Oleic acid နဲ့ fatty acid တွေ ပါဝင်တဲ့ ထောပတ်သီးက အသားအရေရဲ့အစိုဓာတ်ကိုထိန်းထားပေးနိုင်ပါတယ်။
Su Yee Moe
 

ရာသီဥတု ပူတာအေးတာနဲ့မဆိုင်ဘဲ အသားအရေက အမြဲတမ်းခြောက်သွေ့နေတယ်။ ဆောင်းရာသီမို့ အသားပပ်တာကို သည်းခံနိုင်ပေမဲ့ တစ်နှစ်လုံးခြောက်ကပ်နေတဲ့ အသားအရေကြောင့် စိတ်ညစ်ရတာပါပဲ။ Body lotion တွေ လိမ်းလို့ရတယ်၊ အခြားအလှကုန်တွေ လိမ်းလို့တော့ ရတာပေါ့။ ဒါပေမဲ့ အစားစားပေးရုံနဲ့ ခြောက်သွေ့တဲ့အသားအရေကို စိုပြေလာစေမယ်ဆိုရင်ရော? စိတ်ဝင်စားသွားပြီဆိုရင် ဆက်ဖတ်ကြည့်လိုက်ပါ။



 

၁။ ဖရဲသီး

မွှေးမြချိုမြိန်တဲ့ ဖရဲသီးဟာ စားလိုက်တိုင်း ရင်ကိုအေးစေတယ်။ ဖရဲသီးမှာပါတဲ့ လိုင်ကိုပိန်း (lycopene)က နေရောင်ခြည်ကြောင့် အသားအရေပျက်စီးတာကို ကုသပေးနိုင်ပါတယ်။ နေပူဒဏ်ကြောင့် အသားအရေခြောက်သွေ့ပျက်စီးတာ၊ အမဲစက်ထွက်တာတွေကိုလည်း ဖရဲသီးစားခြင်းကြောင့် လျော့သွားစေတယ်။

 

၂။ ထောပတ်သီး

အသားအရေအတွက် ရှယ်ကို ကောင်းကျိုးပေးတဲ့အသီးလေ။ Oleic acid နဲ့ fatty acid တွေ ပါဝင်တဲ့ ထောပတ်သီးက အသားအရေရဲ့အစိုဓာတ်ကိုထိန်းထားပေးနိုင်ပါတယ်။ အသားအရေလေး ချောမွေ့နေစေတယ်။

 

၃။ ဆယ်လ်မွန်ငါး

အရသာလည်းရှိ ကျန်းမာရေးအတွက်လည်း ကောင်းကျိုးများများပေးတဲ့ ဆယ်လ်မွန်ငါးဟာ အလှအပရေးရာအတွက်ပါ ကောင်းကျိုးပေးနိုင်ပါသေးတယ်။ အဓိကပါဝင်တဲ့ omega-3 fatty acid ဟာ အသားအရေစိုပြေမှု မြင့်တက်လာစေတယ်။ ဝက်ခြံမထွက်အောင်လည်း ကာကွယ်ပေးတယ်။ ဒါ့အပြင် နေပူထဲသွားလို့ အသားရေပျက်စီးမှာကိုလည်း ကြိုတင်ကာကွယ်ပေးနိုင်ပါတယ်။

 

၄။ စတော်ဘယ်ရီ

ဗီတာမင် C များပြားစွာပါဝင်တဲ့ စတော်ဘယ်ရီသီးလေးတွေဟာ အရေးအကြောင်းတွေမဖြစ်အောင် ကာကွယ်ပေးနိုင်သလို အသက်အရွယ်ကြောင့် ဖြစ်ပေါ်လာတဲ့ အသားအရေခြောက်သွေ့မှုကိုလည်း လျော့နည်းစေပါတယ်။

Source : Health


ဆက်စပ်အကြောင်းအရာများ


Author

  • Su Yee Moe

က္က