Sabal Thwin

စိုင်းစိုင်းခမ်းလှိုင်နဲ့ ဦးကျော်သူတို့ကိုတော့ ‘’ပိတောက်ကတဲ့ ဂီတ’’ဆိုတဲ့ရုပ်ရှင်ကားကြီးမှာ အတူတွဲတွေ့ရတော့မှာဖြစ်ပါတယ်။ စိုင်းစိုင်းကတော့ တစ်နှစ်ကို ရုပ်ရှင်တစ်ကားပဲရိုက်တယ်လို့ ဆိုပါတယ်။

Photo: Kyaw Thu

စိုင်းစိုင်းခမ်းလှိုင်က ဂီတအလုပ်တွေချည်း လုပ်နေတာမဟုတ်ပဲ သူ့ရဲ့ သရုပ်ဆောင်အရည်အချင်းအတွက် ရုပ်ရှင်ဇာတ်ကားတွေကတော့ ရိုက်ဖြစ်နေတယ်လို့ ဆိုပါတယ်။ ဒါပေမယ့်လည်း တစ်နှစ်မှာ တစ်ကားလောက်သာ ရိုက်တယ်လို့ သူကပြောပါတယ်။

‘’ကျွန်တော် တစ်နှစ်မှ ရုပ်ရှင်တစ်ကားလောက် ရိုက်ဖြစ်ပါတယ်။ ကြာတော့သည်လည်း မောင့်စကား ပြီးတဲ့နောက် ၁၅ လ အကြာမှာ ပိတောက်ကတဲ့ ဂီတကို စတင်ရိုက်ကူးဖြစ်ပါတယ်။ သင်္ကြန်ကတည်းက စတင်ရိုက်ကူးခဲ့တဲ့ ဒီဇာတ်ကားရဲ့ အဓိက ဇာတ်ဝင်ခန်းတွေကို ပြင်ဦးလွင်က အိမ်ကလေးမှာ ဆက်တင်ဆင်ပြီး ဆက်လက်ရိုက်ကူးနေပါပြီ’’ ဆိုပြီးတော့ စိုင်းစိုင်းရဲ့ ဖေ့စ်ဘွတ်ပေ့ချ်မှာ ဇူလိုင်လ ၃၁ ရက်နေ့ည ၇ နာရီခွဲကျော်က ရေးသားထားတာဖြစ်ပါတယ်။

Photo: Kyaw Thu

အဲဒီနောက် စိုင်းစိုင်းရိုက်ကူးနေတဲ့ ‘’ပိတောက်ကတဲ့ ဂီတ’’ရုပ်ရှင်ဇာတ်ကားကြီးမှာလည်း ဦးကျော်သူ ပါဝင်လာတာ တွေ့ရပါတယ်။ အကောင်းဆုံး ကြိုးစားဖန်တီးသွားမယ်လို့လည်း ဦးကျော်သူရဲ့ ဖေ့စ်ဘွတ်အကောင့်မှာ ဇူလိုင်လ ၃၁ ရက်နေ့ ညနေ ၆ နာရီခွဲကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။

‘’ယနေ့ ပြင်ဦးလွင်မြို့တွင်ရိုက်ကူးနေသော "ပိတောက်ကတဲ့ဂီတ"ရုပ်ရှင်ဇာတ်ကားကြီးအား ဒါရိုက်တာ မီးပွါး၊ စိုင်းစိုင်းခမ်းလှိုင်နှင့် ကျွန်တော်တို့ အနုပညာညီအစ်ကိုများ တိုင်တိုင်ပင်ပင် ညှိညှိနှိုင်းနှိုင်း ဖေးဖေးမမဖြင့် အကောင်းဆုံးဖြစ်အောင် ဖန်တီးနေကြပါပြီ’’ လို့ သူကဆိုပါတယ်။

Photo: Kyaw Thu

‘’ပိတောက်ကတဲ့ ဂီတ’’ ရုပ်ရှင်ဇာတ်ကားထဲကိုတော့ ဒါရိုက်တာ မီးပွားက ပုံဖော်ရိုက်ကူးနေတာဖြစ်ပါတယ်။ ဒီဇာတ်ကားကိုတော့ မန္တလေး၊ ပြင်ဦးလွင်မြို့တို့မှာ ရိုက်ကူးနေကြတာပါ။ အဓိက သရုပ်ဆောင်တွေ အနေနဲ့ စိုင်းစိုင်းခမ်းလှိုင်၊ ကျော်သူနဲ့ ပိုးမမှီသာတို့က ပါဝင်သရုပ်ဆောင်နေကြတာဖြစ်ပါတယ်။ ပိုးမမှီသာနဲ့ စိုင်းစိုင်းတို့ အတူတွဲပြီး ပထမဆုံးအကြိမ်ရိုက်ကူးတဲ့ ရုပ်ရှင်ဇာတ်ကားလည်း ဖြစ်ပါတယ်။

Photo: Kyaw Thu

စိုင်းစိုင်း(Sai Sai Kham Leng)ဟာသရုပ်ဆောင်ပိုင်းနဲ့ ပတ်သက်လို့ ၂၀၀၇ခုနှစ်မှာမင်္ဂလာပါဇာတ်ကား၊ ၂၀၀၇ခုနှစ်မှာ ဂုဏ်ရှိန်ပြင်းတဲ့ ချစ်ခြင်းသိက္ခာ၊ ၂၀၀၈ခုနှစ်မှာရင်ခွင်နှင်းဆီ ၊ ၂၀၁၁ခုနှစ်မှာအာဒံရယ် ဧဝရယ် ဒဿရယ်၊ ၂၀၁၆ခုနှစ်မှာ အေဒင်ရဲ့နတ်သမီး၊ From Bangkok To Mandalay၊ ဂျုန်းဂျုန်းဂျက်ဂျက် စတဲ့ရုပ်ရှင်ဇာတ်ကားတွေမှာ ပါဝင်ထားသူ တစ်ဦး ဖြစ်ပါတယ်။ အဲ့ဒီနောက်စိုင်းစိုင်းခမ်းလှိုင်ရဲ့ စီးပွားရေး အနေနဲ့ Frenzo Production မှာလည်းဦးဆောင် သူတစ်ဦးလည်းဖြစ်သလို SAI Cosmetix ရဲ့ ထုတ်လုပ်သူ တစ်ဦးလည်းဖြစ်ပါတယ်။


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က