လူရွှင်တော် ချက်ကြီးကတော့ မိသားစု စားဝတ်နေရေးအတွက် ဒိန်းဒေါင်က ထောက်ပံ့ငွေ ပေးခဲ့အပေါ် ဝမ်းသာပီတိဖြစ်လို့နေပါတယ်။
Photo: Comedian ChatGyi
ဒိန်းဒေါင်ကတော့ Covid ကာလမှာ “ ချွန်တွန်း ပရဟိတ” ဆိုတဲ့ အဖွဲ့တည်ထောင်ပြီး ပရဟိတလုပ်ငန်းတွေ တစိုက်မတ်မတ် လုပ်ဆောင်နေတာကို တွေ့ရပါတယ်။ သူ့ရဲ့ အနုပညာကြေးတွေကိုလည်း လူရွှင်တော် ချက်ကြီးနဲ့ ပိုးလေး တို့ရဲ့ မိသားစုစားဝတ်နေရေး ဖြေရှင်းဖို့အတွက် ထောက်ပံ့ကြေးပေးခဲ့တယ်လို့ သိရပါတယ်။
ချက်ကြီးကတော့ ဒိန်းဒေါင် ထောက်ပံ့ပေးခဲ့တဲ့ ငွေကျပ် (၁) သိန်းကို ပြန်ပြီး ကုသိုလ်ပြုခဲ့တယ်လို့ ဆိုပါတယ်။
" ကျွန်တော်နှင့် ပိုးလေး နှစ်ယောက် တိုင်ပင်ပြီး ကိုဒိန်းဒေါင်ပေးတဲ့ တစ်သိန်းစီ နှစ်သိန်းကို ကျွန်တော်တို့ လုပ်နေတဲ့ ဗိုက်တာဝန်ခံ မွေးဖွားရေး ထဲ စိတ်တူ ကိုယ်တူ လှူလိုက်ပါတယ်။ ဘာလို့လည်းဆိုတော့ ကျွန်တော်တို့ ခု လုပ်နေတဲ့ အလုပ်ကို ကျွန်တော်တို့ သိပါတယ်။ ကျွန်တော်တို့ လိုအပ်နေတာထက် ကျွန်တော်တို့ ထက် ပို၍ လိုအပ်နေတဲ့လူတွေ အများကြီး ရှိနေတယ်လေ" ဆိုပြီးတော့ အောက်တိုဘာလ (၂၇) ရက်နေ့ ည (၁၁) နာရီကျော်က သူ့ရဲ့ ဖေ့စ်ဘွတ်မှာ ရေးသားခဲ့တာဖြစ်ပါတယ်။
Photo: Comedian ChatGyi
ချက်ကြီး ကိုယ်တိုင်ကလည်း ဒိန်းဒေါင်နဲ့ အတူတူ ပရဟိတအလုပ်တွေမှာ ပါဝင်ဆောင်ရွက်နေသူ တစ်ဦးဖြစ်ပါတယ်။ ကိုယ့်လက်အောက်ငယ်သားတွေအပေါ် စာနာတတ်တဲ့ ဒိန်းဒေါင်ရဲ့ အလှူအတွက် သူကိုယ်တိုင်လည်း ဝမ်းသာပီတိဖြစ်နေတဲ့အကြောင်း ဆက်လက် ရေးသားထားပါတယ်။
Photo: Comedian ChatGyi
ချက်ကြီးကိုတော့ လူရွှင်တော် ပြိုင်ပွဲတွေ၊ ဟာသအစီအစဉ်တွေကနေတဆင့် ပရိသတ်တွေ သိခဲ့တာဖြစ်ပါတယ်။ အဲဒီနောက် ဗီဒီယိုဇာတ်ကား၊ ရုပ်ရှင်ကားကြီးတွေမှာလည်း ဟာသသရုပ်ဆောင် အဖြစ် ပါဝင်ခဲ့တာကို တွေ့ရပါတယ်။ လက်ရှိမှာတော့ သူဟာ လူရွှင်တော် အသင်းမှာ အလုပ်အမှုဆောင် တာဝန်ကို ထမ်းဆောင်နေတာ ဖြစ်ပါတယ်။