အပူပိုင်းဒေသတွေမှာ ပေါက်ရောက်တတ်တဲ့ အသီးအနှံတစ်မျိုးဖြစ်တဲ့ ဆီးဖြူသီးထဲမှာ ခန္ဓာကိုယ်အတွက် လိုအပ်တဲ့ ကျန်းမာရေးအကျိုးကျေးဇူးတွေ အများကြီးပါရှိပါတယ်။
Thiha Htun

ဆီးဖြူသီးဟာ ခန္ဓာကိုယ်အတွက် မရှိမဖြစ် ဗိုက်တာမင်၊ ကယ်လ်ဆီယမ်နဲ့ သံဓာတ်တွေ အများကြီးပါဝင်တဲ့ အသီးအနှံတစ်မျိုး ဖြစ်ပါတယ်။ အပူပိုင်းဒေသတွေမှာ ပေါက်ရောက်တတ်တဲ့ အသီးအနှံတစ်မျိုးဖြစ်တဲ့ ဆီးဖြူသီးထဲမှာ ခန္ဓာကိုယ်အတွက် လိုအပ်တဲ့ ကျန်းမာရေးအကျိုးကျေးဇူးတွေ အများကြီးပါရှိပါတယ်။

amla.jpg 

ကျန်းမာရေးအကျိုးကျေးဇူးများ

01-signs-of-prostate-cancer-difficulty-peeing.jpg 

ဆီးဖြူသီးရဲ့ ကျန်းမာရေးအကျိုးကျေးဇူးတွေကတော့ ပုံမှန်စားပေးမယ်ဆိုရင် ဝိတ်ကျစေတယ်။ ဝမ်းချုပ်ရောဂါကို ပျောက်ကင်းသက်သာစေတယ်။ လည်ချောင်းထဲက ချွဲသလိပ်တွေကို ရှင်းလင်းပေးသလို လည်ချောင်းယားခြင်း၊ လည်ချောင်းနာခြင်းတွေကိုလည်း သက်သာစေတယ်။ သွေးကြောထဲက သွေးတွေကိုလည်း သန့်စင်ပေးတယ်။ နောက်ပြီး ဆီးဖြူသီးဟာ ဖြူစင်ချောမွေ့တဲ့ အသားအရေလေးကို ပိုင်ဆိုင်နိုင်ဖို့အတွက် သဘာဝသန့်စင်ဆေးတစ်မျိုးလည်း ဖြစ်ပါတယ်။

ဆံသားကျန်းမာရေးအတွက်

il_570xN.495820935_ihu3.jpg 

ပိုးသားလေးလို လှပချောမွေ့တဲ့ ဆံကေသာလေးကို မနှစ်သက်တဲ့လူ မရှိပါဘူး။ ဆံသားကျန်းမာရေးအတွက် ဆီးဖြူသီးရဲ့ ကောင်းကျိုးတွေအများကြီးရှိပါတယ်။ ဆီးဖြူသီးနဲ့ ပြုလုပ်ထားတဲ့ အဆီဟာ ဆံပင်လေးတွေကို အမြစ်ကနေ အရင်းထိ သန်စွမ်းစေပါတယ်။ နောက်ပြီး ဆံသားလေးတွေပေါ်မှာ ကပ်ညိနေတဲ့ ဗောက်ဖြူဖြူလေးတွေကို တိုက်ဖျက်ပေးနိုင်ပါတယ်။ ဒါ့အပြင် ဆံပင်ဖြူတဲ့ ပုဂ္ဂိုလ်တွေ ရှိရင်လည်း ဆီးဖြူသီးအဆီကို လိမ်းပေးမယ်ဆိုရင် အရင်အတိုင်း ဆံသားလေးတွေ ပြန်လည်မဲနက်လာမှာပါ။

လူတိုင်းမဖြစ်မနေ လိုက်နာသင့်တဲ့ အစားအသောက်ဆိုင်ရာ စည်းမျဉ်းများ 

အသားအရေအတွက်

Tips-For-Fair-Skin-1.jpg 

ဆီးဖြူသီးစားပေးခြင်းဟာ သွေးသားကို သန့်စင်စေနိုင်တဲ့အတွက် အရေပြားအပေါ်က အရေပြားဆဲလ်သေတွေကိုလည်း ဖယ်ရှားပေးနိုင်တာ အမှန်ပါပဲ။ အရေပြားပေါ်က ဆဲလ်သေ၊ ဆဲလ်ဟောင်းတွေကို ဖယ်ရှားပေးပြီး သန့်စင်တဲ့ ဆဲလ်သစ်တွေကို ဖြစ်ပေါ်လာစေပါတယ်။ ဆီးဖြူသီးမှာ ပါဝင်တဲ့ အာဟာရဓာတ်တွေဟာ အရေပြားနေလောင်ဒဏ်ကိုလည်း ဖယ်ရှားပေးနိုင်ပြီး အသားအရေကို မူလအတိုင်း ပြန်လည်ဖြူစင်လာစေနိုင်ပါတယ်။

ဆီးဖြူသီးရဲ့ ကောင်းကျိုးနောက်တစ်ခုကတော့ အရေပြားအိုမင်းရင့်ရော်ခြင်းကို နှေးကွေးစေနိုင်တာပါပဲ။ ဒါ့အပြင် ဟော်မုန်း ပြောင်းလဲမှုကြောင့် ဝက်ခြံတွေ အပေါက်များနေတဲ့ သူတွေဆိုရင်လည်း ဆီးဖြူသီးစားပေးရင် ဝက်ခြံကင်းစင်လာစေနိုင်မှာပါ။

ခန္ဓာကိုယ်အတွက်

Career Transitioning.jpg 

ခန္ဓာကိုယ်ထဲကို ထိုးဖောက်ဝင်ရောက်ဖို့ ကြိုးစားနေတဲ့ ကူးစက်ရောဂါပိုးတွေနဲ့ ဗိုင်းရပ်စ်ပိုးမွှားတွေကို တိုက်ဖျက်ရာမှာ အရေးပါတာကတော့ ကိုယ်ခံအားစနစ်ပါ။ အဲဒီကိုယ်ခံအားစနစ် ကောင်းမွန်အောင် ကူညီပေးရာမှာလည်း ဆီးဖြူသီးက တော်တော်လေး အသုံးဝင်ပါတယ်။

ဒါ့အပြင် ဆီးဖြူသီးကို ဖျော်ရည်လုပ်ပြီး ရံဖန်ရံခါ သောက်သုံးပေးမယ်ဆိုရင်လည်း စိတ်ဖိစီးမှုတွေကို လျော့ပါးသက်သာ စေနိုင်ပါတယ်။ ဒါတင်မကသေးပါဘူး။ ဆီးဖြူသီးဖျော်ရည်က အစာခြေစနစ် ပိုမိုကောင်းမွန်အောင်လည်း ကူညီပေးနိုင်ပါသေးတယ်။ နောက်တစ်ခုကတော့ ဆီးဖြူသီးဟာ အသက်ရှူလမ်းကြောင်းဆိုင်ရာ ဝေဒနာရှင်တွေနဲ့လည်း တည့်ပါတယ်။

Source: Youngisthan

 


က္က