ခရီးလည်းရောက်နေတာဆိုတော့ အရမ်းခံစားနေရပုံပဲ။

Photo: Khine Hnin Wai Fb



 

သရုပ်ဆောင်ခိုင်နှင်းဝေတစ်ယောက် သမီးလေးတစ်ယောက်လိုချစ်ရတဲ့ သူ့ရဲ့ ခွေးလေး ကျောက်ကပ်ဝေဒနာ ခံစားနေရတာကြောင့် အရမ်းကို စိတ်မကောင်းဖြစ်နေတယ်လို့ သိရပါတယ်။ သူ့ သမီးလေး ခံစားနေရတာကိုလည်း မကြည့်ရက်တော့ဘူးလို့ ဆိုပါတယ်။ ခိုင်နှင်းဝေဟာ အခုလက်ရှိမှာတော့ထိုင်းနိုင်ငံရောက်မြန်မာလူမျိုးတွေနဲ့အတူ ကျင်းပတဲ့ တရားပွဲကို တက်ရောက်နေတာဖြစ်ပါတယ်။

''ကျွန်မသမီးလေးခံစားနေရတာမကြည့်ရက်တော့ဘူး။ လက်လွှတ်ပေးလိုက်ရတော့မလား ဆေးတွေနဲ့ဆွဲထားရင်သူပိုခံစားနေရမလားဟင် ကျွန်မပြန်လာတာကိုတော့စောင့်ပါအုံးသမီးရယ်'' ဆိုပြီးတော့ ဇွန်လ ၃၀ ရက်နေ့ မနက် ၉ နာရီက သူ့ရဲ့ ဖေ့စ်ဘွတ်စာမျက်နှာပေါ်မှာ ကြေကွဲ ခံစားချက်နဲ့ ရေးသားခဲ့ပါတယ်။

Photo: Khine Hnin Wai Fb

ထိုင်းနိုင်ငံက မြန်မာတွေနဲ့တရားနာကုသိုလ်ယူနေတဲ့ ခိုင်နှင်းဝေ 

သမီးလေးလို ချစ်ရတဲ့ ခိုင်နှင်းဝေရဲ့ ခွေးလေးဟာ ကျန်းမာရေးအခြေအနေမကောင်းတာကြောင့် ပရိသတ်တွေဝိုင်းဆုတောင်းပေးပါနော်လို့ သူ့ရဲ့ ဖေ့စ်ဘွတ်ကနေတဆင့် တောင်းဆိုခဲ့ပါတယ်။

'' ကျွန်မသမီးလေး ကျောက်ကပ်ပျက်စီးနေလို့အခြေအနေမကောင်းဘူးတဲ့ ကျွန်မကိုချစ်ရင်သမီးလေးအတွက်ဝိုင်းဆုတောင်းပေးပါနော်။ အားလုံးရဲ့မေတ္တာနဲ့သမီးလေးပြန်ကောင်းသွားနိုင်ကောင်းပါစေလို့မျှော်လင့်ချက်ကလေးနဲ့ပါ ကျွန်မကခရီးရောက်နေတော့ Video Call လေး ခေါ်ပြီးတော့ပဲသမီးကိုအသံလေးပေးနေရတယ် ကျွန်မလဲ ကောင်းမှုကုသိုလ်အများကိုကူညီချင်စိတ်နဲ့ သမီး နေမကောင်း တဲ့ကြားက သမီးကို ထားခဲ့ပြီးထွက်ခဲ့ရတာ။ ဒါကြောင့်ကျွန်မပြုတဲ့ကောင်းမှုတွေကြောင့်သမီးလေးနေပြန်ကောင်းပါစေ။ အစစအရာရာ စိတ်ရှည်ပြီး စေတနာထား ပေးတဲ့ ဆရာသိန်းထွန်းအောင်  Royal Asia ကိုတကယ့်ကိုကျေးဇူးတင်ပါတယ်။ ဆရာက ကျွန်မကလေးကို ကုရတာထက်ကျမကို ပိုအားပေး နေရတော့ အားတောင်နာပါတယ်။ ဆရာ့ကိုကျေးဇူးတင်ပါတယ်'' ဆိုပြီးတော့ ဇွန်လ ၂၉ ရက်နေ့ ညနေ ၄ နာရီ ၅၂ မိနစ်က သူ့ရဲ့ ဖေ့စ်ဘွတ် စာမျက်နှာပေါ်မှာ ရေးသားခဲ့တာဖြစ်ပါတယ်။

Photo: Khine Hnin Wai Fb

အဲ့ဒီနောက် ခိုင်နှင်းဝေတစ်ယောက် သူချစ်ရတဲ့ ခွေးလေးအတွက် ကျောက်ကပ်ရောဂါနဲ့ ပတ်သက်ပြီး ကုသမှုတွေနဲ့ သက်ဆိုင်တဲ့ အကြောင်း အရာတွေကို ဇွန်လ ၂၉ ရက်နေ့ ည ၁၀ နာရီ ၄၆ မိနစ်က သူ့ရဲ့ ဖေ့စ်ဘွတ်ပေါ်ကနေတဆင့် ပရိသတ်တွေကို အကူအညီတောင်းခဲ့ ပါ သေးတယ်။

သရုပ်ဆောင်ခိုင်နှင်းဝေဟာ အခုလက်ရှိမှာတော့ ထိုင်းနိုင်ငံ တောင်ပိုင်း၊ ဖူးကက်မြို့ မဲခေါင်ရပ် ဘန်ဘော်စွန်(၂) အနီး အလှူမင်္ဂလာ မဏ္ဍာပ်မှာ ကျင်းပပြုလုပ်နေတဲ့ တရားပွဲမှာ ပါဝင်ကုသိုလ်ယူနေတယ်လို့ သိရပါတယ်။ ထိုင်းနိုင်ငံရောက် မြန်မာလူမျိုးတွေနဲ့ အတူ တည်ထောင်ထားတဲ့ ပရဟိတအဖွဲ့လည်းရှိပါတယ်။ ထိုင်းနိုင်ငံမှာရှိတဲ့ ပရဟိတ အသင်းရဲ့ ရည်ရွယ်ချက်ကတော့  ပြည်ပမှာ ရောက်ရှိ နေပေမယ့် ဒုက္ခရောက်နေကြတဲ့ မြန်မာလူမျိုးတွေကို အချင်းချင်း ကူညီရိုင်းပင်းပြီး တတ်စွမ်းသမျှကူညီပေးနိုင်ဖို့ အတွက်ရည်ရွယ်ချက် ထားတယ်လို့လည်း Duwun Media ရဲ့ အင်တာဗျူးမှာ ဖြေဆိုခဲ့ပါသေးတယ်။


ဆက်စပ်အကြောင်းအရာများ



က္က