စိုးရန်အောင်ကတော့ ချစ်ဇနီးချောလေး သရုပ်ဆောင် သက်သခင် ဟာ ပထမဆုံးရင်သွေးလေးကို ကိုယ်ဝန်လွယ်ထားရပြီလို့ ဝမ်းသာအားရ ပြောပြလာပါတယ်။
Photo: Soe Yan Aung
သရုပ်ဆောင် သက်သခင်ကတော့ ကိုယ်ဝန်လွယ်ထားရပြီလို့ ခင်ပွန်းဖြစ်သူ သရုပ်ဆောင် စိုးရန်အောင်က ပြောပါတယ်။ သူကတော့ ဖခင်တစ်ယောက်ဖြစ်တော့မှာမို့ ဝမ်းသာနေတယ်လို့ ဆိုပါတယ်။
" Change Of life; မကြာခဏပေါ့ဗျာ.. ပွဲတွေမှာ မီဒီယာတွေနဲ့တွေ့တိုင်း ကျွန်တော်တို့လင်မယားကို“ကလေးမယူသေးဘူးလား ? ၊ ဘာလို့လဲ မယူတာလား ? “ တဲ့လေ။ မိတ်ဆွေသူငယ်ချင်းဆွေမျိုးများနဲ့ဆုံရင်လည်း အဲဒီအတိုင်းပဲမေးကြလေတော့ “ဟုတ်ကဲ့ ကျွန်တော်ကြိုးစားပါ့မယ်” ဆိုပြီးဖြေခဲ့မိတာပေါ့ ပြန်တွေးကြည့်တော့ ခပ်ရှက်ရှက်ရယ်။ ဟုတ်ကဲ့ အခုအဖြေပြောင်းပြီးဖြေပေးပါ့မယ်။ မကြာခင် ကျွန်တော်ဖခင်ဖြစ်ပါတော့မယ်ဗျာ!!! ကျွန်တော်တို့ရဲ့ မိဘတွေ အဘိုးအဘွားစာရင်းဝင်လို့ အကိုတွေ ဘကြီးဖြစ်ပြီပေါ့ဗျာ ...!!! မိန်းမရေ ကျေးဇူးပါကွာ" ဆိုပြီးတော့ ဇွန်လ (၁၄) ရက်နေ့ ည ၇ နာရီကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။ သူတို့ ဇနီးမောင်နှံကို ချစ်တဲ့ ပရိသတ်တွေကလည်း ဝမ်းသာမဆုံးဖြစ်လို့နေပါတယ်။
Photo: Soe Yan Aung
စိုးရန်အောင်နဲ့ သက်သခင် တို့ဟာ ၂၀၁၈ ခုနှစ် ၊ မေလ ၆ ရက်နေ့ မှာ Melia Hotel မှာ မင်္ဂလာအခမ်းအနား ကျင်းပခဲ့တာဖြစ်ပါတယ်။ သူတို့ ဇနီးမောင်နှံဟာ ၂၀၁၇ ခုနှစ် ၉ လပိုင်း ၁၁ ရက်နေ့မှာ စေ့စပ်ပွဲကျင်းပခဲ့တာဖြစ်ပြီး ၂၀၁၈ ခုနှစ် ဧပြီလ (၆) ရက်နေ့က အောင်မြေဘုံသာ သျှမ်းကျောင်း မှာ မင်္ဂလာဦးဆွမ်းကျွေးအလှူပြုခဲ့ကြတာပါ။ လက်ရှိမှာတော့ ကိုယ်ပိုင်စီးပွားရေး တစ်ခု အနေနဲ့ My's Pizza ဆိုတဲ့ ဆိုင်လေးလည်း ဖွင့်လှစ်ထားတာ တွေ့ရပါတယ်။
Photo: Kyaw Swar Myint
စိုးရန်အောင် နဲ့ သက်သခင်တို့ ဇနီးမောင်နှံဟာ အနုပညာရှင်တွေ ဖြစ်ကြပါတယ်။ နှစ်ယောက်စလုံးကလည်း အနုပညာလောကထဲကို မော်ဒယ်လ် တစ်ယောက်အနေနဲ့ စတင်ဝင်ရောက်လာခဲ့တာပါ။ သက်သခင်ကိုတော့ ပရိသတ်တွေကို မော်ဒယ်လ် တစ်ယောက်အနေနဲ့ စတင်အားပေးလာခဲ့တာ ဖြစ်ပါတယ်။ စိုးရန်အောင်ကိုတော့ ဗီဒီယို ဇာတ်ကားတွေကနေ တဆင့် ပရိသတ်တွေ စတင်သိရှိလာခဲ့တာပါ။