Thiha Htun

၂၁ ရာစုက နည်းပညာအပြောင်းအလဲတွေဟာ ကျွန်တော်တို့ရဲ့နေထိုင်ပုံ (lifestyle) နဲ့ အလုပ်လုပ်ကိုင်ပုံတွေကိုပါ ပြောင်းလဲသွား စေပါတယ်။ ဥပမာ အရင်တုံးက ဈေးရောင်းခြင်း (sales) နဲ့ မားကက်တင်း (marketing) တွေကို အပြင်မှာ လူကိုယ်တိုင် လိုက်ရောင်းတာ၊ ဒါမှမဟုတ် ဈေးဆိုင်တွေဖွင့်ပြီး ရောင်းချတာမျိုးလုပ်ရပါတယ်။

entrepreneur-593372_640.jpg 

ဒါပေမယ့် နောက်ပိုင်းမှာ ဒစ်ဂျစ်တယ်ကြားခံနယ်တွေ အများကြီးရှိလာတဲ့အခါ ဈေးရောင်းချင်ရင်တောင် ဆိုင်ဖွင့်ပြီး ရောင်းစရာမလိုတော့ဘဲ အွန်လိုင်းပေါ်ကပဲ online shop လေးတွေ ဖွင့်ပြီး ရောင်းတာတို့၊ မားကက်တင်းဆိုရင်တော့ ပုံမှန် ရိုးရာ မားကက်တင်းတွေနေရာမှာ ဒစ်ဂျစ်တယ်မားကက်တင်းတွေ ဖြစ်လာတာတို့ဆိုပြီး ပြောင်းလဲလာပါတယ်။

အဲဒီအချိန်မှာ ဘာတစ်ခုကောင်းလာလဲဆိုတော့ တချို့ အလုပ်တွေဟာ ရုံးတက်ဖို့မလိုဘဲ အိမ်ကပဲ freelance လုပ်လို့ရတာမျိုးတွေ ရှိလာပါတယ်။ freelance ဆိုတာ ရုံးတက်စရာမလိုဘဲ အိမ်ကပဲ အလုပ်လုပ်လို့ရတဲ့ အလုပ်မျိုးပါ။ ဒါဆိုရင် freelance လုပ်သားတစ်ယောက်ရဲ့ ကောင်းကျိုးတွေက ဘာတွေများဖြစ်မလဲ။

၁။ လမ်းမှာကုန်မယ့် အချိန်တွေကိုု အလုပ်မှာအားစိုက်လို့ရတယ်

104290242-GettyImages-56454003.jpg 

အားလုံးသိကြတဲ့အတိုင်းပါပဲ။ ရုံးချိန်၊ ကျောင်းချိန်ဆိုရင် ရန်ကုန်မြို့ရဲ့လမ်းမတွေက ကားကျပ်လွန်းလှပါတယ်။ ရုံးကိုရောက်ဖို့အတွက် (၁) နာရီလောက်ကားတိုးစီးရတယ်ဆိုရင် မိမိတန်ဖိုးရှိလှတဲ့ အချိန်တွေကိုကော၊ စွမ်းအင်တွေကိုကော ဆုံးရှုံးလိုက်ရပါပြီ။ အဲဒီအစား အိမ်ကပဲ freelance လုပ်မယ်ဆိုရင်တော့ အလုပ်သွားချိန်အတွက် အချိန်နဲ့ စွမ်းအင်တွေကို အလုပ်ထဲမှာ အားစိုက်လို့ရတဲ့အတွက် ပိုမိုကောင်းမွန်တဲ့ ရလဒ်တွေကို ရရှိနိုင်ပါတယ်။

၂။ မိသားစုကို လွတ်လွတ်လပ်လပ်စောင့်ရှောက်နိုင်တယ်

best-work-from-home-jobs.jpg 

ကုမ္မဏီဝန်ထမ်းဆိုရင် အိမ်က ကလေးနေမကောင်းတာတို့၊ အဖေအမေ နေမကောင်းတာတို့ဆိုရင် ခွင့်ယူရပါသေးတယ်။ ဒါတောင် ရုံးကခွင့်ပေးဦးမှ ပြုစုစောင့်ရှောက်ပေးနိုင်တာပါ။ Freelance လုပ်သားဆိုရင်တော့ ကိုယ့်အိမ်မှာပဲကိုယ်နေပြီး ကိုယ်နိုင်သလောက် အလုပ်ကိုပဲ မှန်းပြီး တာဝန်ယူနိုင်တာမို့ မိသားစုဝင်တွေ နေထိုင်မကောင်းဖြစ်ရင် လွတ်လွတ်လပ်လပ် ပြုစုဂရုစိုက်နိုင်တာပေါ့။

၃။ သက်တောင့်သက်သာရှိတယ်

work-from-homw.jpg 

ရုံးဝန်ထမ်းဆိုရင်တော့ ရုံးကသတ်မှတ်ထားတဲ့ ဝန်ထမ်းဝတ်စုံကိုဝတ်ပြီး ဒါမှမဟုတ် မိမိလုပ်ကိုင်နေတဲ့ အလုပ်နဲ့ လိုက်လျောညီထွေရှိမယ့် suit တစ်ခုခုကို ဝတ်ဆင်ရမှာပါ။ နောက်ပြီး ကိုယ့်အိမ်မှာကိုယ် သက်တောင့်သက်သာနေသလိုမျိုးတော့ ရုံးမှာသွားနေလို့ မရပါဘူး။

ဒီနေရာမှာ freelance သမားကတော့ အိမ်နေရင်း အဝတ်အစားနဲ့ပဲ ကိုယ်ထိုင်နေကျ ဆိုဖာလေးပေါ်မှာ သက်တောင့်သက်သာထိုင်ပြီး အလုပ်လုပ်နိုင်ပါတယ်။ တစ်ခါတလေမှာ comfort zone မှာ အလုပ်လုပ်ရခြင်းက လုပ်ရည်ကိုင်ရည်ကို ပိုမိုတိုးတက်စေပါတယ်။

see also 

၄။ အလုပ်ချိန်က ပိုပြီး flexible ဖြစ်လာတယ်

မြန်မာပြည်က ပုံမှန် ရုံးဆင်း/ ရုံးတက်ချိန်က မနက် (၉) နာရီ ရုံးတက်၊ ညနေ (၅) နာရီ ရုံးဆင်းရပါတယ်။ တစ်ခါတလေမှာ ဒီလို ပုံသေဆန်တဲ့ အလုပ်ချိန်နဲ့ အဆင်မပြေတဲ့သူတွေ ရှိပါတယ်။ ဥပမာ... ကိုယ်ပိုင်တီထွင်ဖန်တီးမှုနဲ့ဆိုင်တဲ့ အလုပ်တွေဖြစ်တဲ့ ဒီဇိုင်နာ၊ စာရေးခြင်း၊ ဆော့ဝဲလ်ရေးဆွဲခြင်း အစရှိတဲ့ အလုပ်လုပ်ကိုင်သူတွေဟာ ဈာန်ဝင်စားချိန် (စိတ်ကူးဉာဏ်ကွန့်မြူးချိန်) မှ အလုပ်လုပ်လို့ရတဲ့အတွက် ပုံမှန်ရုံးတက်ချိန်က အဆင်မပြေနိုင်ပါဘူး။ ဒီနေရာမှာ freelance သမားတွေက ရုံးချိန်ကင်းလွတ်တဲ့အတွက် လုပ်ရည်ကိုင်ရည် ပိုတက်လာနိုင်ပါတယ်။

၅။ ဝင်ငွေပိုကောင်းနိုင်တယ်

work-at-home-scams.jpg 

ရုံးဝန်ထမ်းတစ်ယောက်ဟာ သူ့ရဲ့လုပ်ရည်ကိုင်ရည်ကိုလိုက်ပြီး လစာအနည်းအများရှိနိုင်ပါတယ်။ တချို့လူတွေဆို တစ်လကို သိန်းဆယ်ဂဏန်းလောက်ရတဲ့ ကျွမ်းကျင်ဝန်ထမ်းတွေလည်း ရှိပါတယ်။ Freelance လုပ်သားကတော့ မိမိရဲ့ လုပ်ကိုင်နိုင်စွမ်းကို ကြည့်ပြီး ပရောဂျက်တွေလိုက်နိုင်တဲ့အတွက် ကိုယ်လုပ်နိုင်ရင် လုပ်နိုင်သလောက် ဝင်ငွေကောင်းနိုင်ပါတယ်။

၆။ လုပ်ငန်းခွင်စိတ်ဖိအားတွေ နည်းတယ်

လုပ်ငန်းခွင်စိတ်ဖိစီးမှုဟာ ခန္ဓာကိုယ်ကျန်းမာရေးကိုပါ ထိခိုက်စေနိုင်တဲ့ အချင်းအရာတစ်ခုပါပဲ။ အမှှန်တော့ မိမိလုပ်ကိုင်တဲ့ လုပ်ငန်းသဘော သဘာဝအလိုက် လုပ်ငန်းခွင်စိတ်ဖိစီးမှုဆိုတာလည်း ရှိမှာပါပဲ။ ရုံးမတက်ရရင် လုပ်ငန်းခွင်စိတ်ဖိစီးမှုတွေလည်း မရှိနိုင်တဲ့အတွက် လူမှုဘဝမှာကော၊ အလုပ်သဘောသဘာဝမှာပါ ပိုမိုထိရောက်စွာ လုပ်ကိုင်နိုင်ပါတယ်။

၇။ ရုံးတွင်းအရှုပ်အရှင်းတွေ မရှိတော့ဘူး

o-OFFICE-GOSSIP-facebook.jpg 

ရုံးသမားတွေမှာ ကြုံရတတ်တဲ့ နောက်ထပ်အရာတစ်ခုကတော့ ရုံးတွင်း ထက်အောက်ဆက်ဆံရေးနဲ့ ရုံးတွင်းအတင်းစကားတွေပါပဲ။ ဒါမျိုးတွေက ရုံးတွေမှာ ကြုံရလေ့ရှိတော့ အားလုံး ရင်းနှီးကျွမ်းဝင်ပြီးသား ဖြစ်မှာပါ။ တစ်ခါတလေမှာ အဲဒီ အရှုပ်အရှင်းတွေက စိတ်ကိုအနှောင့်အယှက်ပေးတဲ့အတွက် လုပ်ရည်ကိုင်ရည်ကိုပါ ထိခိုက်လာနိုင်စေပါတယ်။ Freelance သမားတွေကတော့ ဒါတွေကို ဂရုစိုက်ဖို့မလိုတဲ့အတွက် အလုပ်လုပ်လု့ိ ပိုအဆင်ပြေနိုင်ပါတယ်။

Source: youngisthan

 


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က