"ဒီအချိန်လေးက ခဏလေးပါ၊မကြာခင်ကျန်းမာသွားမှာပါ"
Ei Ei Myat

“ညီအစ်ကို မောင်နှမတွေအကိုအမတွေ သားတွေသမီးတွေ အားလုံးမင်္ဂလာပါ ။ကျွန်တော်လည်း ဒီက လူတွေနဲ့ ဘဝအတူတူပါပဲ ကိုဗစ်-၁၉ ကိုလွန်ခဲ့တဲ့ (၆)လလောက်က ဖြတ်ကျော်ပြီးသွားပြီ။ ဒီအချိန်လေးက ခဏလေးပဲ ဒါလေးက ရက်(၂၀)လောက်ဆို ပြီးသွားပြီ ဒါလေးက ခဏလေးပါပဲ အားလုံးပဲ ကျန်းမာရေး ဂရုစိုက်ပြီး အားရှိတဲ့ အစာစားပါ ။အိပ်ရေးဝဝအိပ်ပါ။မကြာခင် ကျန်းမာသွားမှာပါ” လို့ မျိုးကြီးက အားပေးစကားပြောခဲ့ပါတယ်။

ပရိသတ်တွေရဲ့ ချစ်ခင်အားပေးမှုကို ယနေ့ထက်တိုင် ရရှိထားတဲ့ IC အဖွဲ့သားများက အင်းလျားစင်တာသို့ သွားရောက်ကာ လူနာများအတွက် (၂)ရက်စာ အာဟာရအဖြစ် ငွေကျပ် သိန်း(၅၀)ကို သွားရောက်လှူဒါန်းခဲ့တယ်လို့ သိရပါတယ်၊။

“အင်းယားစင်တာမှာ တက်ရောက်ကုသမှုခံယူနေတဲ့ ကိုဗစ်-၁၉ အတည်ပြုလူနာများအတွက် ' နိုင်ငံကျော်ရော့ခ်အဆိုတော် လေးဖြူ၊ မျိုးကြီးတို့ ပါဝင်တဲ့ Iron Cross မိသားစုမှ (၂) ရက်စာ အဟာရဒါန ကျပ်သိန်း (၅၀)' ကို အင်းယားစင်တာ Management Committee သို့ လာရောက် လှူဒါန်းပြီး၊ အမှတ်တရ လက်မှတ်ရေးထိုးခဲ့ပါတယ်” ဆိုပြီး အောက်တိုဘာ(၃၀) ရက်နေ့က အင်းလျာစင်တာဖေ့စ်ဘွတ်ပေ့ချ်မှာ ရေးသားထားတာတွေ့ရပါတယ်။

Photo : inya Centre

IC အဖွဲ့သားများဟာ အလှူငွေများ လှူဒါန်းပြီးတဲ့အပြင် ကိုဗစ် -၁၉ ရောဂါကို တွန်းလှန်နိုင်ခဲ့တဲ့ အဆိုတော် မျိုးကြီးက ကိုဗစ် ရောဂါကို ခံစားနေရတဲ့ လူနာများအတွက် Control Room ကနေ အားပေးစကားပြောခဲ့ပါသေးတယ်။

“ညီအစ်ကို မောင်နှမတွေအကိုအမတွေ သားတွေသမီးတွေ အားလုံးမင်္ဂလာပါ ။ကျွန်တော်လည်း ဒီက လူတွေနဲ့ ဘဝအတူတူပါပဲ ကိုဗစ်-၁၉ ကိုလွန်ခဲ့တဲ့ (၆)လလောက်က ဖြတ်ကျော်ပြီးသွားပြီ။ ဒီအချိန်လေးက ခဏလေးပဲ ဒါလေးက ရက်(၂၀)လောက်ဆို ပြီးသွားပြီ ဒါလေးက ခဏလေးပါပဲ အားလုံးပဲ ကျန်းမာရေး ဂရုစိုက်ပြီး အားရှိတဲ့ အစာစားပါ ။အိပ်ရေးဝဝအိပ်ပါ။မကြာခင် ကျန်းမာသွားမှာပါ” ဆိုပြီး ပြောခဲ့ပါတယ်။


အဆိုတော် မျိုးကြီးဟာ ကိုဗစ်ပထမလှိုင်းမှာCovid -19 Positive ကနေ Negative နှစ်ကြိမ်ပြကာ ဆေးရုံက ဆင်းခွင့်ရခဲ့သူ တစ်ဦးဖြစ်ပါတယ်။ ဆင်းရုံက ဆင်းခွင့်ရပြီးနောက်ပိုင်းမှာလည်း သူ့ရဲ့ သွေးရည်ကြည်များနဲ့ ကိုဗစ်လူနာများကိုပြန်လည် ကုသနိုင်အောင် သွေးရည်ကြည်လှူဒါန်းမှုတွေ လည်း လုပ်ခဲ့ပါသေးတယ်။Iron Cross အဖွဲ့ရဲ့ လှူဒါန်းမှုကို ကြည့်ပြီး ပရိသတ်တွေလည်း ဝမ်းသာကြည်နူးလို့ နေကြပါတယ်။


ဆက်စပ်အကြောင်းအရာများ


Author


က္က