အမြဲတမ်းလည်း ချက်မစားပါနဲ့။ တစ်ခါတစ်လေတော့ ဆိုင်ကောင်းကောင်းလေးမှာ သွားစားဦးပေါ့။
Su Yee Moe

အိမ်နဲ့ဝေးရာမှာနေပြီး အလုပ်လုပ်နေရတယ်။ ကိုယ့်ကို ဘယ်သူကမှ ချက်ပြုတ်ပေးမယ့်လူမရှိ။ ကိုယ်ကလည်း အပြင်စာတွေချည်း အမြဲတမ်းမစားနိုင်တဲ့အခါ ကိုယ်တိုင်ပဲ ချက်ပြုတ်ရတော့တယ်လေ။ တစ်ကိုယ်တည်းနေပြီး ချက်စားရတာ သိပ်တော့မလွယ်ဘူး။ ပင်ပန်းတာထက် အကုန်အကျပိုများနေရတယ်ဆိုရင် ဒါလေးတွေကို သတိမထားမိလို့ဖြစ်ပါလိမ့်မယ်။

 

၁။ ပိုတာတွေသိမ်း

စားပြီးလို့ ပိုနေတာတွေကို လွှင့်ပစ်ရတယ်ဆိုတာ ဆိုင်မှာဆိုရင်တော့ ကိစ္စမရှိဘူး။ ကိုယ်တိုင်ချက်ထားတာတွေကိုတော့ ပိုနေရင် လွှင့်မပစ်ပါနဲ့။ သိမ်းလို့ရတာတွေကို သိမ်းပါ။ တချို့ဟာတွေဆိုရင် ဒီနေ့ချက်ပြီး နောက်နေ့ပြန်စားတာ ပိုတောင်ကောင်းနေသေးတယ်။

 

၂။ အသုတ်အလိုက်

ချက်တဲ့အခါ အများကြီး တစ်ခါတည်းပြင်ဆင်တာမျိုး မလုပ်ပါနဲ့။ ဥပမာ ဟင်းသီးဟင်းရွက်တွေကို အကုန်လုံး လှီးဖြတ်တုံးတစ်ပြီးမှ ပိုတာကိုသိမ်းတာက လတ်ဆတ်မှုကိုလျော့သွားစေတယ်။ လိုသလောက်လေးပဲလှီးချွတ်ပါ။ ချက်မယ်ဆိုလည်း ကုန်သလောက်ကိုပဲချက်တာက ပိုနေတာကို သိမ်းတာထက် ပိုသင့်လျော်ပါတယ်။

 

၃။ အေးခဲထားလို့ရမယ့်ဟင်းကိုရွေး

ကိုယ်က တစ်ကိုယ်တည်းသမားဆိုတော့ ချက်ပြီးပိုနေတာလေးတွေ သိမ်းထားရမှာ။ နောက်ရက်ကျ ပြန်နွှေးပြီး စားမှာလေ။ ချက်ရတာလည်းသက်သာတယ် ၊ အကုန်အကျလည်း သက်သာတယ်။ ဖြစ်နိုင်မယ်ဆို ရေခဲသေတ္တာထဲမှာ သိမ်းထားလို့ရမယ့် ဟင်းတွေကိုပဲ ဦးစားပေးချက်ပါလို့ အကြံပေးပါရစေ။


Author


က္က