ခေတ်သစ်ဖောင်ဒေးရှင်းအနေနဲ့ လှူဒါန်းခဲ့တာ ဖြစ်ပါတယ်။
Ei Ei Myat

လင်းလင်းနဲ့ ချစ်သုဝေတို့ မိသားစု တည်ထောင်ထားတဲ့ ခေတ်သစ်ဖောင်ဒေးရှင်းဟာ ကိုဗစ်ကာလမှာ ကျန်းမာရေးဝန်ထမ်းများနဲ့ စေတနာဝန်ထမ်းများအတွက် လိုအပ်နေသည်များကို အချိန်နဲ့တပြေးညီ ကူညီပေးနေတာ တွေ့ရပါတယ်။

Photo : လင်းလင်း

ကိုဗစ်ကာလမှာ အလှူအတန်းတွေကို အဆက်မပြတ် လုပ်ကိုင်လျက်ရှိတဲ့ လင်းလင်းနဲ့ချစ်သုဝေတို့ဦးစီးတဲ့ ခေတ်သစ်ဖောင်ဒေးရှင်းဟာ ဒီနေ့မှာ ကိုဗစ်လူနာများအတွက် မြောက်ဥက္ကလာဆေးရုံကြီးနဲ့ ငွေကျပ် (၁၀၈)သိန်း တိတိ ထပ်မံလှူဒါန်းခဲ့တာတွေ့ရပါတယ်။‌‌မြောက်ဥက္ကလာဆေးရုံကြီးတွင် ကိုဗစ်လူနာများအတွက်အသင့်ပြင်နေတဲ့ ICU ခန်း မှာထားရှိဖို့ လိုအပ်တဲ့ပစ္စည်းတွေကို ခေတ်သစ်ဖောင်ဒေးရှင်းအနေနဲ့သွားရောက်လှူဒါန်းခဲ့တယ်လို့ဆိုပါတယ်။


"မြောက်ဥက္ကလာပဆေးရုံကြီးတွင် Covid-19 လူနာများအတွက် အသင့်ပြင်ဆင်နေသောICU တွင် ထားရှိရန်လိုအပ်သော ပစ္စည်းများဖြစ်သည့် Syringe Pump(10)လုံး ၊ Pulse Oximeter (5)လုံး ၊ Thermometer (5)လုံး ၊ Long Glove (300) ၊ Boot Cover (50)၊ Dryer (5)လုံး ၊ ဆပ်ပြာ(2)ပုံး နှင့် Plastic ပုံးကြီး (၂၀) တို့အား ခေတ်သစ်ဖောင်ဒေးရှင်းမှ ဝိုင်းဝန်းပြင်ဆင်ပေးခဲ့ပါသည် “ ဆိုပြီး အဆိုတော် လင်းလင်းရဲ့ ဖေ့စ်ဘွတ်မှာ အောက်တိုဘာ(၄)ရက်နေ့က ရေးသားထားပါတယ်။

Photo : လင်းလင်း

ထို့အပြင်တောင်ပိုင်းခရိုင်ပြည်သူ့ကျန်းမာရေးဦးစီဌာနသို့ လည်းလိုအပ်တဲ့ ပစ္စည်းများထပ်မံလှူဒါန်းခဲ့သေးတယ်လို့ ဆိုပါတယ်။


“တောင်ပိုင်းခရိုင်ပြည်သူ့ကျန်းမာရေးဦးစီးဌာနသို့ Glove (50) Boxes ၊ Boot Cover (500) ၊ Digital BP Cuff (5) ။ Thermometer (10)ခု ၊ Boot (20)ရံ ၊ Pulse Oximeter (10)၊ Hand Spray (300) ၊ Hand sanitizer (100) ၊ Surgical gown (500) ၊ Surgical Mask (100) Boxes တို့အားခေတ်သစ်ဖောင်ဒေးရှင်းမှ လှူဒါန်းပေးခဲ့ပါသည်” ဆိုပြီး ဆက်လက်ပြောထားပါတယ်။


Photo : လင်းလင်း

ချစ်သူဝေဟာ ခေတ်သစ်ဖောင်ဒေးရှင်းနဲ့ ကိုဗစ်ကာလမှ အလှူအတန်းတွေ အဆက်မပြတ်ဆောင်ရွက်နေတာတွေ့ရပါတယ်။ COVID-19 ကာကွယ်ရေး ဆေးပစ္စည်းတွေ လိုအပ်မှုရှိနေတဲ့ ဆေးရုံကြီးတွေ၊ စားနပ်ရိက္ခာ အခက်အခဲကြုံတွေ့နေရတဲ့ နေရာ ဒေသတွေကို ကိုယ်တိုင်သွားရောက်ပြီး အလှူအတန်းတွေ လုပ်နေတာကိုလည်း တွေ့ရပါတယ်။ ခေတ်သစ်ဖောင်ဒေးရှင်းဟာ မွေးရာပါ နှလုံးရောဂါပါရှိတဲ့ ကလေးငယ်တွေကို အဓိကထား ခွဲစိတ်ကုသစာရိတ်ထောက်ပံ့ပေးနေသလို ကလေးတွေရဲ့ ပညာရေးအတွက်ပါ ဆောင်ရွက်ပေးနေတာ တွေ့ရပါတယ်။ အခုလိုကိုဗစ်ကာလမှာတော့ ကျန်းမာရေးဝန်ထမ်းတွေနဲ့ စေတနာ့ဝန်ထမ်းတွေအတွက်လိုအပ်ချက်တွေကို အချိန်နဲ့တပြေးညီကူညီနိုင်အောင် ဆောင်ရွက်နေတာလည်းတွေ့ရပါတယ်။


ဆက်စပ်အကြောင်းအရာများ


Author


က္က