အခွံမာသီးလက်တစ်ဆုပ်စာလောက်ဟာ ကျန်းမာရေးအတွက် ထိရောက်တဲ့ကောင်းကျိုး ဖြစ်စေတယ်။ အထူးသဖြင့်တော့ နှလုံးကိုကျန်းမာစေတယ်၊ ဦးနှောက်ရဲ့လုပ်ဆောင်မှုကို ကောင်းမွန်လာစေတယ်။ ဒါပေမဲ့ အသီးအလိုက် အာဟာရတန်ဖိုး၊ ကျန်းမာရေးအတွက် ကောင်းကျိုးပေးပုံခြင်း မတူညီကြဘူး။ ဒါကြောင့် တစ်နေ့တာအတွက် ဘယ်လိုအခွံမာအသီးတွေကို ဘယ်လောက်ထိစားရမယ်ဆိုတာလေး ဖော်ပြပေးလိုက်ပါတယ်။
ကောင်းကျိုးတွေပေးတဲ့ အခွံမာသီးတွေဟာ နေ့တိုင်းစားပေးဖို့သင့်ပါတယ်။ အခွံမာသီး ၁၀ ဂရမ်နဲ့အထက် နေ့စဉ်စားသူတွေကို မစားသူတွေနဲ့ ယှဉ်ကြည့်တဲ့အခါ သေဆုံးနိုင်ခြေ ၂၃% ပိုနည်းသွားတာတွေ့ရပါတယ်။ နှလုံးရောဂါဖြစ်နိုင်ခြင်းမှ ၂၁%၊ ကင်ဆာဖြစ်နိုင်ခြင်းကနေ ၂၁%၊ ဆီးချိုဖြစ်နိုင်ခြင်းမှ ၃၀% နဲ့ အာရုံကြောပိုင်းဆိုင်ရာရောဂါတွေ ဖြစ်နိုင်ခြေရှိခြင်းမှ ၄၇% လျော့နည်းသွားကြောင်း ဆေးပညာဆိုင်ရာဂျာနယ် International Journal of Epidemiology မှာ ဖော်ပြဖူးပါတယ်။
မြေပဲနဲ့ အပင်ကြီးတွေကနေရတဲ့ အခွံမာသီးတွေမှာ ပြည့်ဝဆီရော မပြည့်ဝဆီတွေ ကြွယ်ဝစွာပါဝင်ပါတယ်။ အသားဓာတ်၊ အမျှင်ဓာတ်၊ ဓာတ်တိုးဆန့်ကျင်ပစ္စည်းနဲ့ ဗီတာမင် B အမျိုးအစားစုံတို့ ကြွယ်ဝစွာ ပါဝင်ပါတယ်။ အခွံမာအသီးတွေအနက် ဘယ်အသီးကိုစားစား ၁၀ ဂရမ်လောက် နေ့စဉ်စားပေးရင် ရပါပြီ။
Source : Prevention