Thiha Htun

အမြန်ရအစားအစာတွေ၊ အချိုပါဝင်မှုများပြားတဲ့ အစားအသောက်တွေက ဒီနေ့ခေတ်မှာ အလွယ်တကူရရှိနိုင်ပါတယ်။ စားရသောက်ရတာ အရသာရှိပေမယ့် ဒီအစားအစာတွေကို ပုံမှန်စားနေမယ်ဆိုရင် ကျန်းမာရေးကို ရေရှည်မှာ ထိခိုက်စေနိုင်မှာ အမှန်ပါပဲ။ ကာဘိုဟိုက်ဒရိတ်လို့ခေါ်တဲ့ ကျန်းမာရေးကို ရေရှည်မှာ ဆိုးကျိုးသက်ရောက်စေနိုင်တဲ့ အရာတွေ ပါဝင်မှုများပြားတဲ့ အစားအစာတွေအစား ပရိုတိန်းပါဝင်မှုများပြားတဲ့ အစားအစာတွေကို ပြောင်းလဲစားသုံးပေးသင့်ပါတယ်။

Meat-And-Fish.jpg 

ပရိုတိန်းပါဝင်မှုများပြားတဲ့ အစားအသောက်တွေကတော့... ကြက်သား၊ ဝက်ပေါင်ခြောက်၊ တူနာငါး၊ ဆယ်လ်မွန်ငါး၊ အယ်လ်မွန်စေ့၊ နေကြာစေ့၊ ဒိန်ခဲ၊ ဒိန်ချဉ်၊ မြေပဲ၊ ပဲတောင့်ရှည် တို့ပဲဖြစ်ပါတယ်။

၁။ ဝိတ်မြန်မြန်ကျစေတယ်

Achieve-Greater-Weight-Loss.jpg 

တကယ်လို့ ခန္ဓာကိုယ်က အဆီပိုတွေကို ဖယ်ထုတ်ပစ်ဖို့က သင့်ရဲ့အန္တိမရည်မှန်းချက်ဖြစ်နေမယ်ဆိုရင် ပရိုတိန်းများပြီး ကာဘိုဟိုက်ဒရိတ်ပါဝင်မှုနည်းပါးတဲ့ အစားအသောက်တွေက အသင့်တော်ဆုံးပါပဲ။ Gym Trainer တွေကလည်း ဒီလိုပဲ ညွှန်ကြားမှာဆိုတော့ ပူစရာတော့ မရှိပါဘူး။ Gym ဆော့ပြီးတိုင်း နွားနို့ (၁) ခွက်သောက်ပေးတာတို့၊ ညစာမှာ ကြက်သားဟင်းနဲ့ စားပေးတာတို့လောက်ဆို လုံလောက်မှာပါ။

၂။ ကင်ဆာကာကွယ်ပေးတယ်

Fights-Cancer.jpg 

ကျွန်တော်တို့ရဲ့ စားသောက်နေထိုင်မှု ပုံစံတွေကြောင့် ကမ္ဘာတဝှမ်းလုံးမှာ ကင်ဆာရောဂါဖြစ်ပွားမှုနှုန်းတွေ မြင့်တက်နေပါတယ်။ မကြာသေးခင်က ကင်ဆာသုတေသနတစ်ခုအရဆိုရင် ပရိုတိန်းဓာတ်ကြွယ်ဝတဲ့ အစားအသောက်တွေက ဝိတ်ကျခြင်းမှာ အထောက်အကူပြုရုံတင်မက ကင်ဆာဆဲလ်ပွားနှုန်းကိုလည်း တားဆီးပေးနိုင်သလို ဖြစ်မလာအောင် ကာကွယ်ပေးရာမှာလည်း ကူညီပေးနိုင်ပါတယ်တဲ့။

See also  

၃။ ဆီးချိုရောဂါတိုက်ဖျက်ရေးမှာ ပါဝင်ကူညီပေးတယ်

The-Management-Of-Diabetes.jpg 

ပရိုတိန်းပါဝင်မှုမြင့်မားပြီး ကာဘိုဟိုက်ဒရိတ်နည်းပါးတဲ့ အစားအသောက်တွေရဲ့ ကောင်းကျိုးနောက်တစ်ခုကတော့ Type 2 ဆီးချိုရောဂါကို ထိန်းချုပ်ရာမှာ ကူညီပေးနိုင်တာပါပဲ။ အမေရိကန် အာဟာရဂျာနယ်မှာ ဖော်ပြထားတဲ့ လေ့လာမှုတစ်ခုအရဆိုရင် ပရိုတိန်းများတဲ့ အစားအသောက်တွေဟာ Type-2 ဆီးချိုရောဂါသည်တွေမှာ သွေးတွင်းသကြားဓာတ် ထိန်းချုပ်ပြီး ကိုယ်အလေးချိန် ကျဆင်းစေဖို့အတွက် ကူညီပေးနိုင်ပါတယ်တဲ့။

၄။ ဆာလောင်မှုကို လျော့နည်းစေတယ်

The-Perception-Of-Hunger.jpg 

အမေရိကန် Dietic Association ကြီးက ထုတ်ဝေတဲ့ ဂျာနယ်တစ်စောင်မှာ ဖော်ပြထားတဲ့ လေ့လာမှုတစ်ခုအရဆိုရင် ကာဘိုဟိုက်ဒရိတ်နည်းပါးပေမယ့် ပရိုတိန်းမြင့်မားတဲ့ အစားအသောက်တွေဟာ ခဏခဏဗိုက်ဆာတတ်ပြီး အစားနဲ့ပါးစပ် မပြတ်အောင်စားနေမိတတ်တဲ့ အကျင့်ကို လျော့ပါးစေနိုင်သလို ဆာလောင်မှုကိုလည်း ကျဆင်းစေနိုင်ပါတယ်။ အဲဒီကမှတဆင့် ဝိတ်လည်းကျစေနိုင်ပါတယ်။

၅။ ဦးနှောက်နဲ့ဆိုင်တဲ့ ရောဂါဖြစ်နိုင်ခြေ လျော့နည်းစေတယ်

Cognitive-Impairment-In-Elderly-People.jpg 

အသက်အရွယ်ကြီးသူတွေမှာ ဖြစ်ပွားတတ်တဲ့ အယ်လ်ဇိုင်းမားတို့၊ အမေ့လွန်ရောဂါတို့ဟာ ဦးနှောက်၊ အာရုံကြောနဲ့ဆိုင်တဲ့ ရောဂါတွေပါ။ ကာဘိုဟိုက်ဒရိတ်တွေ အများကြီးစားမိရင် အသက်အရွယ်ကြီးရင့်တဲ့အခါ ဒီရောဂါတွေ ဖြစ်နိုင်ခြေများပါတယ်။ အဲဒီအစား ပရိုတိန်းပါဝင်မှုများပြားတဲ့ အစားအသောက်တွေကို ပြောင်းလဲစားသုံးပေးမယ်ဆိုရင် ဦးနှောက် အာရုံကြောနဲ့ဆိုင်တဲ့ ရောဂါဖြစ်နိုင်ခြေတွေကို လျှော့ချပေးနိုင်မှာပါ။

Source: Stylecraze


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က