Thiha Htun

မနက်ခင်းအချိန်လေးကို ပေါင်မုန့်မီးကင်လေး (၂) ချပ်လောက်ကို ကြက်ဥကြော်လေးနဲ့ တို့စားပြီး ကော်ဖီလေးတစ်ခွက် သောက်လိုက်ရတာဟာ ကရိကထအရမ်းမများဘဲ အာဟာရတန်ဖိုးပြည့်ဝတဲ့ ဥရောပ မနက်စာလေးတစ်နပ်ကို ဖြစ်စေမှာပါ။ ဒါဆိုရင် ထောပတ်သီးအနှစ်လေးပါ သုတ်လိုက်မယ်ဆိုရင်ကော...။

small-spicy-avocado-toast-with-egg-5.jpg 

ထောပတ်သီးအနှစ်သုတ်ထားတဲ့ ပေါင်မုန့်မီးကင်ကို ကြက်ဥကြော်လေးကို အုပ်ထားတာက အရသာရှိတဲ့ စားသောက်ဖွယ်ရာတစ်မျိုးဖြစ်ပြီး ထောပတ်သီးတို့၊ ကြက်ဥတို့က ရတဲ့ အာဟာရတန်ဖိုးတွေလည်း အပြည့်အဝ ရရှိစေနိုင်ပါတယ်။ နောက်ပြီး အရသာလေးကလည်း ချိုချိုစပ်စပ်နဲ့ စားလို့ကောင်းတဲ့ မနက်စာလေးတစ်နပ် ဖြစ်စေမှာပါ။

ပါဝင်ပစ္စည်းလေးတွေကတော့...

small-spicy-avocado-toast-with-egg-1.jpg 

ထောပတ်သီးအမှည့် တစ်ခြမ်း၊ ပင်လယ်ဆားအနည်းငယ်နဲ့ လတ်လတ်ဆတ်ဆတ်ကြိတ်ထားတဲ့ ငရုပ်ကောင်းမှုန့် အနည်းငယ်၊ ကြက်ဥအကြီး (၂) လုံး၊ သံလွင်ဆီ လက်ဖက်ရည်ဇွန်း (၁) ဇွန်း၊ ပေါင်မုန့်မီးကင် (၂) ချပ်၊ ငရုပ်သီးမှုန့် လက်ဖက်ရည်ဇွန်း (၁) ဇွန်းနဲ့ အမှုန့်ခြေထားတဲ့ cotija cheese လက်ဖက်ရည်ဇွန်း (၂) ဇွန်းတို့ပဲ ဖြစ်ပါတယ်။

See Also: 

ပြုလုပ်နည်း

small-spicy-avocado-toast-with-egg-2.jpg 

အရင်ဆုံး ဇလုံတစ်လုံးထဲမှာ ထောပတ်သီးကိုခြစ်ထည့်ပြီး ခက်ရင်းတစ်ချောင်းနဲ့ ညက်ညက်ကြေအောင် ခြေပေးပါ။ အကောင်းဆုံးကတော့ ထောပတ်သီးအနှစ်ကို အရမ်းကြီးပြဲသွားတဲ့အထိ မခြေဘဲ ထောပတ်သီးဖတ်လေးတွေ ဟိုတစ်စ၊ ဒီတစ်စ ကျန်နေအောင် ခြေပေးသင့်ပါတယ်။

small-spicy-avocado-toast-with-egg-3.jpg 

ပြီးရင် ဒယ်အိုးပြားတစ်ချပ်ထဲမှာ သံလွင်ဆီကို အပူပျော့ပျော့လေးနဲ့ အပူပေးလိုက်ပါ။ ဆီပူပြီဆိုရင် ကြက်ဥကို ဖောက်ထည့်လိုက်ပြီး အနှစ်မပေါက်အောင် ဟက်ဖ်ရိုက်ကြော်ပေးလိုက်ပါ။ ကျက်လောက်ပြီဆိုရင် ကြက်ဥကြော်လေးတွေကို ပန်းကန်ပြားတစ်ချပ်ထဲထည့်ထားပေးလိုက်ပါ။

ပြီးရင် ပေါင်မုန့် (၂) ချပ်ကို မီးကင်လိုက်ပြီး ပေါင်မုန့်မီးကင်ပေါ်မှာ စောနကခြေထားတဲ့ ထောပတ်သီးအနှစ်ကို ထောပတ်သုတ်သလို သုတ်ပေးလိုက်ပါ။ ပြီးရင်အပေါ်ကနေပြီး ပင်လယ်ဆားရယ်၊ ငရုပ်ကောင်းမှုန့်ရယ်ကိုလည်း ဖြူးပေးလိုက်ပါ။

small-spicy-avocado-toast-with-egg-7.jpg 

ထောပတ်သီးအနှစ်ပေါ်ကမှ ခုနက ကြော်ပြီးဖယ်ထားတဲ့ ကြက်ဥကြော်ကိုအုပ်ပြီးရင် အပေါ်ကနေ ဆား၊ ငရုပ်သီး၊ ငရုပ်ကောင်းစတာတွေနဲ့ ဖြူးပေးလိုက်ပါဦး။ cotija cheese မှုန့် လက်ဖက်ရည်ဇွန်းနဲ့ တစ်ဝက်လောက်ကိုပဲ ဖြူးပေးလို့ရပါတယ်။ ပြီးရင်တော့ အပေါ်ကနေ နောက်ထပ်ပေါင်မုန့်မီးကင်တစ်ခြမ်းနဲ့ အုပ်ပေးပြီး အရသာရှိတဲ့ ပေါင်မုန့်မီးကင် ထောပတ်သီးအနှစ်သုပ် စပ်စပ်လေးကို သုံးဆောင်နိုင်ပါပြီ။

Source: isabeleats

 


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က