Su Yee Moe

ဒေသထွက်အစားအစာတွေ၊ ရိုးရာစားစရာတွေ၊ လမ်းဘေးစာတွေ..... အိုကွယ် စားစရာဆိုရင် ဘာဖြစ်ဖြစ်ကို စားချင်နေတော့ခက်တယ်။ တချို့စားစရာတွေက အရသာဦးပေးပြင်ဆင်တယ်၊ တချို့စားစရာတွေကတော့ အမြင်နဲ့တင်ကို ကြွေချင်မိတာမျိုး။ နောက်ပြီးတော့ ထူးထူးခြားခြား ချက်ပြုတ်ပြင်ဆင်ထားတဲ့ စားစရာတွေလည်း ရှိသေးတယ်။ ကမ္ဘာတစ်ဝန်းမှာ ရောင်းချနေတဲ့ ထူးထူးခြားခြား စားစရာတွေကို ကြည့်ရအောင်။

40BC225800000578-0-image-a-27_1495626108936.jpg 

ပါပီလေးကို စားမလို့လား?

စားရမှာပဲ။ စားစရာဆိုတော့ စားရုံပေါ့။ မစားရက်လောက်အောင် ချစ်စရာကောင်းနေတဲ့ ပါပီလေးဟာ အုန်းသီးနဲ့ပြုလုပ်ထားတဲ့ ပူတင်းလေးပါတဲ့။ ဘူးထဲမှာ ဂျယ်လီလေးကိုအိပ်ရာလိုခင်းပြီး ခွေးလေးကအိပ်ပျော်နေတဲ့ပုံစံနဲ့ ရောင်းချပါတယ်။ ထိုင်းနိုင်ငံ  Pahthun Thani ရှိ Wilaiwan ဆိုတဲ့ မုန့်ဆိုင်မှာ ရောင်းချတဲ့ အချိုပွဲလေး ဖြစ်ပါတယ်။ ရောက်ဖြစ်ရင် မြည်းကြည့်ခဲ့ပါဦး။

40BD02C900000578-4538224-The_Indonesian_city_of_Yogyakarta_is_perhaps_the_only_place_in_t-a-11_1495975038756.jpg 

မီးသွေးကော်ဖီ

ဘာတဲ့..... မီးသွေးခဲကော်ဖီဆိုပဲ။ အင်ဒိုနီးရှားနိုင်ငံ Yogyakarta မြို့မှာ ရောင်းချနေတဲ့ Kopi Joss ဆိုတဲ့ ကော်ဖီကိုပြောတာပါ။ ကော်ဖီထဲကို ရဲရဲနီနေတဲ့ မီးသွေးတစ်ခဲလောက်ပစ်ထည့်ပြီး ရောင်းချပါတယ်။ ဒီကော်ဖီကို ၁၉၆၉ ခုနှစ်လောက်မှာ စတင်ရောင်းချခဲ့တာပါ။ အစာအိမ်ပြဿနာတွေကို သက်သာစေတယ်လို့ ဆိုတယ်။

40BCC61400000578-4538224-Sushi_donut_at_Sydney_markets_by_Muppy_the_brainchild_of_Sam_Mur-a-2_1495974610019.jpg 

ဆူရှီဒိုးနပ်

ချစ်ဖို့ကောင်းလွန်းလို့ ထိုင်ပဲငေးရမလား၊ တစ်ခုလုံးကို ပါးစပ်ထဲအပြည့် ဝါးပလိုက်ရမလားဆိုတာ ဝေခွဲမရဘူး။ သြစတြေးလျနိုင်ငံ ဆစ်ဒနေမြို့က ဈေးတွေမှာ ရောင်းတဲ့ ဆူရှီဒိုးနပ်ဆိုတာ ထမင်းကို ပေါင်မုန့်ပုံလေးဖြစ်အောင်လုပ်ပြီး အပေါ်ကနေ ငါးနဲ့ထောပတ်သီးကို အုပ်ထားတဲ့အရာဖြစ်ပါတယ်။

40BD0A1300000578-4538224-Aragog_Photo_The_Bar_Named_in_honor_of_the_giant_spider_from_the-a-1_1495974609956.jpg 

အဆိပ်ကော့တေး

သတ္တိရှိရင် တစ်ခွက်လောက် မော့ကြည့်မလား။ အဆိပ်ပြင်းတယ်လို့ နာမည်ကျော်တဲ့ တာရန်တူလာပင့်ကူရဲ့အဆိပ်ကို အသုံးပြုကာ ဖျော်စပ်ထားတဲ့ ကော့တေးအမည်က Aragog လို့ ခေါ်ပါတယ်။ မက္ကဆီကိုမြို့တော် Luciferina Bar ရဲ့ စားဖိုမှူး ရိုမီယိုက တီထွင်ထားတာပါ။ ပုံစံကြည့်ရတာတော့ အတော်ပြင်းမယ့်ပုံပဲ။

40BCBC3100000578-4538224-Gold_sheet_ice_cream_Asakusa_Japan_gluonsmuons_Japan_and_Malaysi-a-4_1495974610136.jpg 

ရွှေအစစ်ရေခဲမုန့်

ဂျပန်နိုင်ငံ Asakusa မှာ ရောင်းချတဲ့ ရေခဲမုန့်ဟာ အပေါ်ယံလွှာကို ရွှေအစစ်နဲ့လုပ်ထားတဲ့ အချပ်ပါးလေးအုပ်ပြီး ရောင်းပါတယ်။ မြန်မာငွေနဲ့တွက်ရင် တစ်ခုကို ကျပ်တစ်သောင်းစွန်းစွန်းပေးရတဲ့ ဒီရေခဲမုန့်ဟာ လူကိုနုပျိုစေတယ်လို့ ပြောတယ်။

Source : Mail Online


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က