Thiha Htun

အစားအသောက်စားသုံးခြင်းဆိုတာ ကျွန်တော်တို့လူသားအများစုအတွက် မရှိမဖြစ်လိုအပ်လို့ လုပ်နေရတယ်ဆိုပေမယ့် တချို့တွေအတွက်တော့ နှစ်သက်မြတ်နိုးမှုတွေနဲ့လုပ်နေတဲ့ အလုပ်တစ်ခုပါ။ တချို့တွေက အစားအစာမျိုးစုံရဲ့အရသာကို နှစ်သက်စွာ စားသုံးဖို့အတွက် မွေးဖွားလာတာပါ။ အဲဒီလိုလူတွေကို foodie လို့ခေါ်ပြီး အစားအသောက်ဟာ သူတို့အတွက်တော့ အရာရာတိုင်းပါပဲ။

food-blog.jpg 

တကယ်လို့ ခင်ဗျားသာ အဲဒီလို အစားအသောက်တွေကို မြတ်နိုးတဲ့ foodie တစ်ယောက်ဖြစ်နေမယ်ဆိုရင် မိမိရဲ့ အသက်မွေးဝမ်းကြောင်း အလုပ်အကိုင်ကိုလည်း အစားအသောက်တွေနဲ့ ပတ်သက်တဲ့ အလုပ်တစ်ခုခုကိုပဲ လုပ်ချင်မှာပါပဲ။ ဒါဆိုရင်တော့ အောက်မှာဖော်ပြထားတဲ့ အလုပ်အကိုင်တွေက ခင်ဗျားအတွက် ဖြစ်နေမှာပါ။

၁။ အစားအသောက်ဝန်ဆောင်မှု လုပ်ကိုင်သူ

1.jpg 

တခြားလူတွေက ပွဲလမ်းသဘင်တွေ၊ အခမ်းအနားတွေ တက်ရောက်နေချိန်မှာ ခင်ဗျားကတော့ ပွဲတက်လာမယ့်သူတို့အတွက် အစားအသောက်တွေကို စီစဉ်ပေးရမှာပါ။ ခင်ဗျားသာ အစားအသောက်တွေကို တကယ်နှစ်သက်သူဆိုရင် ဒီအလုပ်လုပ်ရတာကို ခင်ဗျားပျော်ရွှင်နေမိမှာပါ။ အစားအသောက်ဝန်ဆောင်မှုဆိုတာ menu တွေဖန်တီးတာပါမယ်။

အစားအသောက် မှာယူပေးတာ ပါမယ်။ အခမ်းအနားမှာ အစားအသောက်တွေကို ပွဲတက်ပရိသတ်တွေရှေ့ကို အစီအစဉ်တကျ ရောက်အောင် စီမံရတာပါမယ်။ တကယ်လို့ ဒါတွေအားလုံးကို အစီအစဉ်တကျ ဆောင်ရွက်နိုင်ပြီဆိုရင် ခင်ဗျားကို ဟိုတယ်တွေ၊ အေဂျင်စီတွေ၊ စားသောက်ဆိုင်တွေက သူတို့ရဲ့ဖောက်သည်တွေအတွက် အကောင်းဆုံးအတွေ့အကြုံကို ဖန်တီးပေးဖို့ ခင်ဗျားကို အကူအညီတောင်းလာပါလိမ့်မယ်။

၂။ အစားအသောက် ဘလော့ဂါ (Food Blogger)

blogher-food-15-irvin-lin-interview.jpg 

စားသောက်ဆိုင်တွေရှိရာကို ဆာဗေးဆင်းတာတို့၊ စားသောက်ဖွယ်အသစ်တွေကို ပရိသတ်သိအောင် ချပြတာတို့၊ စားသောက်ကုန် လုပ်ငန်းကို ဝေဖန်အကဲဖြတ်တာတို့က အစားအသောက်ဘလော့ဂါတွေရဲ့ အလုပ်ဖြစ်ပါတယ်။ အစားအသောက်ဘလော့ဂါ အများစုကတော့ သီးခြားရပ်တည်တတ်ကြပြီး သူတို့ရဲ့ဆောင်းပါးတွေကို မဂ္ဂဇင်းတို့၊ ဝက်ဘ်ဆိုဒ်တို့ကို ပို့ခြင်းဖြင့် ဝင်ငွေကို ရယူတတ်ကြပါတယ်။

ဒါ့အပြင် ဘလော့ဂါတွေက စားသောက်ဆိုင်တွေကို ညွှန်းပေးတာတို့၊ စပွန်ဆာယူတာတို့၊ ကြော်ငြာယူတာတို့ကလည်း ဝင်ငွေရရှိနိုင်ပါသေးတယ်။ ဒါပေမယ့် ဒီအလုပ်အကိုင်ဟာ စစချင်းမှာတော့ အချိန်နဲ့ငွေ တော်တော်ရင်းနှီးမြှုပ်နှံနိုင်မှ တော်ကာကျတဲ့ အလုပ်မျိုးပါ။

၃။ စားသောက်ဆိုင်ဧည့်လမ်းညွှန်

miami-beach-art-deco-tour-guide.jpg 

ခင်ဗျားနေထိုင်ရာမြို့မှာရှိတဲ့ အံ့အားသင့်ဖွယ် ထူးထူးဆန်းဆန်းလက်ရာတွေ၊ အစားအသောက်တွေကို ရှာဖွေရတာ နှစ်သက်သူဆိုရင်တော့ ဒီအလုပ်ဟာ ခင်ဗျားအတွက်ပါပဲ။ ခင်ဗျားလိုပဲ အစားအသောက်မြတ်နိုးသူ ခရီးသွားတွေကို အဲဒီလို ထူးထူးဆန်းဆန်းအစားအစာလေးတွေနဲ့ လိုက်လံမိတ်ဆက်ပေးခြင်းဖြင့် အလုပ်လုပ်ကိုင်ရမှာပါ။

ဒီအလုပ်အကိုင်ကတော့ အစားအသောက် ဘလော့ဂါလောက် မလွယ်တာက သူများမသိသေးတဲ့ ထူးထူးဆန်းဆန်း အစားအသောက်တွေကို လိုက်လံရှာဖွေနိုင်၊ သူများကိုလည်း မိတ်ဆက်ပေးနိုင်ရမှာမို့ပါ။ တချို့ကတော့ အစားအသောက် ဘလော့ဂါအလုပ်နဲ့ တွဲလုပ်ကြပါတယ်။

လူတိုင်းမဖြစ်မနေ လိုက်နာသင့်တဲ့ အစားအသောက်ဆိုင်ရာ စည်းမျဉ်းများ 

၄။ dietician (အာဟာရဗေဒ ပညာရှင်)

dietician_nutrition.jpg 

တချို့လူတွေက အစားအသောက်ကို ဘယ်လိုအရသာခံစားမလဲ စဉ်းစားပြီး ဝိတ်တွေတက်နေချိန်မှာ dietician တွေရဲ့ အခန်းကဏ္ဍကတော့ ဘယ်လိုအစားအသောက်တွေကို ဘယ်လိုအတိုင်းအထွာနဲ့ စားသုံးသင့်လဲဆိုုတာကို ဆုံးဖြတ်ပေး၊ အကြံပေးရမှာပါ။ အထူးသဖြင့် ကိုယ်အလေးချိန်လျှော့ချနေသူတွေအတွက် အာဟာရဆိုင်ရာ အကြံဉာဏ်တွေ ပေးရမှာလည်း ဖြစ်ပါတယ်။ များသောအားဖြင့် dietician တွေဟာ ဆေးခန်းတွေ၊ gym တွေနဲ့ သုတေသနဌာနတွေမှာ အလုပ်လုပ်ကိုင်ရပါတယ်။

၅။ အစားအစာသုတေသီ

food-research.jpg 

အစားအစာသုတေသီတွေကတော့ အစားအစာဖြန့်ဖြူးရောင်းရသူတွေဆီမှာ အလုပ်လုပ်ကိုင်ကြပြီး သူတို့ရဲ့ထုတ်ကုန်ပစ္စည်းတွေမှာ ဘာအားနည်းချက်ရှိလဲဆိုတာနဲ့ ပိုမိုကောင်းမွန်အောင် ဘယ်လိုပြုလုပ်ရမလဲဆိုတာနဲ့ ပတ်သက်တဲ့အကြံတွေပေးဖို့ ခန့်အပ်ထားတာဖြစ်ပါတယ်။

ဥပမာ... အာလူးကြော်ကုမ္မဏီတစ်ခုအတွက် ပိုမိုကြွပ်ရွတဲ့၊ အရသာကောင်းမွန်တဲ့ အာလူးကြော်တွေ ထုတ်လုပ်နိုင်ဖို့ ဘာလုပ်ရမလဲဆိုတာကို အကြံပေးရသလိုမျိုးပေါ့။ အစားအသောက်သုတေသီအလုပ်ဟာလည်း လွယ်ကူတဲ့ အလုပ်တစ်ခုတော့ မဟုတ်ပါဘူး။

Source: youngisthan

 


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က