မီးခိုးရောင်သမ်းနေတဲ့ရေတွေက အမြဲတမ်းပူနေပြီး ရေနွေးငွေ့တွေကလည်း တိမ်လိုဖြစ်နေပါတယ်။
Su Yee Moe

လူတို့ဖန်တီးထားတာမဟုတ်ဘဲ သဘာဝအတိုင်း ဖြစ်တည်နေတဲ့ ရေကန်တွေဟာ ကမ္ဘာမြေရဲ့ အလှတရားတစ်ခု ဖြစ်ပါတယ်။ နေရာဒေသ အမျိုးမျိုးမှာ ပုံသဏ္ဍန်မျိုးစုံနဲ့ တည်ရှိနေကြတဲ့ ရေကန်ပေါင်းများစွာကိုလည်း တွေ့ဖူးကြပါတယ်။ ဒီထဲမှာမှ ထူးခြားဆန်းပြားတဲ့ ရေကန်တွေလည်း ရှိပါသေးတယ်။ ကြည့်ရအောင်လေ....

Laguna-Colorada-Bolivia-Flamingos.jpg.1000x0_q80_crop-smart.jpg 

၁။ Laguna Colorada

သွေးနီရောင်လွှမ်းနေတဲ့ ခြောက်ခြားဖွယ်ရေကန်ကြီးက ဘိုလီဗီးယားမှာတည်ရှိပါတယ်။ ရေကန်နားမှာတော့ ဘိုရက် (borax = အဝတ်လျှော်ဆပ်ပြာမှုန့်လုပ်ရာမှာသုံးတဲ့ပစ္စည်း)ထွက်ရှိတဲ့ တောင်တစ်ခုကိုလည်း တွေ့နိုင်ပါတယ်။ ရေတွေနီနေရတဲ့အကြောင်းကတော့ အနီရောင်ရေညှိတွေကြောင့်လို့ သိရပါတယ်။

Boiling-Lake-Dominica-Cloud-Day.jpg.1000x0_q80_crop-smart.jpg 

၂။ ပွက်ပွက်ဆူနေတဲ့ရေကန်ကြီး

ဒိုမီနီကာနိုင်ငံရဲ့ ပွက်ပွက်ဆူနေတဲ့ရေကန်ကြီး (Boiling Lake)ဟာ ကမ္ဘာပေါ်မှာ ဒုတိယမြောက်အကြီးမားဆုံး ရေပူစမ်းလည်းဖြစ်ပါတယ်။ ရေကန်စပ်နားက ရေရဲ့အပူချိန်ဟာ ၁၈၀ မှ ၁၉၇ ဒီဂရီဖာရင်ဟိုက်လောက်ထိ ရှိပါတယ်။ ကန်အလယ်မှာဆိုရင်တော့ အတော်ကိုပူမယ့်ပုံပါပဲ။ အပူချိန်တိုင်းဖို့အတွက် အနားတောင်ကပ်လို့မရသေးပါဘူး။ မီးခိုးရောင်သမ်းနေတဲ့ရေတွေက အမြဲတမ်းပူနေပြီး ရေနွေးငွေ့တွေကလည်း တိမ်လိုဖြစ်နေပါတယ်။

Plitvice-Lakes-waterfalls-aerial-green-trees.jpg.1000x0_q80_crop-smart.jpg 

၃။ Plitvice Lakes

ခရိုအေးရှားမှာ ရှိတဲ့ Plitvice Lakes ဟာ ရေတံခွန်တွေနဲ့ ဂူတွေကို ဆက်သွယ်ထားတဲ့ ရေကန်ဖြစ်ပါတယ်။ Plitvice Lakes သဘာဝဥယျာဉ်ထဲမှာ ရှိပါတယ်။ ကမ္ဘာပေါ်က အလှဆုံးရေကန်လို့တောင် တင်စားကြတဲ့အထိကို လှပါနေတာပါ။ ရေကန် ၁၆ ခုဟာ တစ်ခုနဲ့တစ်ခု ဆက်သွယ်ထားကြပါတယ်။

Don-Juan-Pond-Antarctica.jpg.1000x0_q80_crop-smart.jpg 

၄။ Don Juan Pond

ဒါကတော့ ရေကန်ငယ်လေးတစ်ခုပါပဲ။ ဒါပေမဲ့ အငန်တကာ့အငန်ဆုံးရေတွေ တည်ရှိနေတဲ့ကန်လေးပါ။ အန္တာတိကတိုက်အတွင်းမှာ တည်ရှိနေတဲ့ ဒီကန်လေးကို ၁၉၆၁ မှာ ရှာတွေ့ခဲ့ပါတယ်။ ဆားပါဝင်မှုက ၄၀% ကျော်လွန်နေတာကြောင့် တောင်ဝင်ရိုးစွန်းရဲ့အေးစက်လွန်းတဲ့ရာသီဥတုဟာ Don Juan ကန်လေးကို အေးခဲသွားအောင် မစွမ်းနိုင်ပါဘူး။

Dead-Sea-Blue-Green-Rocks.jpg.1000x0_q80_crop-smart.jpg 

၅။ ပင်လယ်သေ (Dead Sea)

ကမ္ဘာပေါ်က ရေကန်တွေထဲမှာ ဆားဓာတ်အများဆုံးပါဝင်ပြီးအနက်ရှိုင်းဆုံးကန်လည်း ဖြစ်ပါတယ်။ ဘယ်တိရစ္ဆာန်မှ ရှင်သန်လို့မရတဲ့ကန်ပါ။ ပင်လယ်သေထဲဆင်းလိုက်ရင် လူက ရေပေါ်မှာ ပေါလောပေါ်နေပါတယ်။ ရေကူးဖို့လည်း ခက်ခဲပါတယ်။

Lake-Balkhash-kazakhstan-space.jpg.1000x0_q80_crop-smart.jpg 

၆။ Lake Balkhash

ကာဇက်စတန်နိုင်ငံက Lake Balkhash ဟာ ကမ္ဘာ့အကြီးဆုံးရေကန်များစာရင်းမှာ နံပတ် ၁၅ နေရာ ချိတ်ပါတယ်။ သူ့ရဲ့ထူးဆန်းတဲ့အချက်ကတော့ ရေကန်ရဲ့ရေတစ်ဝက်က ရေကောင်းရေသန့်တွေဖြစ်ပြီး ကျန်တစ်ဝက်က ပင်လယ်ရေတွေ ဖြစ်နေတာပါ။ မတူညီတဲ့နှစ်ခြမ်းကလည်း ရောမသွားပါဘူး။

Lake-Baikal-Path-Rock.jpg.1000x0_q80_crop-smart.jpg 

၇။ Lake Baikal

ကမ္ဘာ့ သက်တမ်းအရင့်ဆုံးနဲ့ အနက်ရှိုင်းဆုံးရေကန်ဖြစ်တဲ့ Lake Baikal ဟာ ရုရှားနိုင်ငံမှာ တည်ရှိပါတယ်။ ရေကန်ကြီးရဲ့သက်တမ်းက နှစ်ပေါင်း ၂၅ သန်းလောက် ရှိနေပါပြီတဲ့။ ကမ္ဘာပေါ်က ရေကောင်းရေသန့်တွေရဲ့ ၂၀% ဟာ ဒီရေကန်ကြီးမှာ တည်ရှိနေပါတယ်။ ကန်ထဲမှာရှိတဲ့ ဇီဝမျိုးစိတ်ပေါင်း ၁၇၀၀ ကျော်အနက် သုံးပုံနှစ်ပုံဟာ ကမ္ဘာပေါ်က အခြားဘယ်နေရာမှာမှ မရှိနိုင်တဲ့မျိုးစိတ်တွေဖြစ်ပါတယ်။ ၁၉၉၆ ခုနှစ်မှာတော့ Lake Baikal ကို ယူနက်စကိုက ကမ္ဘာ့ယဉ်ကျေးမှုအမွေအနှစ်နေရာအဖြစ် ကြေညာခဲ့ပါတယ်။

Source : MNN


က္က