Thiha Htun

ဆီဟာ ကျွန်တော်တို့ရဲ့နေ့စဉ်ဘဝမှာ အလွန်အရေးပါတယ်ဆိုတာကိုတော့ ငြင်းလို့မရပါဘူး။ ဟင်းချက်ရင်လည်း ဆီပါတယ်။ အသုပ်သုပ်ရင်လည်း ဆီပါတယ်။ စားရတာခြောက်ကပ်ကပ်ဖြစ်နေတဲ့ ဟင်းကိုတောင် ရှေးလူကြီးသူမတွေက "ဆီမပါ ပျားမပါနဲ့" ဆိုပြီး ပြောတတ်ကြပါတယ်။ ဆီအမျိုးအစားကွဲတွေနဲ့ သူတို့ကို အသုံးပြုပုံတွေကတော့...

၁။ နေကြာဆီ

crudesunfloweroil.jpg 

နေကြာဆီဟာ တောင်အာဖရိကနိုင်ငံတွေမှာ ချက်ပြုတ်ရာမှာ အသုံးအများဆုံး ဆီတစ်မျိုးပါပဲ။ နောက်ပြီး နေကြာဆီဟာ တခြားဆီတွေထက် ပိုပြီး ဈေးသက်သာပါတယ်။ နေကြာဆီကို ဘယ်နေရာတွေမှာ သုံးလဲဆိုတော့ အပူချိန်မြင့်မြင့်နဲ့ အသားတစ်မျိုးမျိုးကို ကြော်ရာမှာ၊ ဆီပူထိုးရာမှာ၊ ညိုမဲနေအောင် ကြော်ရာမှာ အသုံးပြုကြပါတယ်။

နေကြာဆီဟာ ဗိုက်တာမင်အီးနဲ့ ပိုလီအန်ဆက်ကျူရိတ် (polyunsaturates) တွေ ကြွယ်ဝစွာပါဝင်တဲ့အတွက် ကိုလက်စထရောပမာဏကိုလည်း လျှော့ချပေးနိုင်ပါတယ်။ နောက်တစ်ခုက တစ်ကြိမ်အသုံးပြုပြီးတဲ့ နေကြာဆီကို တခြားဟင်းလျာတွေမှာလည်း ပြန်လည်အသုံုးပြုနိုင်ပါသေးတယ်။

နေကြာဆီကိုသုံးလို့မရတဲ့ တစ်ခုတည်းသော ဟင်းလျာက အီတလီအစားအစာတွေပါပဲ။ နေကြာဆီအသုံးပြုခြင်းရဲ့ တစ်ခုတည်းသော ဆိုးကျိုးက အကြိမ်ရေအနည်းငယ် အပူပြန်ပေးပြီးချိန်မှာ ဖြစ်ပေါ်လာတဲ့ trans-fat တွေဖြစ်ပါတယ်။

၂။ သံလွင်ဆီ

olive-oil.jpg 

ကျန်းမာရေးနဲ့ ကိုက်ညီတဲ့ အစားအသောက်တွေကိုချည်းပဲ ရွေးချယ်စားသောက်နေရတာ ပျင်းလာပြီလား။ ဒါဆိုရင် သံလွင်ဆီနဲ့ အစားအစာချက်ပြုတ်စားကြည့်ပါ။ သံလွင်ဆီမှာ ဟင်းချက်အမွှေးအကြိုင် အရသာတွေ ထူးကဲစွာပါဝင်သလို စားလိုက်တဲ့အချိန်မှာ ပါးစပ်ထဲမှာ လေးပင်တဲ့အရသာကျန်ခဲ့ပြီး အစားအစာရဲ့အရသာကို အပြည့်အဝခံစားနိုင်စေမှာပါ။

သံလွင်ဆီတွေဟာ ပြင်းထန်တဲ့ အပူချိန်တွေအောက်မှာ ပြိုကွဲမသွားအောင် ကောင်းကောင်းထိန်းသိမ်းနိုင်ပေမယ့် မကြော်မချက်ရသေးတဲ့ အစားအစာတွေနဲ့ဆိုရင် အကောင်းဆုံးအရသာကို ရရှိစေနိုင်ပါတယ်။ ပါဝင်ပစ္စည်းတွေရဲ့ အတွင်းပိုင်းအထိ ထိုးဖောက်ဝင်ရောက်နိုင်တဲ့ သံလွင်ဆီကို အသား၊ ငါး အစိမ်းသုပ်တွေမှာထည့်တဲ့ အရသာရည်အဖြစ်၊ အသား၊ ငါး၊ ဟင်းသီးဟင်းရွက်သုပ်တွေမှာ ထည့်သုံးတဲ့ ဆော့စ်အဖြစ်လည်း အသုံးပြုနိုင်ပါသေးတယ်။

see also 

၃။ မုန်ညင်းဆီ

How-Is-Mustard-Oil-Beneficial-For-Hair-1.jpg 

မုန်ညင်းနက်ကနေ ပြုလုပ်တဲ့မုန်ညင်းဆီ (mustard oil) ကို အိန္ဒိယ၊ နီပေါ၊ ဘင်္ဂလားဒေ့ချ်နဲ့ အရှေ့တောင်အာရှ နိုင်ငံတွေမှာ အသုံးပြုကြပါတယ်။ မုန်ညင်းဆီထဲမှာ မုန်ညင်းစေ့တော်တော်များများကို ပေါင်းစည်းပြီး ကြိတ်ထားရာကထွက်တဲ့ စူးရှရှအနံ့တစ်မျိုး ရောယှက်နေပါတယ်။

သနပ်သီးသနပ်တို့၊ သံပုရာသီးသနပ်တို့လို သနပ်တွေမှာ အဓိကသုံးတဲ့ မုန်ညင်းဆီဟာ အစားအစာတွေကို အဝါရောင် ဖျော့ဖျော့လေး သမ်းစေပါတယ်။ ဟင်းသီးဟင်းရွက်၊ အသားငါးနဲ့ ကြက်ဥဘဲဥတို့ကို ချက်ပြုတ်ရာမှာ မုန်ညင်းဆီကို အသုံးပြုနိုင်ပါတယ်။ မုန်ညင်းဆီဟာ အဆီဓာတ်ပါဝင်မှုနည်းပါးတဲ့အတွက် ဝိတ်တက်မှာလည်း မပူရမှာပါဘူး။

၄။ ဟင်းရွက်အဆီခဲ (margarine)

margarine-hero.jpg 

ချက်ပြုတ်ရာမှာ မာဂျရင်း (margarine) ဟင်းရွက်ဆီအခဲတုံးကတော့ အကောင်းဆုံးရွေးချယ်မှုတစ်ခု ဖြစ်ချင်မှ ဖြစ်မှာပါ။ မာဂျရင်းကို ပြုလုပ်ရာမှာ ဟင်းသီးဟင်းရွက်ဆီထဲကို ဟိုက်ဒရိုဂျင်ဓာတ်ငွေ့လွှတ်ပြီး ခဲအောင် ပြုလုပ်ထားတဲ့အတွက် သဘာဝထုတ်ကုန် ပစ္စည်းတစ်ခုတော့ မဟုတ်ပါဘူး။

သူ့မှာနှလုံးနဲ့ဆိုင်တဲ့ ရောဂါတွေကို ဖြစ်စေနိုင်တဲ့ အန္တရာယ်တွေရှိနေပါတယ်။ ထောပတ်ထက်ပိုကောင်းတယ်လို့ ဆိုကြပြီး တချို့က ပေါင်မုန့်ပေါ်မှာ သုတ်စားကြပါတယ်။ ကျွမ်းကျင်သူတွေကတော့ မာဂျရင်းအခဲအစား မာဂျရင်းအပျော့ကို အသုံးပြုဖို့ အကြံပြုထားပါတယ်။

Source: youngisthan

 


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က