Phyo Min Thant

Venture_Cityscape1.jpg 

တခြားသူတွေနဲ့ပြောဆိုဆက်ဆံတဲ့နေရာမှာ ကျွမ်းကျင်လိမ္မာဖို့ဟာလည်း အောင်မြင်မှုတွေရဖို့ အရေးပါတဲ့အချက် တစ်ချက်ပါပဲ။ ဒီနေ့ခေတ်မှာဆိုရင် လူချင်းတွေဆုံပြောဆိုဆက်ဆံမှုတွေမှာသာမက Email ၊ ဖုန်း နဲ့ အခြားဆက်သွယ်ရေးနည်းလမ်းတွေနဲ့ ပြောဆိုဆက်ဆံရာမှာပါ ကျွမ်းကျင်သူတစ်ဦးဖြစ်ဖို့ လိုအပ်လာပါတယ်။ အခြားသူတွေနဲ့ပြောဆိုဆက်ဆံတဲ့အရည်အချင်းကို တစ်ချို့သူတွေကမွေးရာပါအရည်အချင်းတစ်ရပ်လို ပိုင်ဆိုင်ထားကြ ပေမယ့် တစ်ချို့သူတွေအတွက်တော့ ကိုယ်နဲ့မရင်းနှီးသေးတဲ့သူတွေနဲ့ ပြောဆိုဆက်ဆံရတာက အခက်အခဲတစ်ရပ် ဖြစ်ကောင်းဖြစ်နေနိုင်ပါတယ်။ အဲဒီလိုဖြစ်နေလို့လည်း စိတ်ဓါတ်ကျစရာတော့မရှိပါဘူး။ ဘာကြောင့်လဲဆိုတော့ ပြောဆိုဆက်ဆံမှုအရည်အချင်းဆိုတာ အာရုံစိုက်လေ့လာပြီး ကြိုးစားလေ့ကျင့်မယ်ဆိုရင် လူတိုင်းပိုင်ဆိုင်နိုင်တဲ့ အရည်အချင်းတစ်ရပ်မလို့ပါပဲ။ အခုဖော်ပြသွားမှာကတော့ ပြောဆိုဆက်ဆံရာမှာ ကျွမ်းကျင်သူတစ်ဦးဖြစ် လာစေဖို့ အထောက်အကူပြုမယ့် အကြံပြုချက် ၆ ချက်ပဲ ဖြစ်ပါတယ်။

(၁) ကိုယ်ကအရင် စ ပြောပါ

မရင်းနှီးသေးတဲ့သူတစ်ဦးနဲ့တစ်ဦး စကားပြောဆိုဆက်ဆံကြရာမှာ လူအတော်များများလုပ်မိလေ့ရှိတဲ့ အမှားတစ်ခုက တစ်ဖက်လူက စ ပြောတာကိုစောင့်နေပြီးမှ အလိုက်အထိုက်ပြန်ပြောတာပါ။ တကယ်တော့ ကိုယ်နဲ့ အခုမှစတွေ့ဖူးတဲ့သူတစ်ဦးနဲ့ တွေ့ဆုံရာမှာ ကိုယ့်ဘက်ကနေ တစ်ခုခုအရင်စပြောလိုက်တာက ပိုကောင်းပါတယ်။ တစ်ဦးနဲ့တစ်ဦးအပြန်အလှန်မိတ်ဆက်ပြီးတဲ့နောက်မှာ ကိုယ့်ဘက်ကနေပဲ ရာသီဥတုအကြောင်းပဲဖြစ်ဖြစ်၊ ဒါမှမဟုတ် လက်တလောပတ်ဝန်းကျင်မှာမြင်တွေ့လိုက်ရတဲ့ကိစ္စတစ်ခုခုကိုပဲဖြစ်ဖြစ် စတင်ပြီးပြောလိုက်ခြင်းအားဖြင့် ကိုယ်က သူနဲ့ ပြောဆိုဆက်ဆံဖို့ စိတ်အားထက်သန်လျက်ရှိကြောင်း ဖော်ပြရာရောက်ပြီး တစ်ဖက်လူရဲ့ရင်းနှီးမှုကိုလည်း မြန်မြန်ဆန်ဆန် ရရှိမှာပါ။

 (၂) စိတ်ဝင်စားစရာအကြောင်းအရာတစ်ခု ပြင်ဆင်ထားပါ

တစ်ဦးနဲ့တစ်ဦးမိတ်ဆက်ပြီးပြီ၊ ရာသီဥတုအကြောင်းလို သိပ်အရေးမကြီးတဲ့စကားလေးတွေလည်းပြောပြီးသွားတဲ့ နောက်မှာ စကားဝိုင်းကအလျင်ပြတ်သွားတာမျိုးဖြစ်တတ်ပါတယ်။ ဒီလိုအချိန်မျိုးအတွက်ကိုယ့်ဘက်ကနေပြီး စိတ်ဝင်စားစရာအကြောင်းအရာတစ်ခုကြိုတင်ပြင်ဆင်သွားသင့်ပါတယ်။ အလုပ်ကိစ္စတွေ့ဆုံကြတာဆိုရင် ကိုယ့်ရဲ့အလုပ်၊ အသက်မွေးဝမ်းကျောင်းနဲ့ပတ်သက်ပြီး လူသိပ်မသိတဲ့အကြောင်းအရာမျိုးကို ပြောပြတာမျိုးလုပ်နိုင်ပါတယ်။ အဲဒီအချိန်မှာ တစ်ဖက်သားစိတ်ဝင်စားအောင်ပြောနိုင်မယ်ဆိုရင် သင့်အနေနဲ့စကားဝိုင်းကိုဦးဆောင်သူနေရာရရှိမှာ ဖြစ်ပါတယ်။

Article 29 image.jpeg 

(၃) တစ်ဖက်လူစိတ်ဝင်စားမယ့်အကြောင်းအရာပေါ်လာအောင် ဆွဲခေါ်ပါ

တကယ်လို့ သင်ပြောနိုင်တဲ့အကြောင်းအရာက တစ်ဖက်လူနဲ့မဆိုင်တဲ့ကိစ္စမျိုး၊ သူစိတ်မဝင်စားတဲ့ကိစ္စမျိုးဖြစ်နေရင် တစ်ဖက်လူဘယ်လိုအကြောင်းအရာမျိုးကိုစိတ်ဝင်စားနေလဲသိရအောင် ဆွဲခေါ်တတ်ဖို့လိုပါတယ်။ ဒီလိုလုပ်ဖို့အတွက် တော့ သူ့ကိုစကားပြောလာအောင် ဆွဲခေါ်ရမှာဖြစ်ပြီးသူပြောလာတဲ့အခါမှာ အကြောင်းအရာကိုဂရုတစိုက်နားထောင်ကာ အဲဒီအကြောင်းအရာနဲ့ပတ်သက်ပြီး ကိုယ်သိထားတဲ့စိတ်ဝင်စားစရာအချက်လေးတွေကိုပြောနိုင်ဖို့ကြိုးစားရမှာပဲ ဖြစ်ပါတယ်။

(၄) မေးခွန်းတွေမေးပါ

စကားကို ခပ်တိုတို၊ခပ်ပြတ်ပြတ် ပြောတတ်သူတွေနဲ့ပြောဆိုဆက်ဆံရတဲ့အခါ စကားဝိုင်းကို အရှိန်မပြတ်သွားအောင် ထိန်းနိုင်ဖို့ခက်ခဲတတ်ပါတယ်။ ဒီလိုအခြေအနေမျိုးအတွက် သူစကားပြောတာအရှိန်မပြတ်သွားစေဖို့ သင်က အလိုက်အထိုက်မေးခွန်းလေးတွေမေးတတ်ဖို့လိုပါတယ်။ ဒီလိုမေးတဲ့နေရာမှာ သူပြောနေတာကို စိတ်ဝင်စားလို့ မေးတဲ့ပုံစံမျိုးဖြစ်သင့်ပြီး တရားခံစစ် စစ်နေတာမျိုးမဖြစ်ဖို့တော့ သတိထားရပါမယ်။

SEE ALSO: 

(၅) အပြောင်းအလဲမမြန်ပါနဲ့

အချိန်တိုအတွင်းမှာ အကြောင်းအရာအမျိုးမျိုးပြောင်းပြောနေတာမျိုး မလုပ်မိဖို့လိုပါတယ်။ သင့်အနေနဲ့က တစ်ဖက်သား ဘာစိတ်ဝင်စားမယ်မှန်းမသိလို့ အကြောင်းအရာအမျိုးမျိုးပြောင်းပြောတာဖြစ်ပေမယ့် တစ်ဖက်လူရဲ့စိတ်ထဲမှာ သင့်ကို စိတ်မတည်ငြိမ်တဲ့သူ၊ အပြောင်းအလဲမြန်တဲ့သူလို့မြင်သွားတာမျိုး၊ သင်ပြောတာကိုစိတ်မဝင်စားတော့တာမျိုး ဖြစ်သွားနိုင်ပါတယ်။ သင့်အနေနဲ့တစ်ဖက်လူက ဘာစိတ်ဝင်စားမှန်း ဘယ်လိုမှခန့်မှန်းလို့မရဘူးဆိုရင် သင်အပိုင်နိုင်ဆုံး အကြောင်းအရာတစ်ခုကိုပဲ တတ်နိုင်သမျှစိတ်ဝင်စားစရာဖြစ်အောင်ပြောပါ။

(၆) အနှစ်ချုပ်ပြန်ပြောပါ

စကားဝိုင်းသိမ်းတော့မယ်ဆိုတဲ့အချိန် သင်တို့ရဲ့တွေ့ဆုံဆွေးနွေးခဲ့မှုနဲ့ပတ်သက်ပြီး အနှစ်ချုပ်သုံးသပ်တာမျိုး လုပ်ဖို့ လိုပါတယ်။ ဒီလိုလုပ်ခြင်းအားဖြင့် သင်တို့ပြောဆိုခဲ့တဲ့အချက်တွေနဲ့ပတ်သက်လို့ စကားဝိုင်းမှာပါဝင်သူတွေအားလုံး ရှင်းရှင်းလင်းလင်းနဲ့မှတ်မှတ်ရရရှိသွားမှာ ဖြစ်သလို သင့်အပေါ်လည်းလေးစားယုံကြည်မှုတိုးစေမှာပါ။

ဒီနေ့ကမ္ဘာမှာ လူမှုပတ်ဝန်းကျင်နဲ့ သဘာဝပတ်ဝန်းကျင်ဆိုင်ရာ အရေးတကြီး လိုအပ်ချက်တွေကိုဖြည့်ဆည်းပေးနိုင်ဖို့ အတွက် စိတ်အားထက်သန်ပြီး သူတို့ရဲ့ အရည်အသွေးတွေနဲ့ စွမ်းအင်တွေကို ပိုမိုကောင်းမွန်တဲ့ ကမ္ဘာတစ်ခုတည်ဆောက် ရာမှာအသုံးချနေတဲ့ မျိုးဆက်သစ်တစ်ရပ် ရှိနေပါတယ်။ ကျွန်တော်တို့ရဲ့ Chivas Regal ဟာ အဲဒီမျိုးဆက်သစ်တွေကို အဓိပ္ပာယ်ပြည့်ဝတဲ့နည်းလမ်းတွေနဲ့ ထိတွေ့ဆက်ဆံပြီး သူတို့တွေထဲကနေ အောင်မြင်တဲ့ လူမှုကူညီရေး စွန့်ဦးတီထွင်လုပ်ငန်းရှင်တွေ ပေါ်ထွက်လာစေဖို့အတွက် အားပေးကူညီသွားဖို့ ဆုံးဖြတ်ထားပါတယ်။

စီးပွားရေးလုပ်ငန်းနဲ့ တီထွင်ဖန်တီးမှုတွေက ကောင်းမွန်မှုအတွက်အင်အားတစ်ရပ်ဖြစ်လာနိုင်တယ်လို့ Chivas Regal က စိတ်ထဲနှလုံးထဲက ယုံကြည်ထားပါတယ်။ www.theventure.com ကိုဝင်ရောက်ပြီးတော့ ဆက်လက်လေ့လာဖတ်ရှု့နိုင် ပါတယ်။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က