အသားမာတွေကို ခြစ်ထုတ်တာမျိုး မလုပ်ပါနဲ့။
 

လူတစ်ကိုယ်လုံးမှာ မျက်နှာတစ်ခုတည်းကိုပဲ လှပနေအောင် ပြင်ဆင်နေလို့ မပြီးပါဘူး။ ခေါင်းအစ ခြေအဆုံး သပ်ရပ်နေမှ နှစ်လိုဖွယ်အသွင်အပြင်ကို ရရှိနိုင်မှာပါ။ သပ်ရပ်ကျော့ရှင်းမှုကို နှစ်သက်တယ်ဆိုရင် ခြေဖဝါးတွေကိုလည်း လစ်လျူရှုမထားပါနဲ့။ နူးညံ့သန့်ရှင်းတဲ့ ခြေဖဝါးတစ်စုံက အောင်မြင်မှုတွေဆီကို လှလှပပ လျှောက်လှမ်းနိုင်မှာဖြစ်ပါတယ်။

677738d5-c548-41c4-a20d-7f38f24ea54c.jpg 

၁။ ခြောက်သွေ့နေတဲ့အရေပြားတွေကို ခြစ်မထုတ်ပါနဲ့

ခြေဖနောင့်ပိုင်းမှာ အပေါ်ယံအရေပြားက ခြောက်သွေ့ပြီး အသားမာတွေလို ဖြစ်တာမျိုးဆိုရင် အဲ့ဒီအသားမာတွေကို ခြစ်ထုတ်တာမျိုး မလုပ်ပါနဲ့။ အရေပြားက ခြောက်သွေ့ကြမ်းတမ်းနေချိန်မှာ ဓားနဲ့ခြစ်ထုတ်တာ၊ ကပ်ကြေးနဲ့ အသားမာတွေကို ညှပ်ထုတ်တာမျိုးက ဒဏ်ရာဖြစ်သွားစေပါတယ်။ ရေနွေးနဲ့စိမ်ပြီးမှသာ ဆဲလ်သေတွေကို ဖယ်ရှားသင့်ပါတယ်။

642x361-How_to_Make_a_Vinegar_Foot_Soak.jpg 

၂။ ရေနွေးစိမ်ပါ

ရေဇလုံတစ်လုံးထဲကို ရေနွေးပူပူလောင်းထည့်ပါ။ ပွက်ပွက်ဆူပြီးသားရေနွေးက အကောင်းဆုံးဖြစ်ပေမဲ့ အပူဒဏ်ကိုတော့ ခံနိုင်မှာမဟုတ်ပါဘူး။ ကိုယ်ခံနိုင်လောက်တဲ့ အပူထိရောက်အောင် ၁၅ မိနစ်လောက် စောင့်လိုက်ပါ။ ဆား၊ သံပရာရည်၊ နွားနို့တစ်ခွက်ကို လောင်းထည့်ပါ။ အမွှေးနံ့သာကြိုက်ရင် အမွှေးဆီ ၃ စက်လောက်လည်း ထပ်ထည့်နိုင်ပါတယ်။ ခြောက်သွေ့ကြမ်းတမ်းတဲ့ ခြေဖဝါးတွေဖြစ်ဖြစ် အနံ့ဆိုးတွေ ထွက်နေတဲ့ ခြေဖဝါးတွေဖြစ်ဖြစ် ဒီရေနွေးထဲမှာ နာရီဝက်လောက် စိမ်ထားလိုက်ရုံပါပဲ။

150201035037277.jpg 

၃။ ဆဲလ်သေတွေဖယ်ရှားပါ

အသားမာတွေရှိနေရင် ခုချိန်ရောက်မှ ဖယ်ရှားသင့်ပါတယ်။ ရေနွေးစိမ်ထားတော့ ဆဲလ်သေတွေ အသားမာတွေက နူးပြီး ဖယ်ရှားလို့ကောင်းသွားပါပြီ။ ရေနွေးစိမ်ထားရင်း ချေးတွန်းကျောက်ခဲနဲ့ အသာအယာပွတ်တိုက်ပြီး ဆဲလ်သေတွေကို ဖယ်ရှားပါ။

 

ဒီအဆင့် ၃ ဆင့်လံုံးကို ပြုလုပ်ပြီးသွားရင်တော့ ခြေထောက်တွေကို ရေပြန်ဆေးပြီး ရေခြောက်အောင်သုတ်ကာ အယ်လ်မွန်သီးအဆီ၊ Vaseline အလှဆီ၊ ဂလစ်ဆရင်း (Glycerine) တို့အနက် နှစ်သက်ရာတစ်ခုခုကို လိမ်းကာ ခြေအိတ်စွပ်ထားပေးရပါမယ်။ တစ်ပတ်တစ်ကြိမ် ပုံမှန်လုပ်ရင် တစ်လအကြာမှာ ခြေဖဝါးတွေ သိသိသာသာ လှပသွားပါလိမ့်မယ်။

Source : Daily Remedies



က္က