မြင့်မြတ်ကတော့ အသက် ၃၃ နှစ်ပြည့်ပြီဖြစ်ပါတယ်။ မွေးနေ့တူဖြစ်တဲ့ တစ်ဦးတည်းသော သားလေး မြတ်သူကလည်း တစ်နှစ်ပြည့်ပါပြီ။ သူတို့ သားအဖနှစ်ယောက်အတွက် ယုန်လေးနဲ့ Kညီ တို့က Birthday Surprise လုပ်ခဲ့ကြပါသေးတယ်။
Photo: Yone Lay
ဒီနေ့(သြဂုတ်လ ၇) ရက်နေ့ကတော့ ပရိသတ်အချစ်တော် မြင့်မြတ် နဲ့ သားလေး မြတ်သူတို့ရဲ့ မွေးနေ့ရက်မြတ်လေး ဖြစ်ပါတယ်။ ဒါကြောင့် မြင့်မြတ် ရုပ်ရှင်ရိုက်နေတဲ့ အောင်ပန်းအထိကို သူငယ်ချင်းဖြစ်တဲ့ ယုန်လေး၊ Kညီ တို့က မွေးနေ့ Surprise သွားလုပ်ခဲ့ကြပါတယ်။
‘’ Happy Birthday Par ,Myint Myat & သားသားလေး ဂျူနီယာမြင့်မြတ်။ အစစအရာရာအဆင်ပြေပါစေ။ အောင်ပန်းထိ Surprise တက်လုပ်’’ ဆိုပြီးတော့ သြဂုတ်လ ၇ ရက်နေ့ မနက် ၄ နာရီကျော်က ယုန်လေးရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။ အဲဒီနောက် အမှတ်တရ ဓာတ်ပုံလေးတွေကိုလည်း တင်ထားတာ တွေ့ရပါတယ်။
Photo: RBV
မြင့်မြတ်ကတော့ အသက် ၃၃ နှစ်ပြည့်သွားပြီဖြစ်ပါတယ်။ သားလေး မြတ်သူကတော့ အသက် ၁ နှစ်ပြည့်ပါပြီ။ မြင့်မြတ်ဟာ လက်ရှိမှာ ထိုင်းအလှမယ် ဆွန်ဆွန်နဲ့ ‘’သရွီး’’ ဆိုတဲ့ရုပ်ရှင်ကားကြီးကို အောင်ပန်းမှာ ရိုက်ကူးနေတာဖြစ်ပါတယ်။ ဒီဇာတ်ကားကိုတော့ ဒါရိုက်တာ ပြည်ဟိန်းသီဟ က ရိုက်ကူးပုံဖော်နေတာပါ။ အဓိက သရုပ်ဆောင်တွေ အနေနဲ့ မြင့်မြတ်၊ ဆွန်ဆွန်၊ ရွှေအိမ်စည်၊ ထက်ထက်ထွန်း နဲ့ နန်းခင်ဇေယျာတို့က ပါဝင်သရုပ်ဆောင်နေတာဖြစ်ပါတယ်။
Photo: Yone Lay
မြင့်မြတ်အကြောင်းတွေကို မကြာခဏ ရေးတင်လေ့ရှိတဲ့ ယုန်လေးကလည်း လက်ရှိမှာ ဂီတအလုပ်တွေ လုပ်နေတာတွေ့ရပါတယ်။ မြင့်မြတ်နဲ့ ယုန်လေးတို့ရဲ့ ရင်းနှီးမှုကတော့ သူငယ်ချင်းအဆင့်ထက်သာမက ညီအစ်ကိုအရင်းထက်တောင် ပိုချစ်ကြတယ်လို့ မီဒီယာအင်တာဗျူးတွေမှာ ယုန်လေးရော၊ မြင့်မြတ်ရောက ဖြေဆိုခဲ့ဖူးပါတယ်။ တစ်ယောက်နဲ့ တစ်ယောက်ကလည်း အလှူအတန်းနဲ့ ပတ်သက်လာရင် တက်တက်ကြွကြွ ပါဝင်ကူညီတတ်သူတွေဆိုရင်လည်း မမှားပါဘူး။
Photo: Yone Lay
မြင့်မြတ်ရဲ့သားလေးကို သြဂုတ်လ(၇) ရက်နေ့ မနက် (၉)နာရီ(၁၅)မိနစ်က ရန်ကုန်မြို့ ဝီတိုရိယ ဆေးရုံမှာ အောင်မြင်စွာ မွေးဖွားနိုင်ခဲ့တာ ဖြစ်ပါတယ်။ အခုဆိုရင်တော့ မြင့်မြတ်ရဲ့ ရိုက်ကွင်းတွေမှာတောင် ဂျူနီယာမြင့်မြတ်လေးကို တွေ့နိုင်ပြီဖြစ်ပါတယ်။ မြင့်မြတ်နဲ့ ဇနီးဖြစ်သူ ခင်သူအောင် တို့ဟာ ၂၀၁၇ ခုနှစ် ဖေဖော်ဝါရီလ ၁၅ ရက်နေ့က နိုဗိုတယ် ဟိုတယ်မှာ မင်္ဂလာပွဲကျင်းပပြုလုပ်ခဲ့တာဖြစ်ပါတယ်။