ကျော်ထက်အောင်ကတော့ သူ့ရဲ့ မွေးနေ့လေးကို တတ်နိုင်သလောက် အလှူအတန်းတွေ လုပ်ခဲ့တဲ့ အကြောင်း ပြောပြလာပါတယ်။
Photo: Love Space Photo Studio
သရုပ်ဆောင်ကျော်ထက်အောင်ကတော့ စက်တင်ဘာလ(၁၄)ရက်နေ့က မွေးနေ့ ကျရောက်ခဲ့တာ ဖြစ်ပါတယ်။ သူ့ရဲ့ မွေးနေ့ အမှတ်တရ အနေနဲ့ နေရာ (၃) နေရာမှာ မွေးနေ့ အလှူ ပြုခဲ့တယ်လို့ ဆိုပါတယ်။
Photo: Love Space Photo Studio
အဲဒီနောက် ကျော်ထက်အောင်က ပရိသတ်တွေဆီက ရတဲ့ လက်ဆောင်လေးတွေနဲ့ ပရိသတ်ကို မိတ်ဆက်ပေးခဲ့ပါသေးတယ်။
“ မွေးနေ့ လက်ဆောင်ထဲမှာဆိုရင် ရေမွှေးတွေ အများကြီးရတယ်။ ကိုယ်ကလည်း ရေမွှေး အရမ်းကြိုက်တော့ ပျော်တာပေါ့။ ပြီးတော့ ဖေဖေ နဲ့ မေမေ ရဲ့ ခြေရာကိုလည်း We Love တွေကပဲ လုပ်ပေးပြီး လက်ဆောင်ပေးထားတာပါ။ ပြီးတော့ မွေးနေ့ လက်ဆောင် အလှပန်းစည်းလေးတွေလည်း ရပါတယ်။ ပြီးတော့ ကျွန်တော် ကြိုက်တဲ့ indoor ပန်းပင်လေးလည်း လက်ဆောင်ရတယ်” လို့ ဆက်လက် ပြောပြလာပါတယ်။
Photo: Love Space Photo Studio
ကျော်ထက်အောင်ဟာ Myanmar Idol Season 1 ကတည်းက ပရိသတ်တွေ အားပေးမှုကို များစွာရရှိခဲ့တဲ့သူ ဖြစ်ပါတယ်။ အဲဒီကတစ်ဆင့် နာမည်ရလာပြီး အခုဆိုရင် ခေါင်းဆောင်မင်းသား တစ်ယောက်အဖြစ်နဲ့ပါ ရုပ်ရှင်ဇာတ်ကားကြီး တွေရိုက်ကူးနေရပါပြီ။ သူပါဝင်သရုပ်ဆောင်ထားတဲ့ ရုပ်ရှင်ဇာတ်ကားကြီးတွေကလည်း ရုံတင်ပြသခဲ့ပြီးဖြစ်သလို ရုံမတင်ရသေးတဲ့ ရုပ်ရှင်ဇာတ်ကားတွေလည်း ရှိနေသေးတယ်လို့ သိရပါတယ်။