ခန္ဓာကိုယ်ကြီးလည်း ရွှေတွေ အပြည့်ဝတ်ပြီး ရောင်းမှာတဲ့။
Sabal Thwin

ခန္ဓာကိုယ်ကြီးမှာ ရွှေတွေ အပြည့်ဝတ်ပြီး ရွှေရောင်းတော့မယ့် ထူးအယ်လင်း သူဈေးရောင်းမယ့် အစီအစဉ်ကို ပြောပြခဲ့ပါတယ်။

ပရဟိတအလုပ်တွေကို တစိုက်မတ်မတ်လုပ်ဆောင်နေပြီး ပရဟိတအလုပ်တွေနဲ့ မအားမလပ် ဖြစ်နေတဲ့ ထူးအယ်လ်လင်းကတော့ မကြာခင်မှာ အွန်လိုင်းကနေ စျေးရောင်းတော့မယ်လို့ ဆိုပါတယ်။ ထူးအယ်လ်လင်းက ပရိသတ်တွေကို အံ့အားသင့်အောင် လုပ်ခဲ့တာပါ။ထူးအယ်လ်လင်းကတော့ အခြားအနုပညာရှင်တွေလိုပဲ သူလည်း အွန်လိုင်းပေါ်ကနေ ရွှေရောင်းမယ်လို့ ဆိုပါတယ်။ 

“ ကျွန်တော် လှိုင်သာယာ မီးခွက်ဈေးမှာရှိတဲ့ ဦးမိုးနှင်း ဒေါ်ခင်မာဝင်းတို့ရဲ့ ရွှေဆိုင်မှာ ကျွန်တော့်ရဲ့ ဒီခန္ဓာကိုယ်ကြီးမှာ ရွှေတွေအပြည့်ဆင်ပြီးတော့ တစ်ခုချင်း ကျွန်တော် ရောင်းမယ်။ ကျွန်တော် ရွှေရောင်းမယ်ပေါ့ဗျာ။ ကျွန်တော့် နာမည်ကလည်း ထူး ဆိုတာက စကောကရင်လိုဆိုရင် “ရွှေ” လို့ခေါ်တယ်။ အယ်လ် ဆိုတာက “ ချစ်” တာပေါ့။ ထူးအယ်လ်လင်းဆိုတော့ ရွှေချစ်လင်းပေါ့ဗျာ။ ဒါကြောင့်မို့လို့ ကျွန်တော် ထူးအယ်လ်လင်း ရွှေရောင်းမှာဖြစ်ပါတယ်” ဆိုပြီးတော့ အောက်တိုဘာလ (၂၇) ရက်နေ့ ညနေ (၅) နာရီခွဲကျော်က သူ့ရဲ့ ဖေ့စ်ဘွတ်မှာ Live လွှင့်ရင်း ပြောခဲ့တာဖြစ်ပါတယ်။

Photo: Htoo L Linn

ထူးအယ်လင်းဟာ သူရွှေရောင်းတဲ့ အခါမှာ ပရိသတ်ကို သီချင်းလည်း ဆိုပြဖို့အတွက် စီစဉ်ထားတယ်လို့လည်း ဆက်လက် ပြောပြခဲ့ပါသေးတယ်။

“ ကျွန်တော်တို့ရဲ့ အလှူတွေမှာ အမြဲတမ်း အလှူပေးနေတဲ့ ဦးမိုးနှင်း နဲ့ ဒေါ်ခင်မာဝင်းတို့ဆိုင်မှာ ကျွန်တော်တို့ ညီအစ်ကိုတွေ ရွှေရောင်းမယ်။ အဲဒီအခါကျရင် ကျွန်တော်က သီချင်းလေး တစ်ပုဒ်ဆိုပြမယ်။ ပြီးရင် ရွှေဆွဲကြိုး အတုံးလိုက်၊ အတစ်လိုက် ဆွဲပြီး ရွှေရောင်းမယ်။ ဆိုင်ကယ်ကြီးတွေ စီးပြီး ရွှေတွေနဲ့ ကျွတ်ဆင်ကြီးတွေလေဗျာ။ ဒီအတွက်လည်း ကျေးဇူးတင်ပါတယ်” လို့ သူက ဆိုပါတယ်။ 

Photo: Htoo L Linn

ထူးအယ်လင်း(Htoo El Lin)ဟာ လက်ရှိမှာ ဂီတအလုပ်တွေထက် ပရဟိတအလုပ်တွေကို စွမ်းစွမ်းတမံ လုပ်နေသူဖြစ်ပါတယ်။ သူ့အနေနဲ့ မီးဘေးသင့်ဒေသတွေသာမက ရေဘေးသင့်ဒေသတွေ၊ မီးသဂြိုဟ်စက် လိုအပ်တဲ့နေရာတွေ၊ လူနာတင်ယာဉ် လိုအပ်တဲ့နေရာတွေမှာလည်း လှူဒါန်းမှုတွေ ပြုလုပ်ခဲ့ပါသေးတယ်။အဲဒီနောက် ဘုရားစေတီတည်ခြင်း၊ ကျောင်းဆောက်လှူဒါန်းခြင်း၊ စာသင်ကျောင်းများမှာ ရှိတဲ့ လိုအပ်ချက်တွေကို ဖြည့်ဆည်းပေးခြင်းဖြင့် ကုသိုလ်အလှူတွေ လုပ်လေ့ရှိပါတယ်။




ဆက်စပ်အကြောင်းအရာများ


Author


က္က