ဥရောပမှာတော့ လွန်ခဲ့တဲ့ နှစ်ပေါင်းများစွာကတည်းက ပေါင်မုန့်ကို အဓိကအစားအစာတစ်မျိုးအဖြစ် စားသုံးလာခဲ့ကြတာပါ။

ဂျုံနဲ့ပြုလုပ်တဲ့ ပေါင်မုန့်ကို ဥရောပအစားအစာတစ်မျိုးအဖြစ် ယေဘုယျအသိအမှတ်ပြုထားကြပြီး ဥရောပမှာတော့ လွန်ခဲ့တဲ့ နှစ်ပေါင်းများစွာကတည်းက ပေါင်မုန့်ကို အဓိကအစားအစာတစ်မျိုးအဖြစ် စားသုံးလာခဲ့ကြတာပါ။ ပေါင်မုန့်အမျိုးကွဲ များစွာရှိပြီး ဒီနေ့မှာတော့ ပေါင်မုန့်အမျိုးအစားတွေအကြောင်းနဲ့ သူတို့ရဲ့ ကျန်းမာရေးအကျိုးကျေးဇူးတွေကို ဖော်ပြပေးသွားမှာ ဖြစ်ပါတယ်။



၁။ ပေါင်မုန့်ညို

Brown-Bread.jpg 

ပေါင်မုန့်ညိုတွေဟာ ပုံမှန်ပေါင်မုန့်ဖြူတွေထက်စာရင် ကျန်းမာရေးနဲ့ပိုညီညွတ်တဲ့ အစားအစာတွေဖြစ်ပါတယ်။ ပေါင်မုန့်ညိုကို ဂျုံမှုန့်စစ်စစ်နဲ့ ပြုလုပ်ထားပါတယ်။ ဂျုံဆန်ထဲမှာ ပါဝင်တဲ့ အာဟာရဓာတ်တွေအားလုံး ပေါင်မုန့်ညိုထဲမှာ လုံလုံလောက်လောက် ပါဝင်ပါတယ်။

ပေါင်မုန့်ညိုတစ်ချပ်မှာ ပရိုတိန်း (၃.၉) ဂရမ်၊ ကာဘိုဟိုက်ဒရိတ် (၂၃.၆) ဂရမ်၊ အမျှင်ဓာတ် (၂.၈) ဂရမ်၊ ကယ်လ်ဆီယမ် (၁၅.၂) ဂရမ်၊ သံဓာတ် (၁.၄) မီလီဂရမ်၊ မဂ္ဂနီစီယမ် (၃၇.၃) မီလီဂရမ်တို့အပြင် တခြားအာဟာရဓာတ်တွေလည်း ကြွယ်ဝစွာပါဝင်ပါတယ်။ ဒါကြောင့် ဝမ်းချုပ်ရောဂါ၊ နှလုံးရောဂါ၊ ဆီးချိုရောဂါတို့ကိုလည်း ပျောက်ကင်းသက်သာစေနိုင်ပါတယ်။ ပြီးတော့ ကယ်လိုရီနည်းပါးတဲ့အတွက် ကိုယ်အလေးချိန်ကိုလည်း ကျဆင်းစေနိုင်ပါတယ်။ အမျိုးသမီးတွေ ပေါင်မုန့်ညိုစားမယ်ဆိုရင် သည်းခြေကျောက်တည်ခြင်းကို လျော့နည်းစေနိုင်ပါတယ်။

၂။ ပျားရည်နဲ့ အုတ်ဂျုံမှုန့်ပေါင်မုန့်

Honey-and-Oats-Bread.jpg 

ပျားရည်နဲ့ အုတ်ဂျုံမှုန့်ပေါင်မုန့်ကတော့ ကာဘိုဟိုက်ဒရိတ် ကြွယ်ဝပါတယ်။ ပျားရည်နဲ့ အုတ်ဂျုံမှုန့်ပေါင်မုန့်မှာတော့ ကာဘိုဟိုက်ဒရိတ် (၄၉) ဂရမ်၊ အမျှင်ဓာတ် (၅) ဂရမ်၊ ကယ်လိုရီ (၂၆၀) ပါဝင်ပါတယ်။ ပျားရည်ရော၊ အုတ်ဂျုံမှုန့်ရောဟာ ကျန်းမာရေးအကျိူး ကျေးဇူးတွေ ပါဝင်တဲ့အတွက် ဒီနှစ်ခုကိုရောပြီး ပြုလုပ်ထားတဲ့ ပေါင်မုန့်လေးကတော့ အာဟာရနဲ့ ဗိုက်တာမင်တွေ အထူးကြွယ်ဝတာကို အငြင်းပွားနေဖို့တောင် မလိုပါဘူး။

အနောက်နိုင်ငံသားတွေကတော့ ဒီပေါင်မုန့်လေးကို မြေအောက်ရထားစီးရင်း စားတတ်ကြပါတယ်။ အုတ်ဂျုံမှုန့်နဲ့ ပျားရည်ပေါင်မုန့်ကို ပေါင်မုန့်အမျိုးအစားတွေထဲမှာ အာဟာရအကြွယ်ဝဆုံး ပေါင်မုန့်လို့တောင် သတ်မှတ်ထားကြပါတယ်။ အမျိုးသမီးတွေ စားပေးမယ်ဆိုရင် ရင်သားကင်ဆာမဖြစ်အောင် ကာကွယ်နိုင်ပါတယ်။

၃။ ရိုင်းဂျုံပေါင်မုန့်

Rye-Bread.jpg 

ရိုင်းဂျုံပေါင်မုန့်ကတော့ ရိုင်းဂျုံမှုန့်နဲ့ ရိုးရိုးဂျုံမှုန့်ကိုရောပြီး ပြုလုပ်ထားတာဖြစ်ပါတယ်။ အစကတော့ ဥရောပတိုက်မှာသာ ရရှိနိုင်ပြီး အခုနောက်ပိုင်းမှာတော့ ကမ္ဘာ့နေရာအနှံ့အပြားမှာ ရရှိနိုင်ပါပြီ။ ရိုင်းဂျုံပေါင်မုန့်ဟာ ပုံသဏ္ဍာန်အမျိုးမျိုး၊ အရွယ်အစား အမျိုးမျိုးနဲ့ လာတတ်ပါတယ်။ ရိုင်းဂျုံပေါင်မုန့်ကတော့ အမျှင်ဓာတ်အထူးကြွယ်ဝပြီး အဆီဓာတ် မဆိုစလောက်ပဲ ပါဝင်ပါတယ်။ ဒါကြောင့် ကိုလက်စ်ထရောကို ထိန်းချုပ်နိုင်ပြီး ဝိတ်ကျစေနိုင်ပါတယ်။ ဒါ့အပြင် ကိုယ်အလေးချိန်နဲ့ ဆက်စပ်တဲ့ ရောဂါတွေဖြစ်တဲ့ နှလုံးရောဂါ၊ ဆီးချိုရောဂါ၊ လေဖြတ်လေငန်းရောဂါတို့ကိုလည်း ကာကွယ်နိုင်ပါတယ်။

၄။ သစ်သီးပေါင်မုန့်

Fruit-Bread.jpg 

သစ်သီးပေါင်မုန့်ကတော့ လိမ္မော်သီးခွံ၊ စပျစ်သီးခြောက်၊ တရုတ်ဆီးသီးခြောက် စတဲ့ သစ်သီးခြောက်တွေကို သကြားနဲ့ရောပြီး ရိုးရိုးပေါင်မုန့်ထဲမှာ ပေါင်းစပ်ပြုလုပ်ထားတာပါ။ သစ်သီးပေါင်မုန့်ရဲ့ အရသာကို ပိုမိုကောင်းမွန်စေဖို့အတွက် ကြက်ဥ၊ သစ်ကြံပိုးခေါက်မှုန့် စတာတွေပါ ရောယှက်ပြုလုပ်ပေးထားပါတယ်။

သစ်သီးပေါင်မုန့်ကတော့ ပရိုတိန်းနဲ့ အမျှင်ကြွယ်ဝပြီး သွေးလည်ပတ်မှုနဲ့ သွေးတွင်း ဟီရိုဂလိုဘင် ထုတ်လုပ်မှုကို ပိုမိုကောင်းမွန်စေပါတယ်။ ဒါကြော့် သွေးတိုးသမားတွေ၊ အရိုးပျော့ရောဂါသည်တွေ စားသုံးပေးဖို့ အထူးသင့်တော်ပါတယ်။

Source: Stylecraze


ဆက်စပ်အကြောင်းအရာများ

Share

Loading Next Article...
က္က