ပရိသတ်တွေ ကိုယ်တိုင်ကလည်း ဆုရဖို့ မျှော်လင့်ထားတဲ့ အဆိုတော်တွေ ဖြစ်ကြပါတယ်။
Sabal Thwin

City FM (၁၉) နှစ်ပြည့် ဂီတဆုပေးပွဲကြီးမှာ ၂၀၂၀ ခုနှစ်အတွင်း တေးသီချင်းတောင်းဆိုခံရမှု အများဆုံး တေးသံရှင်ဆု ကို ဖြိုးမြတ်အောင်နဲ့ နီနီခင်ဇော်တို့က ရရှိသွားပါပြီ။

City FM (၁၉) နှစ်ပြည့် ဂီတဆုပေးပွဲကြီးမှာ ၂၀၂၀ ခုနှစ်အတွင်း တေးသီချင်းတောင်းဆိုခံရမှု အများဆုံးအမျိုးသားတေးသံရှင်ဆုကို ဖြိုးမြတ်အောင်နဲ့ အမျိုးသမီးတေးသံရှင်ဆုတို့ကို နီနီခင်ဇော်တို့က ဆွတ်ခူးသွားခဲ့ပါတယ်။



“ ကျွန်တော့်ရဲ့ သီချင်းကို တောင်းဆိုပေးကြတဲ့ ပရိသတ် တစ်ယောက်ချင်းစီတိုင်းကိုလည်း ကျွန်တော် ကျေးဇူးတင်ပါတယ်။ ဒီဆု ရလို့လည်း ဝမ်းသာတယ်။ City FM ကိုလည်း ကျေးဇူး အများကြီးတင်ပါတယ်ခင်ဗျာ" လို့ ဖြိုးမြတ်အောင်က ဆိုပါတယ်။

ဒီဆုအတွက် ဖြိုးမြတ်အောင်နဲ့ Eternal Gosh တို့က ဆန်ခါတင်စာရင််းဝင်ရောက်ခဲ့တာဖြစ်ပြီး ဖြိုးမြတ်အောင်က ရရှိခဲ့သွားတာဖြစ်ပါတယ်။

တေးသီချင်းတောင်းဆိုခံရမှု အများဆုံး အမျိုးသမီးတေးသံရှင်ဆုအတွက် ချမ်းမြေ့မောင်ချိုနဲ့ နီနီခင်ဇော်က ဆန်ခါတင်စာရင််းဝင်ခဲ့တာဖြစ်ပြီး နီနီခင်ဇော််က ဆုကို ဆွတ်ခူးသွားတဲ့တာဖြစ်ပါတယ်။

" အခုလို ဆု ရရှိခဲ့တဲ့အတွက် ဝမ်းသာပါတယ်။ အနယ်နယ်အရပ်ရပ်က သီချင်းတောင်းဆိုပေးတဲ့ ပရိသတ်တွေ၊ သီချင်းရေးဆရာတွေ၊ သီချင်းကောင်းတွေ ဖြစ်လာဖို့ အဘက်ဘက်က ပံ့ပိုးပေးခဲ့ကြသူတွေကို ကျေးဇူးအများကြီးတင်ပါတယ်" လို့ အဆိုတော်် နီနီခင်ဇော်က ပြောပါတယ်။

ဖြိုးမြတ်အောင်က Myanmar idol (Season-3) သီချင်းဆိုပြိုင်ပွဲကနေ Winner ဆုရရှိခဲ့ပြီးနောက် ဂီတလောကထဲကို တစိုက်မတ်မတ် ဝင်ရောက်လာရင်း အခုဆို ပရိသတ်အခိုင်အမာ ရရှိထားတဲ့ အဆိုတော်ဖြစ်လို့နေပါပြီ။ နီနီခင်ဇော်ကလည်း Melody World သီချင်းဆိုပြိုင်ပွဲကနေတဆင့် ဂီတလောကထဲကို ရောက်ရှိလာတဲ့ အဆိုတော် တစ်ဦးဖြစ်ပြီး အခုဆိုရင် ပြည်တွင်း ပြည်ပ ပရိသတ်တွေရဲ့ အားပေးမှုကို အခိုင်အမာ ရရှိထားသူဖြစ်သလို ဂီတဆုတွေလည်း အများကြီး ရရှိထားတဲ့ အဆိုတော်တစ်ယောက်ဖြစ်ပါတယ်။

နှစ်စဉ်နှစ်တိုင်း ကျင်းပပြုလုပ်နေကြ City FM ဂီတဖျော်ဖြေပွဲကြီးကို ကိုဗစ်ကာလဖြစ်တဲ့အတွက် ဒီနေ့ ဇန်နဝါရီလ (၃၀) ရက်နေ့ ညက အွန်လိုင်းပေါ်ကနေတဆင့် Virtual Event အနေနဲ့ သာ ကျင်းပပြုလုပ်နေတာ တွေ့ရပါတယ်။ City FM ဂီတဆုပေးပွဲရဲ့ ( ၁၉ ) ကြိမ်မြောက် ဒီဂီတဆုပေးပွဲမှာ ဇော်ဝင်းထွဋ်၊သားသား ၊ ဖြိုးပြည့်စုံ၊ Eternal Gosh ၊ ဖြိုးမြတ်အောင်၊ Hangover ii ၊ မေဆွိ၊ ဝိုင်းစုခိုင်သိန်း၊ ရတနာမိုင်၊ နီနီခင်ဇော်၊ မိစန္ဒီ ၊ ဂျူဝယ်လ်၊ ဘာဘရာ၊ မေလသံစဉ်နဲ့ ချမ်းမြေ့မောင်ချိုတို့က တေးသီချင်းများဖြင့် သီဆို ဖျော်ဖြေခဲ့ကြပါတယ်။



ဆက်စပ်အကြောင်းအရာများ


Author


က္က