နောက်ထပ် မြို့နယ်တွေလည်း လှူဒါန်းသွားဦးမယ်လို့ဆိုပါတယ်။
Sabal Thwin

သရုပ်ဆောင် စမိုင်းလ်ကတော့ လက်ရှိဖြစ်ပေါ်နေတဲ့ နွေဦးတော်လှန်ရေးတိုက်ပွဲအတွင်း မန္တလေးမြို့မှာ ကျဆုံးသွားသူတွေရဲ့ မိသားစုဝင်တွေအတွက် နာရေးကူညီမှုအနေနဲ့ ငွေကြေးလှူဒါန်းမှုတွေ ပြုလုပ်ခဲ့တာတွေ့ရပါတယ်။ 

Photo: Smile

လက်ရှိ နိုင်ငံရေးအခြေအနေအရ မန္တလေးမြို့အတွင်းမှာရှိတဲ့ နွေဦးတော်လှန်ရေးတိုက်ပွဲမှာ ကျဆုံးသွားသူတွေရဲ့ ကျန်ရစ်သူ မိသားစုဝင်တွေ အတွက် သရုပ်ဆောင် စမိုင်းလ်က ငွေကျပ် (၁၀) သိန်းစီ နာရေးကူညီထောက်ပံ့ငွေ ပေးခဲ့တယ်လို့ သိရပါတယ်။ 



" မန္တလေးမှာကျဆုံးသွားတဲ့သူရဲကောင်းများအတွက် တစ်ဦးလျှင် (၁၀)သိန်းစီနဲ့ ၁၁ယောက်စာ သိန်း၁၁၀ မနေ့ကလှူဒါန်းခဲ့တယ်။ ကျန်ရှိနေတဲ့မြို့တွေကိုလည်းလှူနိုင်အောင်ကြိုးစားနေပါတယ်နော်" ဆိုပြီးတော့ ဖေဖော်ဝါရီလ ၅ ရက်နေ့ နေ့လယ်ပိုင်းက သူမရဲ့ ဖေ့စ်ဘွတ်ပေ့ချ်မှာ ရေးသားခဲ့ပါတယ်။ ဒါ့အပြင် "ဦးဆောင်ပြီး ကူညီပေးမဲ့သူရှိရင် တစ်ခြားမြို့တွေအတွက် ပြောပါနော်။ အလှမ်းအရမ်းဝေးလို့ ဒီကနေစီစဉ်ရတာအဆင်မပြေလို့ပါ" ဆိုပြီးတော့လည်း Comment မှာ ရေးသားထားတာကို တွေ့ရပါတယ်။ 

Photo: Amazing Grace

ဖေဖော်ဝါရီလ ၁ ရက်နေ့မှာ စစ်တပ်က အာဏာသိမ်းလိုက်ပြီးတဲ့နောက် နိုင်ငံအနှံ့အပြားမှာရှိကြတဲ့ မြန်မာနိုင်ငံသားများက အာဏာသိမ်း စစ်ကောင်စီကို ဆန့်ကျင်ဆန္ဒပြမှုများပြုလုပ်လျက်ရှိပြီး အဆိုပါလှုပ်ရှားမှုတွေထဲမှာ အနုပညာရှင်အများအပြားလည်း ပါဝင်ခဲ့တာတွေ့ရပါတယ်။ ဆန္ဒပြရာမှာ ပါဝင်မှုကြောင့်လည်း သရုပ်ဆောင်လူမင်း၊ သရုပ်ဆောင် ပြေတီဦး၊ ဒါရိုက်တာဝိုင်း၊ ဒါရိုက်တာ ကိုပေါက်၊ ဒါရိုက်တာ ဏကြီး နဲ့ အဆိုတော် အနဂ္ဂတို့ဟာ ပုဒ်မ ၅၀၅ (က) ကြီးနဲ့ အမှုဖွင့်ခံထားရပြီး ဖေဖော်ဝါရီ ၂၀ ရက်နေ့ညမှာ လူမင်း ဖမ်းဆီးခံခဲ့ရပါတယ်။




Author

  • Sabal Thwin

    Entertainment Reporter


က္က