မိုးပြည့်ပြည့်မောင်က (၇) ရက်တာ တရားစခန်းဝင်ပြီး ကုသိုလ်ကောင်းမှုတွေ ပြုလုပ်လျက်ရှိပါတယ်။ သူမပြုလုပ်တဲ့ ကုသိုလ်ကောင်းမှုတွေကိုလည်း ပရိသတ်တွေ သာဓုခေါ်နိုင်အောင် အမျှပေးဝေထားပါသေးတယ်။

Drama မင်းသမီးလို့ အသိအမှတ် ပြုလောက်အောင် အငို၊ အလွမ်း အခန်းတွေကို ပီပြင်စွာ သရုပ်ဆောင်နိုင်သူက မိုးပြည့်ပြည့်မောင်ပါ။ သရုပ်ဆောင် မိုုးပြည့်ပြည့်မောင်က လှည်းကူးမြို့နယ် သစ္စာရွှေစည်တရားစခန်းမှာ (၇)ရက်တိုင်တိုင် တရားစခန်းဝင်ပြီး ကုသိုလ်ယူခဲ့တယ်လို့ သိရပါတယ်။

“လှည်းကူးမြို့နယ်သစ္စာရွှေစည်တရားစခန်းတွင်(7)ရက်တိုင်တိုင်ပြုရသောဒါန,သီလ,ဘာဝနာကုသိုလ်ကောင်းမှုတို့အားမိတ်ဆွေအပေါင်းအသင်းသူငယ်ချင်းများကျမနှင့်အတူထပ်တူရစေရန်....အမျှပေးဝေပါသည်” ဆိုပြီး သူမရဲ့ ဖေ့စ်ဘွတ်ပေ့ချ်မှာ ဇူလိုင်(၁၀) ရက်နေ့က ရေးသားထားတာတွေ့ရပါတယ်။ သူမပြုလုပ်ခဲ့သော အလှူဒါနများကိုလည်း ပရိသတ်တွေအတွက် ပြန်လည်မျှဝေထားပါသေးတယ်။

သရုပ်ဆောင် မိုးပြည့်ပြည့်မောင်ဟာရုပ်ရှင်ဇာတ်ကားကြီးတွေ ရိုက်ကူးရင်း ကုသိုလ်ကောင်း မှုတွေလည်း ပြုလုပ်လျက်ရှိတာ တွေ့ရပါတယ်။ နယ်ဖျော်ဖြေပွဲတွေမှာ သီချင်းတွေ သွားဆိုဖြစ်သ လို ဖျော်ဖြေပွဲတွေက ရရှိတဲ့ ငွေကြေးတွေကိုလည်း အလှူအတန်းတွေ ပြုလုပ်တတ်သူပါ။ မိုးပြည်ပြည့်မောင်ဟာ သာယာတဲ့ မိသားစုဘဝလေးကို ပိုင်ဆိုင်ထားသူတစ်ဦး ဖြစ်ပါတယ်။

Photo : မိုးပြည့်ပြည့်မောင်

သမီးလေး တစ်ယောက်ကို ပိုင်ဆိုင်ထားတဲ့ သူမကလည်း သမီးပေါ် ထားရှိတဲ့ သူမရဲ့ သဘောထားလေးကိုလည်း ယခုလို ပြောပြဖူးပါတယ်။

“မိုးပြည့်သမီးလေးနဲ့ပတ် သက်ပြီးတော့လည်း မိဘတိုင်းက တော့ သားသမီးတွေကို အကောင်းဆုံးအရာတွေပဲပိုင်ဆိုင်စေချင်တယ်။ သားသမီးကို ဘယ်လိုတည့်မတ်ပေး ရမလဲ။ သွားနေတဲ့လမ်းကြောင်းက မှားနေရင် ပြုပြင်ပေးမယ်။ မိုးပြည့်ထိန်းသိမ်းပေးဖို့ပဲလိုပါတယ်။ ကိုယ့် ဆန္ဒကြီးဘာဖြစ် ချင်တယ်ဆိုတာကို မိုးပြည့်ကလေးအပေါ်ထားမှာ မ ဟုတ်ဘူး။ သမီးလေးက အနုပညာ ကိုဝါသနာပါတယ်။ ကိုယ့်ထက် သူကအိုက်တင်တွေ၊ ဘာတွေပိုလုပ် တတ်တယ်။ ဒါပေမယ့် ငယ်သေး တော့ မိုးပြည့်ပညာရေးကိုပဲ ဦးစား ပေးမှာပါ။ အရွယ်တစ်ခုရောက် လာလို့ သူဘာဖြစ်ချင်တယ်ဆိုရင် လည်း မိုးပြည့်မိဘ တစ်ယောက်အနေ နဲ့ အကောင်းဆုံးကူညီပံ့ပိုးပေးသွားမှာ ပါ’လို့ အင်တာဗျူးတွေမှာ ဖြေဆိုဖူးပါတယ်။

Photo : မိုးပြည့်ပြည့်မောင်

မိုးပြည့်ပြည့်မောင်ဟာဆိုရင် လက်ရှိမှာ ရုပ်ရှင်ထုတ်လုပ်ရေးကိုပါ လုပ်ကိုင်နေတာဖြစ်ပြီး ရုပ်ရှင်ဇာတ်ကားကြီးတွေလည်း ရိုက်ကူးလျက်ရှိပါတယ်။