ညိုမင်းလွင်ကိုယ်တိုင် ပုံဖော်ရိုက်ကူးမယ့် ‘’မြ’’ ရုပ်ရှင်ကားကြီးမှာ မုဒိမ်းကျင့် သတ်ဖြတ်ခံခဲ့ရတဲ့ ကောင်မလေး မြမြ နေရာက သရုပ်ဆောင်မယ့် မင်းသမီးချောလေးကတော့ သင်ဇာဝင့်ကျော်ဖြစ်တယ်ဆိုတာကို မိတ်ဆက်ပေးလိုက်ပါပြီ။

ဒါရိုက်တာညိုမင်းလွင်ကတော့ မြမြ ဆိုတဲ့ ဇာတ်ကောင်နေရာမှာ သရုပ်ဆောင်သွားမယ့် မင်းသမီးချောလေးကို မိတ်ဆက်ပေးလိုက်ပြီဖြစ်ပါတယ်။ ဒီမင်းသမီးကတော့ သရုပ်ဆောင် သင်ဇာဝင့်ကျော်ဖြစ်ပါတယ်။ 

‘’ပြီးခဲ့တဲ့နွေရာသီတစ်ရက်တုန်းက ပရိသတ်များကိုပြောခဲ့ဖူးတဲ့အတိုင်း ဒီနေ့ညမှာ မြမြနဲ့ မိတ်ဆက်ပေးလိုက်ပါတယ်၊ နောက်ဆုံးတော့ မြမြ တကယ်ရောက်လာခဲ့ပါပြီ’’ ဆိုပြီးတော့ စက်တင်ဘာလ ၁ ရက်နေ့ ည ၈ နာရီကျော်က သူ့ရဲ့ ဖေ့စ်ဘွတ်အကောင့်မှာ မိတ်ဆက်ပေးလိုက်ပြီဖြစ်ပါတယ်။ အဲဒီနောက် ‘’မြမြ’’ ဆိုတဲ့ Facebook Page ကနေတဆင့် ‘’မြမြ’’ရဲ့နေရာမှာ သရုပ်ဆောင်မယ့် မင်းသမီးကို မိတ်ဆက်ပေးလိုက်တဲ့ အချိန်မှာတော့ သင်ဇာဝင့်ကျော် ဖြစ်လို့နေပါတယ်။ စိတ်ဝင်တစားကြည့်ရှုခဲ့ကြတဲ့ ပရိသတ်ပေါင်းကလည်း မိတ်ဆက်ပေးခဲ့တဲ့ အချိန် ၁၃ နာရီအတွင်းမှာ 71,343 viwer ရှိခဲ့တာကို တွေ့ရပါတယ်။

သင်ဇာဝင့်ကျော်ကိုယ်တိုင်ကလည်း မြမြ ဆိုတဲ့ ဇာတ်ကောင်ကို လက်ခံရိုက်ကူးသွားမယ်လို့ သိရပါတယ်။ ဒီဇာတ်ကောင်နေရာမှာ ပါဝင်သရုပ်ဆောင်သွားမယ့် အကြောင်းကိုလည်း ပရိသတ်ကို တရားဝင် အသိပေးလိုက်ပြီ ဖြစ်ပါတယ်။

‘’၁၀ လပိုင်းမှာသင်ဇာရိုက်မယ့် ရုပ်ရှင်ကားပါ... ဇာတ်ကားနာမည်က မြ'’ ဆိုပြီးတော့ စက်တင်ဘာလ ၁ ရက်နေ့ ည ၈ နာရီကျော်က သူ့ရဲ့ ဖေ့စ်ဘွတ်အကောင့်မှာ ရေးသားခဲ့တာ တွေ့ရပါတယ်။ သင်ဇာ့ကို အားပေးချစ်ခင်ကြတဲ့ ပရိသတ်တွေကတော့ မြ ကာရိုက်တာကို သရုပ်ဆောင်မယ့် သူမအတွက် စောင့်မျှော် အားပေးသွားမယ်လို့ Comment တွေကနေတဆင့် ပြောခဲ့တာကို တွေ့ရပါတယ်။

Photo: Nyo Min Lwin

ဒါရိုက်တာညိုမင်းလွင်ဟာ ဧပြီလ ၁၃ ရက်နေ့ကတောင်ဒဂုံစက်မှုဇုံ ကျောက်စိမ်းစက်ရုံမှာ အလုပ်လုပ်ခဲ့သူ ယောကျ်ားလေး ၃ ဦးရဲ့ မုဒိမ်းကျင့်ပြီး သတ်ဖြတ်ခံခဲ့ရတာကြောင့် သေဆုံးသွားတဲ့ မိန်းကလေး မြမြ အကြောင်းကို ရုပ်ရှင်ရိုက်ကူးသွားမှာ ဖြစ်ပါတယ်။ ဒီဇာတ်ကားဟာ မုဒိမ်းမှုကို အခြေခံထားတဲ့ ဇာတ်ကားတစ်ကားဖြစ်တယ်လို့ သိရပါတယ်။

Photo: Thinzar wint kyaw

ညိုမင်းလွင်(Nyo Min Lwin) က ညကျောင်း၊ ဒိုင်နိုဆောရွာ၊ ရန်ကုန်မြို့ပြရုပ်ရှင်ဇာတ်ကား အပြင် ဇီးကွက်သေတ္တာရုပ်သံဇာတ်လမ်းတွဲ တို့ကိုလည်း ရိုက်ကူးထားပါသေးတယ်။ နောက်ထပ် ရိုက်ကူးထားတဲ့ ရုပ်ရှင်ဇာတ်ကားကြီးတွေလည်း အများကြီးပါ။သူကိုယ်တိုင်ရိုက်ကူးထားတဲ့ ‘’မေထုန်ရာသီဖွား’’ ရုပ်ရှင်ကားကြီးကတော့ ရုံတင်ပြသခဲ့ပြီးဖြစ်ပါတယ်။ ‘’မနုစာရီ’’ ရုပ်ရှင်ဇာတ်ကားကြီးကိုလည်း လက်ရှိမှာ ပုံဖော်ရိုက်ကူးနေပြီလို့ သိရပါတယ်။ ညိုမင်းလွင်ကိုတော့ ပရိသတ်တွေက သရုပ်ဆောင်တစ်ဦးအဖြစ်ကတည်းက အားပေးလာခဲ့ကြတာဖြစ်ပါတယ်။