ဦးနှောက်ခွဲစိတ်မှု လုပ်ရမယ်လို့ သိရပါတယ်။
Sabal Thwin

ဟာသသရုပ်ဆောင် မန်းဝင်းက ဦးနှောက်သွေးယိုစိမ့်မှုကြောင့် ခွဲစိတ်မှုပြုလုပ်ရမယ်လို့ သိရပါတယ်။ 

လူရွှင်တော် ဟာသသရုပ်ဆောင် မန်းဝင်းကို ဇွန်လ(၁) ရက်နေ့ ညနေပိုင်းက ပင်လုံဆေးရုံကြီးမှာ ဆေးရုံတင်လိုက်ရတယ်လို့ သိရပါတယ်။ သူဟာ ဦးနှောက်သွေးယိုစိမ့်မှုကြောင့် ခွဲစိတ်ကုသရမယ်လို့ သမီးဖြစ်သူ ကြည်ဖြူမန်းဝင်းက ပြောပါတယ်။ 

" ဖေဖေ ဦးမန်းဝင်း ဦးနှောက် သွေးယိုစိမ့်မှုကြောင့် ပင်လုံဆေးရုံမှာ ဒီည ဦးနှောက်ခွဲစိတ်မှု ပြုလုပ်ရပါမယ်။ ဆေးရုံသို့ လိုက်ပါ ပို့ဆောင်ပေးပါသော ရှင်သန်ခွင့် လူမှုကူညီရေးအသင်းအား အထူးပင် ကျေးဇူးတင်ရှိပါတယ်ရှင်" ဆိုပြီးတော့ သူမရဲ့ ဖေ့စ်ဘွတ်စာမျက်နှာမှာ ဇွန်လ(၁) ရက်နေ့ ညနေ ၆ နာရီခွဲကျော်က ရေးသားထားတာ တွေ့ရပါတယ်။ မန်းဝင်းရဲ့ ကျန်းမာရေးကို စိတ်ပူနေကြတဲ့ ပရိသတ်တွေကလည်း Comment ကနေတဆင့် အမြန်နေကောင်းဖို့ ဆုတောင်းပေးနေတာ တွေ့ရပါတယ်။ 

Photo: Kyi Phyu Man Win

ဦးမန်းဝင်းဟာ ဖေဖော်ဝါရီလအတွင်းက နှလုံးရောဂါကြောင့် ရုတ်တရက် ဆေးရုံတင်ခဲ့ရတယ်လို့ သိရပါတယ်။ သူ့ရဲ့ ကျန်းမာရေး အခြေအနေဟာ စောင့်ကြည့်ရမယ့် အနေအထားဖြစ်တယ်လို့လည်း ဇနီးဖြစ်သူက Duwun အင်တာဗျူးမှာ ဖြေဆိုခဲ့ဖူးပါတယ်။ လူရွှင်တော်ကြီး မန်းဝင်းကတော့ ကျောက်ကပ်ဝေဒနာခံစားနေရတာ နှစ်နဲ့ချီရှိနေပါပြီ။ ကျောက်ကပ် တစ်ခါဆေးရင် ၁ သိန်းကုန်ကျ စားရိတ်ရှိတယ်လို့ သိရပါတယ်။ 

Photo: Kyi Phyu Man Win

မန်းဝင်းကိုတော့ လူရွှင်တော် တစ်ယောက်အဖြစ်နဲ့ ပရိသတ်တွေ စတင်သိရှိလာခဲ့တာပါ။ သူဟာ အငြိမ့်၊ ဇာတ်ပွဲပေါင်း များစွာတို့မှာ လူရွှင်တော်အဖြစ် ကပြဖျော်ဖြေခဲ့သူဖြစ်ပါတယ်။ အဲဒီနောက် သရုပ်ဆောင်နဲ့ ပတ်သက်ပြီး ဗီဒီယို ဇာတ်ကားပေါင်းများစွာတို့မှာလည်း ပါဝင်သရုပ်ဆောင်ခဲ့သူလည်း ဖြစ်ပါတယ်။ ရုပ်ရှင်ဇာတ်ကားကြီးတွေမှာလည်း ပါဝင်သရုပ်ဆောင်ထားတာ တွေ့ရပါတယ်။




ဆက်စပ်အကြောင်းအရာများ


Author


က္က