မြင့်မြတ်ကတော့ အသက်အရွယ်ကြီးနေပြီဖြစ်တဲ့ သက်ကြီး လူရွှင်တော်တွေအတွက် ထောက်ပံ့ငွေ ၁၀သိန်းကျပ် လှူဒါန်းခဲ့တာ တွေ့ရပါတယ်။

သရုပ်ဆောင်မြင့်မြတ်ကတော့ အလှူအတန်းနဲ့ ပတ်သက်လာရင် လက်မနှေးသူတစ်ယောက်ပါ။ အခုလည်း သက်ကြီးလူရွှင်တော်တွေအတွက် အလှူငွေထောက်ပံ့ပေးခဲ့တာကြောင့် လူရွှင်တော် ချက်ကြီးက ကျေးဇူးတင်စကားဆိုခဲ့ပါသေးတယ်။

‘’သက်ကြီးလူရွှင်တော်များကို အလှူငွေ(10)သိန်းကျပ် ကူညီထောက်ပံ့မူ့အတွက် ကိုမြင့်မြတ်အား လူရွှင်တော်အသင်းကိုယ်စား ဂုဏ်ပြုမှတ်တမ်းပေးအပ်ခဲ့ပါတယ်ခင်ဗျာ’’ ဆိုပြီးတော့ စက်တင်ဘာလ ၂၉ ရက်နေ့ ည ၇ နာရီကျော်က သူ့ရဲ့ ဖေ့စ်ဘွတ်မှာ ရေးသားထားတာဖြစ်ပါတယ်။ အဲဒီနောက် အမှတ်တရ အလှူဓာတ်ပုံလေးကိုလည်း မှတ်တမ်းတင်ခဲ့ပါသေးတယ်။

သူ့ကို အားပေးချစ်ခင်နေကြတဲ့ ပရိသတ်တွေကတော့ ဒီအလှူလေးအတွက် အများကြီး ဝမ်းသာပီတိဖြစ်နေကြတာကို တွေ့ရပါတယ်။ မြင့်မြတ်ကတော့ ဒီနှစ်မှာ အသက်(၃၃)နှစ်ပြည့်လို့သွားခဲ့ပါပြီ။ သူနဲ့ မွေးနေ့တူတဲ့ သားသားလေး မြတ်သူကတော့ အသက်(၁)နှစ်ပြည့်သွားခဲ့ပါပြီ။ သူဟာ အလှူအတန်းနဲ့ ပတ်သက်လာရင်လည်း လက်မနှေးတတ်သူ တစ်ယောက်ပါ။ ငွေအားလည်း လှူဖြစ်သလို တစ်ခါတလေမှာ ကိုယ်တိုင်လုပ်အားလည်း ပါဝင်လေ့ရှိသူတစ်ယောက်ဖြစ်ပါတယ်။

Photo: Chat Gyi

မြင့်မြတ်က လက်ရှိအနုပညာလောကမှာ အောင်မြင်မှုများစွာ ရရှိနေတဲ့ ထိပ်တန်းမင်းသားတစ်ဦးဖြစ်ပါတယ်။ လက်ရှိမှာလည်း ရုပ်ရှင်ဇာတ်ကားကြီးတွေ ဆက်တိုက်ရိုက်ကူးနေရပါတယ်။ သူဟာ ၂၀၁၇ခုနှစ်က အကောင်းဆုံး အမျိုးသားဇာတ်ပို့ဆုကို “အမှောင်မှာရွာချတဲ့မိုးတိမ်” ဆိုတဲ့ ရုပ်ရှင်ဇာတ်ကားကြီးနဲ့ ပိုင်ဆိုင်ခဲ့တာ ဖြစ်ပါတယ်။