အလုပ်တွေလည်းပျက်၊ မိတ်လည်းပျက်။
နေခြည်ဦးကတော့ နေမကောင်းဖြစ်တာကြောင့် အလုပ်တွေလည်း ပျက်နေပြီလို့ ဆိုပါတယ်။ သူဟာ မကြာခင်မှာ အကယ်ဒမီနေတိုးနဲ့အတူ တွဲပြီး ရုပ်ရှင်ကားကြီး ရိုက်ကူးဖို့ရှိပါသေးတယ်။

Photo: နေခြည်ဦး



ပရိသတ်တွေရဲ့ အချစ်တော်မလေး နေခြည်ဦးတစ်ယောက် နေမကောင်းဖြစ်နေပါတယ်တဲ့။ ဒါကြောင့် လက်ခံထားတဲ့ အလုပ်တွေ ပျက်သွားရလို့ ကြိုးစားမယ်ဆိုပြီးတော့ ရင်ဖွင့်ပြောပြလာပါတယ်။

‘’နေမကောင်းရင်လေ တော်တော်စိတ်ဆင်းရဲရတယ်။ အရင်လို ရထားတွဲခေါင်းကြီးရပ်သွားတာမျိုးတာ့ မဟုတ်တော့ပေမယ့် ကိုယ့်ကိုယ်ကို invest လုပ်နေရတဲ့ အလုပ်ဖြစ်နေသရွေ့တော့ ကျန်းမာရေးမကောင်းတာနဲ့ မိတ်လည်းပျက် ပွဲလည်းပျက်ဘဲ။ (အလုပ်ကိစ္စတွေ ရွှေ့ဆိုင်းရပြန်တာ တောင်းပန်ပါတယ်နော်၊ နှစ်ဆပြန်ကြိုးစားပေးပါ့မယ်)’’ ဆိုပြီးတော့ မတ်လ ၆ ရက်နေ့ ည ၉ နာရီကျော်က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။

Photo: နေခြည်ဦး

နေခြည်ဦးဟာ မကြာခင်မှာ သရုပ်ဆောင် အကယ်ဒမီနေတိုးနဲ့ အတူ ‘’အခမ်းနားဆုံး မေတ္တာ’’ ဆိုတဲ့ရုပ်ရှင်ကားကြီးကို ရိုက်ကူးသွားမှာဖြစ်ပါတယ်။ ဒါဟာ သူမအတွက်တော့ နေတိုးနဲ့အတူ ပထမဆုံး သရုပ်ဆောင်ရမယ့် ရုပ်ရှင်ကားကြီးဖြစ်ပါတယ်။ ဒီဇာတ်ကားထဲမှာ သရုပ်ဆောင် နေတိုး၊ ဇင်ဝိုင်း၊တိုင်ရွန်၊သူရိယ၊ စိုးမြတ်သူဇာ၊ နေခြည်ဦးနဲ့ ခင်သဇင်တို့က အဓိက သရုပ်ဆောင်တွေအဖြစ် ပါဝင်သွားမယ်လို့ သိရပါတယ်။
Photo: နေခြည်ဦး
နေခြည်ဦး ပါဝင်သရုပ်ဆောင်ထားတဲ့ ‘’ရန်သူ’’ ရုပ်ရှင်ကားကြီးဟာ ၂၀၁၈ ခုနှစ်အတွက် အကယ်ဒမီထူးချွန်ဆုပေးပွဲ ရဲ့ ဆန်ခါတင်ရုပ်ရှင်ဇာတ်ကား ၂၅ ကားထဲမှာ ပါဝင်နေတာဖြစ်ပါတယ်။ ဒီဇာတ်ကားဟာ နေခြည်ဦးအတွက် ပထမဆုံး ရိုက်ကူးခဲ့တဲ့ ရုပ်ရှင်ကားကြီးလည်းဖြစ်ပါတယ်။ သူမကိုယ်တိုင်ကတော့ အကယ်ဒမီနဲ့ ပတ်သက်တဲ့ ရင်ခုန်သံတွေ ဖွင့်ပြောလာတာမျိုး မရှိသေးပါဘူး။

Photo: နေခြည်ဦး

နေခြည်ဦးကိုတော့ Beauty Blogger မလေးတစ်ယောက်အဖြစ် ပရိသတ်တွေ စတင်သိရှိခဲ့တာဖြစ်ပါတယ်။ အဲဒီနောက် သရုပ်ဆောင်လောကထဲကို ဝင်ရောက်လာချိန်မှာ ‘’ရန်သူ’’ ၊ ‘’ဧည့်သည်’’၊ ‘’အောက်ဖဲမလှန်ကြေး’’ စတဲ့ ရုပ်ရှင်ဇာတ်ကားတွေ ရိုက်ကူးထားပြီးဖြစ်ပါတယ်။ ‘’ရန်သူ’’ ရုပ်ရှင်ကားကြီးကလည်း ၂၀၁၈ ခုနှစ်အတွင်းမှာ ပရိသတ်အရှေ့ကို ရောက်ရှိခဲ့ပြီးဖြစ်ပါတယ်။ 


ဆက်စပ်အကြောင်းအရာများ



က္က