Pyae Phyo Thein

လူသားတွေအတွက်တော့ လိုအပ်ချက်တွေက ဒုနဲ့ဒေးပါပဲ။ အစားအသောက်၊ အဝတ်အထည်၊ နေထိုင်ဖို့ဆိုတဲ့ အရာတွေကို ခုထိ ပြီးပြည့်စုံအောင် မရရှိနိုင်သေးတဲ့ လူတွေဆိုတာ အများကြီးပါပဲ။ အထူးသဖြင့် ကမ္ဘာ့လူဦးရေးတိုးပွားလာမှု လျှင်မြန်လာတာနဲ့အမျှ စားနပ်ရိက္ခာဖူလုံဖို့နဲ့ နေထိုင်စရာလိုအပ်ချက်တွေက စဉ်ဆက်မပြတ်ကို ရှိနေခဲ့တာပါ။ ဒီလိုတွေကြောင့်လည်း အခုဆိုရင် နည်းပညာထွန်းကားမှုကို အသုံးချပြီးတော့ လူသားတို့ နေထိုင်ဖို့အတွက် မိုးမျှော်တိုက်ကြီးတွေ ဆောက်လုပ်မှုက ကမ္ဘာပေါ်မှာ ရေပန်းစားလာခဲ့ပါတယ်။ ကျဉ်းမြောင်းတဲ့ မြေကွက်ပေါ်မှာ အထပ်မြင့်အဆောက်အဦကြီးတွေကို မိုးထိလုခမန်း ဆောက်လုပ်နေပီးတော့ လုပ်ငန်းခွင်သုံး၊ ရုံးသုံးဖို့ဆိုတဲ့ ရည်ရွယ်ချက်ကနေ နေထိုင်ဖို့အတွက်ပါ ဦးတည်ပြီးတော့ အပြိုင်အဆိုင်ဆောက်လုပ်မှုတွေ ဖြစ်လာခဲ့တာပါ။

Screenshot-2017-12-14 2017 A record year for skyscrapers(1).png 

၂၀၁၇ ခုနှစ်အတွင်း မိုးမျှော်တိုက်အဆောက်အဦတွေကို ဆောက်လုပ်ခဲ့မှုမှာ တရုတ်နိုင်ငံက လွှမ်းမိုးနိုင်ခဲ့ပါတယ်။ မိုးမျှော်တိုက်အဆောက်အဦတွေကို တိုင်းထွာသုတေသနလုပ်တဲ့ အဖွဲ့အစည်း Council of TAll Buildings and Urban Habitat (CTBUH) ရဲ့ဖော်ပြချက်အရမှာတော့ တရုတ်နိုင်ငံရဲ့ မြို့ပေါင်း ၃၆ မြို့က မိုးမျှော်တိုက် ၇၇ ခုထိ တည်ဆောက်ခဲ့တယ်လို့ သိရပါတယ်။ အနည်းဆုံး မီတာ ၂၀၀ အမြင့်ရှိတဲ့ အဆောက်အဦ ၁၄၄ ခုကို တိုင်းထွာခဲ့တာဖြစ်ပြီးတော့ ၂၀၁၆ ခုနှစ်က အရေအတွက်ထက် ၁၃ ရာခိုင်နှုန်း ပိုမိုများပြားခဲ့တာလည်း ဖြစ်ပါတယ်။ ဒီအချက်ကပဲ ကမ္ဘာပေါ်မှာ မိုးမျှော်တိုက်တွေ ဆောက်လုပ်မှုက အလျင်အမြန်တိုးပွားလာတာကို သိသာစေနိုင်ခဲ့ပါတယ်။

http_%2F%2Fcdn.cnn.com%2Fcnnnext%2Fdam%2Fassets%2F171213101306-marina101.jpg 

တရုတ်ပြည်တောင်ပိုင်းက အဓိကမြို့ကြီးတစ်မြို့ဖြစ်တဲ့ Shenzhen မှာဆိုရင် ၂၀၁၇ ခုနှစ်အတွင်းမှာ အမေရိကန်ထက် ပိုမိုများပြားမှုအဖြစ် မိုးမျှော်တိုက် ၁၂လုံးအထိ ဆောက်လုပ်ခဲ့ပြီးတော့ ၅၉၉ မီတာအမြင့်ရှိတဲ့ Ping An Finance Center တစ်ခုပါ ပါဝင်ခဲ့ပါတယ်။ အဲဒီအဆောက်အဦက ကမ္ဘာပေါ်မှာဆိုရင် နံပါတ် (၄) အဆင့်ရှိတဲ့ အမြင့်ဆုံးအဆောက်အဦအဖြစ် စာရင်း ဝင်ခဲ့ပါတယ်။ ဒါ့အပြင် Shenzhen မှာ ရှိတဲ့ မိုးမျှော်တိုက်တွေရဲ့ ကြံ့ခိုင်မှုနဲ့ဆောက်လုပ်မှုတွေက ယုံကြည်စိတ်ချရမှု အပြည့်အဝလည်း ရှိကြောင်း CTBUH က ဖော်ပြခဲ့ပါတယ်။ တရုတ်ပြည်ရဲ့ အခြားမြို့တစ်ခုဖြစ်တဲ့ Nanning မှာဆိုရင်တော့ အသစ်တည်ဆောက်ခဲ့တဲ့ မိုးမျှော်တိုက်အဆောက်အဦ (၇) ခုအထိ ရှိခဲ့ပြီးတော့ အမြင့်ဆုံးအဆင့်မှာ နံပါတ် ၂ ရခဲ့တာက တစ်ခုအပါအဝင်ဖြစ်ခဲ့ပါတယ်။ အင်ဒိုနီးရှား၊ နယူးယော့ခ်၊ တိုရွန်တို၊ တောင်ကိုရီးယားမှ ဘူဆန် နဲ့ မြောက်ကိုရီးယားမြို့တော် ပြုံးယမ်တို့အပြင် တရုတ်ပြည်မှ Changsha နဲ့ Wuhan မြို့တို့က CTBUH ရဲ့ စာရင်းမှာ ပါဝင်လာခဲ့တာပါ။

Screenshot-2017-12-14 2017 A record year for skyscrapers(2).png 

မိုးမျှော်တိုက်တွေ ဆောက်လုပ်လာမှုဟာ ကမ္ဘာတလွှားရေပန်းစားလာခဲ့ပြီးတော့ ဈေးကွက်အတွင်းမှာဆိုရင်လည်း ဈေးနှုန်းတွေက တရိပ်ရိပ်နဲ့ မြင့်တက်လာခဲ့တယ်လို့ CTBHU ရဲ့ ဒေတာတွေကတဆင့် သိရပါတယ်။ " အနည်းဆုံး မီတာ ၂၀၀ အမြင့်ရှိတဲ့ မိုးမျှော်တိုက်ဆောက်လုပ်မှုတွေက မြင့်မားလာတယ်" လို့ CTBUH မှ Shawn Ursini က ဖုန်းအင်တာဗျူးတစ်ခုမှာ ပြောခဲ့ပါသေးတယ်။ " ၂၀ ရာစုကို ပြန်ပြီးတော့ ပြန်လှည့်ကြည့်မယ်ဆိုရင် အဆောက်အဦတွေ အကုန်လုံးနီးပါးဟာ ရုံးခန်းတွေ အသုံးပြုဖို့ အတွက်လောက်ပဲ ရှိခဲ့တာ" လို့ သူက ထပ်ပြောခဲ့ပါသေးတယ်။ သူဆိုလိုချင် တာကတော့ ၂၁ရာစုမှာ ပေါ်ထွက်လာခဲ့တဲ့ မိုးမျှော်တိုက်တွေဟာ လူသားတွေနေထိုင်ဖို့အတွက် ရည်ရွယ်တာမျိုးဖြစ်ကြောင်း ဆိုလိုချင်တာဖြစ်ပါတယ်။

Screenshot-2017-12-14 2017 A record year for skyscrapers(3).png 

၂၀၁၇ ခုနှစ်အတွင်း ဆောက်လုပ်ခဲ့တဲ့ မိုးမျှော်တိုက် ၁၀လုံးမှာဆိုရင် ၅လုံးက နေထိုင်ဖို့အတွက် ရည်ရွယ်ခဲ့တာဖြစ်ပြီးတော့ ဒူဘိုင်းမှာရှိတဲ့ ၄၂၅ မီတာ မြင့်တဲ့ Marina 101 လို့ အမည်ရ အဆောက်အဦလည်း ပါဝင်ခဲပါတယ်။ CTBUH ရဲ့  အစီရင်ခံစာမှာတော့ နိုင်ငံပေါင်း ၂၃ နိုင်ငံ ပါဝင်ခဲ့ပြီးတော့ သီရိလင်္ကာ၊ ကင်ညာနိုင်ငံတို့ကတော့ မီတာ ၂၀၀ အထက် အဆောက်အဦရှိတဲ့ စာရင်းမှာ ပထမဆုံးအကြိမ် ပါဝင်လာခဲ့ပါတယ်။ အစ္စတန်ဘူလ် နဲ့ ကနေဒါမှ Calgary မြို့မှလည်း ပါဝင်ခဲ့ပြီးတော့ တောင်ကိုရီးယားရဲ့ အမြင့်ဆုံးအဆောက်အဦဖြစ်လာခဲ့တဲ့ Seoul's Lotte World Tower လည်း ပါဝင်ခဲ့ပြီး နံပါတ် (၅) အဆင့်မှာ ရပ်တည်နိုင်ခဲ့ပါတယ်။ Los Angeles မှ Wilshire Center လည်း ဒီစာရင်းမှာ ပါဝင်ခဲ့ပြီးတော့  အဲဒီ Center ကတော့ အမေရိကန်မှာ အမြင့်ဆုံးအဖြစ် အဆင့် (၁၀)နေရာ ရခဲ့ပါတယ်။

Screenshot-2017-12-14 2017 A record year for skyscrapers.png 

ဒီလိုမျိုး မိုးမျှော်တိုက်တွေ ဆောက်လုပ်ခဲ့မှုဟာ စီးပွားရေးဆန်မှုတွေကြောင့် ဖြစ်တယ်လို့ သုံးသပ်ခဲ့ပြီးတော့ ၂၀၁၈ ခုနှစ်မှာဆိုရင် အရေအတွက် ၁၃၀ ကနေ ၁၆၀အတွင်း ရှိမယ်လို့ ခန့်မှန်းကြပါတယ်။ ဒါပေမယ့်လည်း ဒီအရေအတွက် ပြည့်မှီဖို့အတွက်ဆိုရင်တော့ တရုတ်နိုင်ငံကို အဓိကထား စောင့်ကြည့်ပြီး မှီခိုရမှာဖြစ်ကြောင်း CTBUH က သုံးသပ်ခဲ့ပါတယ်။ " တရုတ်ရဲ့ မိုးမျှော်တိုက် ဆောက်လုပ်မှုတွေမှာ ငွေကြေးသုံးစွဲမှုတွေက အတိုင်းအဆမရှိ များပြားနေပါတယ်၊ တခြားနိုင်ငံတွေထက်ပေါ့" ဟု Ursini က ပြောခဲ့သည်။

Source : BBC


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က