မင်းသမီးချောလေး ထက်ထက်မိုးဦးကတော့ Covid ကာလမှာ အွန်လိုင်းပေါ်ကနေတဆင့် စိန်ထည်ပစ္စည်းတွေ၊ ရွှေတွေ ရောင်းပေးနေတာကို တွေ့ရပါတယ်။
Photo: Htet Htet Moe Oo
သရုပ်ဆောင် ထက်ထက်မိုးဦးကတော့ စိန်နန်းတော် ရတနာဆိုင်မှာရှိတဲ့ ရတနာပစ္စည်းတွေကို အွန်လိုင်းကနေ Live လွှင့်ပြီးရောင်းချပေးနေတဲ့ အချိန်မှာ သိန်း(၃၀၀၀) ကျော်ဖိုး ရောင်းထွက်နိုင်ခဲ့တယ်လို့ ဆိုပါတယ်။
Photo: Htet Htet Moe Oo
Photo: Htet Htet Moe Oo
ထက်ထက်မိုးဦး ဟာ ရွှေစင် ရတနာရွှေဆိုင် ကြော်ငြာကနေတဆင့် ကလေးရော၊ လူကြီးပါ မကျန် တခဲနက် အားပေးခဲ့ကြတဲ့ သရုပ်ဆောင်တစ်ယောက်ပါ။ တစ်ခေတ်တခါ က ကြော်ငြာဘုရင်မလေး လို့တောင် တင်စားခေါ်ဝေါ်ခဲ့ကြတာဖြစ်ပါတယ်။ ထက်ထက်မိုးဦးရဲ့ ချစ်စရာကောင်းတဲ့ အမူအရာလေးတွေက ပရိသတ်ကို အချစ်မလျှော့အောင် အမြဲဆွဲဆောင်နိုင်ခဲ့ပါတယ်။ ဒီနောက် ရုပ်ရှင်ဇာတ်ကား ပေါင်းများစွာ၊ တီဗီကြော်ငြာပေါင်း များစွာ တို့ကိုလည်း ရိုက်ကူးခဲ့သူ ဖြစ်ပါတယ်။
သူမကတော့ ၁၉၉၁ ခုနှစ်က အနုပညာလောကထဲကို ပထမဆုံးအကြိမ် စတင်ဝင်ရောက်လာသူပါ။ အဲဒီနောက် ၁၉၉၆ ခုနှစ်မှာတော့ ပန်းသခင် ရုပ်ရှင်ဇာတ်ကားကြီးနဲ့ အကောင်းဆုံးအမျိုးသမီး ဇာတ်ဆောင်ဆုကို ပထမဆုံးအကြိမ် ရရှိခဲ့ပါတယ်။ နောက်ထပ်လည်း ‘’ သမီးမိုက်’’ ဆိုတဲ့ ရုပ်ရှင်ဇာတ်ကားကြီးနဲ့ ဒုတိယအကြိမ်မြောက် အကောင်းဆုံး အမျိုးသမီးဇာတ်ဆောင်ဆုကိုရရှိခဲ့ သူ ဖြစ်ပါတယ်။