တချို့အသီးအနှံတွေက များများစားရင် လူကို ဝိတ်တက်စေပါတယ်။
Thiha Htun

ကိုယ်အလေးချိန်လျှော့ချနေချိန်မှာ အသားလျှော့စားပြီး၊ အဆီအဆိမ့်လျှော့စားပြီး ဟင်းသီးဟင်းရွက်၊ သစ်သီးဝလံတွေ များများစားပေးသင့်တယ်ဆိုတာ လူတိုင်းသိထားပြီးသား အကြောင်းအရာတစ်ခုပါပဲ။ တချို့လူတွေက gym လည်းသွားတယ်။ အသီးအနှံတွေလည်း များများစားတယ်။ ဒါပေမယ့် ဝိတ်ကျမလာပါဘူး။ ဘာကြောင့်များပါလဲ။

fresh-fruits-vegetables.jpg 

အကြောင်းရင်းကတော့ မှားယွင်းတဲ့သစ်သီးဝလံ၊ ဟင်းသီးဟင်းရွက်တွေကို စားမိလို့ပါပဲ။ တချို့သစ်သီးဝလံ/ ဟင်းသီးဟင်းရွက် တွေမှာ ကယ်လိုရီတွေ၊ ကာဘိုဟိုက်ဒရိတ်တွေ အထူးကြွယ်ဝလို့ စားသုံးတဲ့အခါ လူကို ကိုယ်အလေးချိန်တိုးစေပါတယ်။

၁။ ထောပတ်သီး

အစိမ်းရောင်အနှစ်တွေပြည့်နေတဲ့ ဒီအသီးလေးမှာ ကျန်းမာရေးကောင်းကျိုးတွေအများကြီးရှိပါတယ်။ အာဟာရဓာတ်တွေ၊ antioxidant တွေနဲ့ပြည့်နှက်နေသလို ဗိုက်ပူစေတဲ့ အမျှင်ဓာတ်တွေ၊ ပြည့်ဝ အဆီဓာတ်တွေနဲ့လည်း ကြွယ်ဝနေပါတယ်။ တကယ်လို့ ခင်ဗျားဟာ ဝိတ်ချနေသူတစ်ယောက်ဖြစ်မယ်ဆိုရင် နေ့စဉ်ထောပတ်သီး စားသုံးမှုပမာဏကို လျှော့ချသင့်ပါတယ်။

၂။ အခွံမာသီးများ

Nuts2.jpg 

အခွံမာသီးတွေဟာလည်း နှလုံးအတွက်ကောင်းတဲ့ omega-3 ဖက်တီးအက်ဆစ်တွေ၊ ပရိုတိန်းတွေ၊ ဗိုက်တာမင် အီးတွေ၊ အမျှင်ဓာတ်တွေနဲ့ ပြည့်နှက်နေပါတယ်။ နောက်ပြီး သူတို့ဟာကယ်လိုရီလည်း ကြွယ်ဝပါတယ်။ ကယ်လိုရီအရမ်းများရင် လူကိုဝစေတာကိုတော့ သိကြမှာပါ။ ဥပမာ... အယ်လ်မွန်စေ့ (၁/၄) ခွက်မှာ (၁၃၂) ကယ်လိုရီပါဝင်ပါတယ်။

၃။ သစ်သီးခြောက်

သစ်သီးခြောက်တွေဆိုတာ ရိုးရိုးသစ်သီးတွေကို ရေဓာတ်ထုတ်ပြီး ကြာကြာခံအောင် နေရောင်အောက်မှာ အခြောက်လှမ်းထားတာ ဖြစ်ပါတယ်။ ဒါကြောင့် သစ်သီးခြောက်တစ်ခွက်မှာ ရိုးရိုးသစ်သီး တစ်ခွက်ထက် ကယ်လိုရီနဲ့ သကြား (၅) ဆကနေ (၈) ဆ ပိုမို ကြွယ်ဝပါတယ်။

၄။ smoothie

fruit-smoothies-today-tease-1-150805_f1b20de057704b0707570a6613e1f25a.jpg 

ခင်ဗျားကတော့ ထင်မှာပဲ။ သစ်သီးရယ်၊ နို့နည်းနည်းရယ်၊ ရေခဲရယ် ရောထားတဲ့ ဖျော်ရည်အေးအေးလေးတစ်ခွက်ကို သောက်တာ ဘာများဖြစ်နိုင်မှာလဲလို့။ ဒါပေမယ့် smoothie တစ်ခွက်မှာ ကယ်လိုရီက အများကြီးပါဝင်ပါတယ်။ ချောကလက်၊ မြေပဲထောပတ်၊ ဒိန်ချဉ်ခဲတို့နဲ့ပါရောလိုက်ရင်တော့ smoothie တစ်ခွက်မှာပါဝင်တဲ့ ကယ်လိုရီပမာဏက မတွေးဝံ့စရာပါပဲ။

၅။ တူနာငါးသုပ်

mediterranean-tuna-salad-31059-1.jpg 

တူနာငါးကို ပရိုတိန်း (၃၉) ဂရမ်ပါဝင်တဲ့ ခရင်မ်နဲ့ရောလိုက်တာက (၁၇၉) ကယ်လိုရီလောက်ပဲရှိမှာပါ။ ဒါပေမယ့် ပုံမှန် တူနာငါးသုပ် (salad) တစ်ပွဲမှာ မရိုးနိစ်ပါထည့်စားကြလေ့ရှိပြီး ဒီလိုနဲ့ တူနာငါးသုပ်တစ်ပွဲမှာ ကယ်လိုရီ (၃၀၀) နီးပါးလောက် ဖြစ်သွားပါတော့တယ်။ ဒါဟာ တော်တော်များတဲ့ကယ်လိုရီပမာဏပါ။

၆။ အာလူး

အာလူးကို မချစ်မနှစ်သက်တဲ့သူ ဘယ်သူရှိမလဲကွယ်။ ဒါပေမယ့် အာလူးဟာ ကိုယ်အလေးချိန်လျှော့ချနေတဲ့သူတွေအတွက်တော့ အဆိုးဝါးဆုံးရန်သူပါပဲ။ ကစီဓာတ်နဲ့ ကာဘိုဟိုုက်ဒရိတ် အထူးကြွယ်ဝတဲ့ ဒီဟင်းသီးဟင်းရွက်ဟာ အများကြီးစားမိမယ်ဆိုရင် အချိန်တစ်ခုအတွင်းမှာ ကိုယ်အလေးချိန်တက်လာစေနိုင်ပါတယ်။

၇။ ပဲတောင့်ရှည်ပဲမျိုး

soya1-e1453967829792.jpg 

ပဲတောင့်ရှည်ပဲမျိုးတွေမှာလည်း ပရိုတိန်းဓာတ်နဲ့ အာဟာရဓာတ်တွေအများကြီးပါဝင်ပါတယ်။ ဥပမာ... ပဲနီလေးတစ်ခွက်မှာဆိုရင် (၂၂၇) ကယ်လိုရီတောင် ပါဝင်ပါတယ်။ ကယ်လိုရီ (၃၁) ပဲ ပါဝင်တဲ့ ပန်းဂေါ်ဖီစိမ်းနဲ့ နှိုင်းယှဉ်လိုက်မယ်ဆိုရင် သိသိသာသာကြီးကို များနေပါတယ်။

၈။ ပြောင်းဖူး

Chunky-Peach-Salsa2.jpg 

Fresh Fitness Food ရဲ့အာဟာရကျွမ်းကျင်သူပညာရှင်ရဲ့အဆိုအရတော့ ကစီဓာတ်ကြွယ်ဝတဲ့ ဒီဟင်းသီးဟင်းရွက်မှာ မကောင်းတဲ့ကာဘိုဟိုက်ဒရိတ်လည်း ကြွယ်ဝပြီး ဒါဟာ သွေးတွင်းသကြား ပမာဏကို မြှင့်တင်ပေးနိုင်ပါတယ်။


က္က