အပြင်မှာဝယ်ရင် ဒီ့ထက်ပိုကောင်းတာကို ရနိုင်ပါတယ်။
Su Yee Moe

ဈေးမှာဝယ်ရတာထက် စူပါမားကတ်မှာ ဝယ်ရတာက အများကြီး သက်တောင့်သက်သာရှိပါတယ်။ သန့်ရှင်းမှုလည်းရှိပြီး စိတ်အေးလက်အေး ဝယ်လို့ရတယ်လေ။ အထူးသဖြင့် စားစရာတွေဆိုရင် စူပါမားကတ်တွေမှာက သေသေချာချာ သန့်စင်ထုပ်ပိုးထားတာမို့ ကျန်းမာရေးပိုင်းအရဆိုရင် ပိုကောင်းပါတယ်။ ဒါပေမဲ့ စူပါမားကတ်မှာ မဝယ်သင့်တဲ့ အစားအသောက်တွေလည်း ရှိပါတယ်။

14118410-18094360-0-0-1492701055-0-1492774859-1492774862-800-9-1492774862-650-90124568ba-1493194744.jpg 

၁။ ဟင်းရွက်

ဘက်တီးရီးယားအကြောင်းနားလည်ကျွမ်းကျင်တဲ့ ပညာရှင်တွေက စူပါမားကတ်တွေမှာရောင်းတဲ့ ဟင်းရွက်တွေကို မဝယ်ဖို့ သတိပေးကြပါတယ်။ အထုပ်ပေါ်မှာ "အသင့်စားရန်"လို့ စာကပ်ထားပေမဲ့ လူကိုဘေးဖြစ်စေတဲ့ ဘက်တီးရီးယားတွေ ပါဝင်နိုင်ပြီး အူလမ်းကြောင်းဆိုင်ရာရောဂါတွေ ဖြစ်နိုင်ပါတယ်။ အပူပေးတာကလွဲရင် အရွက်မှာကပ်ငြိနေတဲ့ ဘက်တီးရီးယားတွေကို ရှင်းလင်းလို့မရပါဘူး။ ဟင်းသီးဟင်းရွက်တွေ သစ်သီးဝလံတွေကို ဝယ်လာပြီးတိုင်း စင်အောင်ဆေးရပါမယ်။

14118460-17917460-2-0-1492678896-0-1492695551-1492695559-800-8-1492695559-650-3ebbf66edd-1493194744.jpg 

၂။ ဝက်အူချောင်း

ဝက်အူချောင်း၊ ဝက်ပေါင်ခြောက်နဲ့ ကြာရှည်ခံအောင်ပြုပြင်ထားတဲ့ အသားတွေဟာ ကင်ဆာဖြစ်စေနိုင်ကြောင်း ကမ္ဘာ့ကျန်းမာရေးအဖွဲ့အစည်းက ထုတ်ပြန်ကြေညာထားပါတယ်။ ပြုပြင်ပြောင်းလဲထားတဲ့အသားတွေမှာ ပါဝင်တဲ့ နိုက်ထရိုက် (nitrites)က လူကို ဘေးဥပါဒ်ဖြစ်စေပါတယ်။ ကျပ်တိုက်ထားတဲ့အသားတွေ၊ အသားကင်တွေမှာလည်း ကင်ဆာဖြစ်စေတဲ့ benzopyrene ပါဝင်ပါတယ်။ အသားကို ကိုယ့်ဘာသာပြုလုပ်စားသောက်တာက အကောင်းဆုံးပါပဲ။

14118660-17919060-274217-0-1492695787-1492695808-800-8-1492695808-650-5ac5c61fa2-1493194744.jpg 

၃။ ဟင်းခတ်အမွှေးအကြိုင်

ကြိတ်ထားတဲ့ ဟင်းခတ်အမွှေးအကြိုင်အမှုန့်တွေကလည်း စူပါမားကတ်မှာဝယ်ရင် အကောင်းဆုံးအနေအထားကိုရဖို့ ခက်ပါတယ်။ ဘာကြောင့်လဲဆိုတော့ ဈေးသက်သာတဲ့အမှတ်တံဆိပ်တွေမှာ အရောအနှောတွေ ပါဝင်နေလို့ဖြစ်ပါတယ်။ မကြိတ်ရသေးတာကိုဝယ်ပြီး ချက်ခါနီးမှ အိမ်မှာ ကိုယ့်ဘာသာကြိတ်ထည့်တာက ဟင်းအရသာကို ပိုပေါ်လွင်စေပါတယ်။

14118710-17862960-4-0-1492681085-1492681091-800-8-1492681091-650-c62771ac59-1493194744.jpg 

၄။ ပေါင်မုန့်

စူပါမားကတ်မှာ ရောင်းချနေတဲ့ ပေါင်မုန့်တွေဟာ ကြာရှည်ခံအောင်လို့ ဓာတုဗေဒပစ္စည်းတွေနဲ့ ထည့်သွင်းပြုလုပ်ထားတာတွေပါ။ အဲ့ဒီအခါမှာ ပေါင်မုန့်က ကြာကြာအထားခံပြီး အင်းဆက်ပိုးမွှားတွေလည်း မကပ်ငြိတော့ပါဘူး။ ဒါပေမဲ့ လူတွေအတွက်လည်း စားသုံးရင် ကျန်းမာရေးအတွက်မကောင်းပါဘူး။ ပေါင်မုန့်ဆိုတာမျိုးက ပေါင်မုန့်ဆိုင်လေးတွေမှာ ပူပူနွေးနွေးဝယ်စားရတာ ပိုအရသာရှိသလို ပိုစိတ်ချရပါတယ်။

Source : Bright Side


ဆက်စပ်အကြောင်းအရာများ


Author


က္က