သရုပ်ဆောင် ခင်ဝင့်ဝါကတော့ အင်းယားစင်တာမှာရှိတဲ့ ကိုဗစ် လူနာများ၊ ဆရာဝန်များနဲ့ စေတနာ့ဝန်ထမ်းများကို သွားရောက်အားပေးခဲ့တယ်လို့ သိရပါတယ်။
Photo: Inya Center
ခင်ဝင့်ဝါဟာ ကိုဗစ်ရောဂါ ကူးစက်ခံနေရလို့ အင်းယားစင်တာကို ရောက်ရှိနေကြတဲ့ လူနာတွေနဲ့ ကိုဗစ်လူနာတွေကို စောင့်ရှောက်ပေးနေတဲ့ ဆရာဝန်၊ သူနာပြုနဲ့ ကျန်းမာရေး ဝန်ထမ်း တွေကို ကိုယ်တိုင်သွားရောက် အားပေးခဲ့ပါတယ်။
" နိုင်ငံကျော် ရုပ်ရှင်နှင့် မော်ဒယ် သရုပ်ဆောင် ခင်ဝင့်ဝါ အင်းယားစင်တာမှ ကိုဗစ်-၁၉ လူနာများ ၊ ဆရာဝန်များ ၊ သူနာပြုများ ၊ စေတနာ့ဝန်ထမ်း လုပ်အားပေးများကို နှုတ်ဆက်အားပေး
နိုင်ငံကျော် ရုပ်ရှင်နှင့် မော်ဒယ် သရုပ်ဆောင် ခင်ဝင့်ဝါ က အင်းယားစင်တာမှ ကိုဗစ်-၁၉ လူနာများ ၊ ဆရာဝန်များ ၊ သူနာပြုများ ၊ စေတနာ့ဝန်ထမ်း လုပ်အားပေးများကိုရင်းရင်းနှီးနှီး တွေ့ဆုံနှုတ်ဆက်အားပေးပြီးအင်းယားစင်တာ အုပ်ချုပ်ရေးမှူးရုံးခန်းမှာ အမှတ်တရ လက်မှတ်ရေးထိုးခဲ့ပါတယ်"ဆိုပြီးတော့ အင်းယားစင်တာ ဖေ့စ်ဘွတ်ပေ့ချ်မှာ ရေးသားခဲ့ပါသေးတယ်။
Photo: Inya Center
ခင်ဝင့်ဝါရဲ့ စိတ်နေစိတ်ထားကိုလည်း ပရိသတ်တွေက Comment ကနေတဆင့် ချီးကျူးခဲ့ကြတာ တွေ့ရပါတယ်။သူမဟာ ကိုဗစ်ကာလမှာ အနုပညာအလုပ်တွေ ရပ်နားထားပေမယ့် မကြာခဏ ဆိုသလို အလှူအတန်းတွေ လုပ်ခဲ့တာကိုတွေ့ရပါတယ်။ သူမဟာ စက်တင်ဘာလ အတွင်းတုန်းက အသက် (၂၆) နှစ်ပြည့်သွားခဲ့ပါတယ်။ မွေးနေ့ကိုလည်း အလှူအတန်းတွေ လုပ်ရင်း ဖြတ်သန်းခဲ့တာပါ။
Photo: Inya Center
ခင်ဝင့်ဝါကတော့ သရုပ်ဆောင်တစ်ယောက်ဖြစ်သလို အလှမယ်တစ်ယောက်လည်း ဖြစ်ပါတယ်။ သူမဟာ ၂၀၁၃ ခုနှစ်က မြန်မာနိုင်ငံကိုယ်စားပြု Miss Supranational Myanmar တစ်ယောက်ဖြစ်ခဲ့ပြီး ပရိသတ်အားပေးမှု ရရှိခဲ့တဲ့ အလှမယ်တစ်ယောက်ပါ။ သရုပ်ဆောင်အလုပ်နဲ့ပတ်သက်ပြီး ပညာပေးတဲ့ ဇာတ်လမ်းမျိုးတွေဆိုရင်လည်း အကောင်းဆုံး ကြိုးစားလုပ်ဆောင်သွားမယ်လို့ ပြောပါတယ်။ အခုချိန်မှာတော့ တီဗီကြော်ငြာတွေ၊ ရုပ်ရှင်ဇာတ်ကားကြီးတွေ ဆက်တိုက်ရိုက်ကူးနေရတဲ့ မင်းသမီးချောလေး ဖြစ်လို့နေပါပြီ။