ယွန်းယွန်းက ကလေးသရုပ်ဆောင်အဖြစ် ပထမဆုံးရိုက်ကူးတဲ့ ရုပ်ရှင်ဇာတ်ကားမှာ ကျော်ဟိန်းနဲ့ တွဲဖက်သရုပ်ဆောင် ထားတဲ့ အမှတ်တရတွေကို ပြောပြခဲ့တာပါ။

" ဘဝမှာ ပထမဦးဆုံး ၃နှစ် နဲ့ ၄လအရွယ်က ကလေးသရုပ်ဆောင်လုပ်ခဲ့တဲ့ ဇာတ်ကားမှာ ဦးကျော်ဟိန်းသမီးအငယ်ဆုံးလေးအနေနဲ့ရိုက်ခဲ့ရတယ်။ နှစ်ကားဆက်တိုက် ဦးကျော်ဟိန်းနဲ့ပဲ ။ On scene မှာ Acting သင်ပေးခဲ့တဲ့ လက်ဦးဆရာလို့ပြောလို့ရပါတယ်။ ကြီးလာမှမတွေ့ဖြစ်တော့ဘူး။ စိတ်မကောင်းလိုက်တာ.. Rest In Peace  " ဆိုပြီးတော့ ဇူလိုင်လ ၁၂ ရက်နေ့ ညနေ ၅ နာရီကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။ 

Photo: Yoon Yoon

Photo: Yoon Yoon

သူမက ကလေးသရုပ်ဆောင် အဖြစ် " စေတန်ရဲ့ ကချေသည်" ၊ " ကျွန်မက နှင်းဆီပါမောင်" ရုပ်ရှင်ဇာတ်ကားတွေနဲ့ အကယ်ဒမီ ဆန်ခါတင်စာရင်း ဝင်ခဲ့ဖူးပါတယ်။ ယွန်းယွန်းဟာ အသက် ၃ နှစ်နဲ့ ၄လ အရွယ်ကနေ အသက် ၁၅ နှစ်ဝန်းကျင်အထိ ရုပ်ရှင်ဇာတ်ကားပေါင်း (၁၀၀) ကျော်ရိုက်ကူးခဲ့ရသူ တစ်ယောက်ပါ။ တီဗီကြော်ငြာတွေ၊ ဗီဒီယို ဇာတ်ကားတွေမှာလည်း ပါဝင်သရုပ်ဆောင် ခဲ့ပါသေးတယ်။ ယွန်းယွန်းဟာ ၂၀၁၅ ခုနှစ်က စလို့ တက္ကသိုလ်ဝင်တန်း တက်ရောက်နေရတဲ့ အချိန်တုန်းက ပညာရေးအတွက် အနုပညာ အလုပ်တွေ ခဏတာ ရပ်နားထားခဲ့တာကို တွေ့ရပါတယ်။ 

၂၀၁၇ ခုနှစ်မှာတော့ " မနေ့က ဖြစ်သည်" ဆိုတဲ့ MRTV-4 ရုပ်သံ ဇာတ်လမ်းတွဲကနေတဆင့် အနုပညာအလုပ်တွေ ပြန်လည် လုပ်ကိုင်လာတာ တွေ့ရပါတယ်။ အဲဒီနောက် ၂၀၁၈ ခုနှစ်မှာတော့ မြဝတီရုပ်သံလိုင်းက ထုတ်လွှင့်တဲ့ " ရွှေမင်းသမီးနဲ့ လူလိမ်" ဆိုတဲ့ ရုပ်သံဇာတ်လမ်းတွဲထဲမှာလည်း ပါဝင်သရုပ်ဆောင် ထားတာ တွေ့ရပါတယ်။ အခုချိန်မှာတော့ ယွန်းယွန်းဟာ ကြော်ငြာတွေ ဆက်တိုက်ရိုက်ကူးနေရသူ ဖြစ်ပါတယ်။