟာ ဂီတအလုပ်တွေ စလုပ်ချိန်က အဆိုတော် သီရိဂျေမောင်မောင်နဲ့ ဆုံတွေ့ခဲ့တဲ့ အမှတ်တရတွေ ပြောပြလာပါတယ်။ သီချင်းတွေ အတူတူဆိုခဲ့တာတွေကို လွမ်းတယ်လို့ စိုင်းစိုင်းက ပြောပါတယ်။

"ဆယ်ကျော်သက်တုန်းက မသီရိရဲ့ ပွဲတွေမှာ Featuring Rap လိုက်ဆိုတာတွေကို ပြန်လွမ်းမိပါတယ်။ ( မှတ်ချက် - အခုလည်း ဆယ်ကျော်သက်ပါပဲကျော်တဲ့နှစ်တွေနည်းနည်းများသွားတာလေးတစ်ခုပဲ )"ဆိုပြီးတော့ ဒီဇင်ဘာလ ၁၄ ရက်နေ့ နေ့လည် ၂ နာရီကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။

Photo: Sai Sai

သီရိဂျေမောင်မောင်ကတော့ နာမည်ကျော်အဆိုတော် ဂျေမောင်မောင်ရဲ့ သမီး၊ အဆိုတော် ဂျေညီညီ၊ ဂျေညီမလေးတို့ရဲ့ တူမ တော်စပ်သူပါ။ သူမကိုတော့ ၁၉၉၄ ခုနှစ်က ထွက်ရှိတဲ့ သီချင်းဖြစ်တဲ့ "ဘလက်ကော်ဖီ" သီချင်းနဲ့ ပရိသတ်တွေ စတင်သိရှိခဲ့တာပါ။ သူမ အောင်မြင်ခဲ့တဲ့ သီချင်းကတော့ ဘလက်ကော်ဖီ ၊ တစ်စုံတစ်ရာ ၊ ပေးဆပ်ခြင်းများစွာနှင့် ၊ အလွမ်းကဖီး၊ တစ်ယောက်မျက်နှာ တစ်ယောက်ကြည်ကာ စတဲ့ သီချင်းတွေကလည်း ဒီနေ့အချိန်ထိ အောင်မြင်မှုတွေရရှိနေတုန်းပါပဲ။ သီရိဂျေမောင်မောင်ဟာ အခုချိန်ထိလည်း ဂီတအလုပ်တွေကို ဆက်လက် လုပ်ကိုင်နေတုန်းဖြစ်ပါတယ်။

Photi: Sai Sai

စိုင်းစိုင်းဟာ စိုင်းစိုင်း(Sai Sai)က ၁၈ နှစ်အရွယ်က တည်းက အနုပညာအလုပ်တွေ စတင်လုပ်ဆောင်ခဲ့သူတစ်ယောက်ဖြစ်ပါတယ်။ သူဟာ အခုလို ထိပ်တန်းစာရင်းဝင်အနုပညာရှင်တစ်ယောက်ဖြစ်လာဖို့ အခက်အခဲပေါင်းများစွာကိုလည်း ကျော်ဖြတ်ခဲ့ရသူပါ။ သရုပ်ဆောင်ပိုင်းနဲ့ ပတ်သက်လို့ ၂၀၀၇ခုနှစ်မှာ မင်္ဂလာပါဇာတ်ကား၊ ၂၀၀၇ခုနှစ်မှာ ဂုဏ်ရှိန်ပြင်းတဲ့ ချစ်ခြင်းသိက္ခာ၊ ၂၀၀၈ခုနှစ်မှာ ရင်ခွင်နှင်းဆီ ၊ ၂၀၁၁ခုနှစ်မှာအာဒံရယ် ဧဝရယ် ဒဿရယ်၊ ၂၀၁၆ခုနှစ်မှာ အေဒင်ရဲ့ နတ်သမီး၊ From Bangkok To Mandalay၊ ဂျုန်းဂျုန်းဂျက်ဂျက် စတဲ့ ရုပ်ရှင်ဇာတ်ကားတွေမှာ ပါဝင်ထားသူ တစ်ဦး ဖြစ်ပါတယ်။ အဲ့ဒီနောက် စိုင်းစိုင်းခမ်းလှိုင်ရဲ့ စီးပွားရေး အနေနဲ့ Frenzo Production မှာလည်းဦးဆောင် သူတစ်ဦးလည်းဖြစ်သလို SAI Cosmetix ရဲ့ ထုတ်လုပ်သူ တစ်ဦးလည်းဖြစ်ပါတယ်။



ဆက်စပ်အကြောင်းအရာများ


က္က