အစားတစ်လိုင်းသွား ဘော်ဒါတို့အတွက် ကင်ချီထမင်းကြော်နည်းလေး တင်ပေးလိုက်တယ်နော်။

ကင်ချီဆိုရင်တော့ ကိုရီးယားအစားအစာကြိုက်နှစ်သက်တဲ့ ဘော်ဘော်တို့အားလုံး သိပြီးသားပဲလေ။ တချို့ဆိုရင် ဒီတိုင်းတောင်မှ စားတဲ့အထိ နှစ်သက်ကြတယ်။ ကိုရီးယားအစားအစာဆိုတာကလည်း အခုဆိုရင် ကမ္ဘာတဝှမ်းလုံးမှာ နှစ်ခြိုက်စွာစားသုံးနေရတဲ့အထိ ထိုးဖောက်အားကောင်းနေတာပါ။

 

အခုဖော်ပြပေးမှာကတော့ ကင်ချီထမင်းကြော်ပဲ ဖြစ်ပါတယ်။ လုပ်ရတာ လွယ်ကူပြီးတော့ ရိုးရှင်းလွန်းတာမို့လို့ အချိန်ကုန်သက်သာပြီး လူလည်း မပင်ပန်းတော့ဘူးလေ။ ဒါကြောင့်မို့လို့ တစ်နေ့တစ်နေ့ ဘာစားရမလဲ ခေါင်းခြောက်အောင်စဉ်းစားနေရတဲ့ အစားတလိုင်းသွား ဘော်ဒါတို့အတွက် လွယ်ကူရိုးရှင်းတဲ့ ကင်ချီထမင်းကြော်နည်းလေး ဖော်ပြပေးလိုက်ပါတယ်။

 

ပါဝင်ပစ္စည်းများ

နှမ်းဆီ  - လက်ဖက်ရည်ဇွန်း တစ်ဇွန်းခွဲခန့်

ကြက်ဥ - ၂လုံး

ကြက်သွန်မြိတ် - လှီးဖြတ်ပြီးသား အနည်းငယ်

ကြက်သွန်ဖြူ - ၄မွှာ (နုပ်နုပ်စဉ်းပြီးထား)

ကင်ချီ - အနေတော် ပန်းကန်လုံး (၁)လုံး

ထမင်း - ပန်းကန်လုံး (၁)လုံး

ဟင်းနုနယ်ရွက် - ၈ အောင်စခန့်

ပဲစိမ်းစေ့ -  အနည်းငယ်

ကင်ချီဖျော်ရည် - ၁/၄ ခွက်

ပဲငံပြာရည် - စားပွဲတင်ဇွန်း (၂)ဇွန်း

ပြုလုပ်နည်း

၁။ မီးအား မပြင်းမလျော့တွင် နှမ်းဆီကို ထည့်ပြီး အပူပေးထားပါ။ ဆီပူလာပြီဆိုရင်တော့ ကြက်ဥ (၂)ဦးကို ဖောက်ထည့်ပြီး စက္ကန့်သုံးဆယ်ခန့် ကြော်ပြီး ဆယ်ပေးထားရပါမယ်။ ပြီးရင်တော့  နုပ်နုပ်စဉ်းထားတဲ့ ကြက်သွန်မြိတ်နဲ့ကြက်သွန်ဖြူတို့ကို ထည့်ပြီးတော့ တစ်မိနစ်ခန့် ဆီပူပူမှာ မွှေပေးရပါမယ်။ ဒီနေရာမှာ စောနက ကြက်ဥကြော်ပြီးသား နှမ်းဆီကို ပြန်အသုံးပြုလို့ရသလို နောက်ထပ် နှမ်းဆီကိုထည့်ပြီးတော့လည်း အသုံးပြုလို့ရပါတယ်။ တချို့က ကြော်ပြီးသား ဆီဆိုရင် မကြိုက်တတ်လို့ပါ။

 

၂။ ကင်ချီ နဲ့ ထမင်းကို ရောနယ်ပြီးတော့ ဆီပူပူလေးမှာ (၄)မိနစ်ခန့် မွှေပြီး ဆီပူထိုးရပါမယ်။  (၄) မိနစ်ခန့်ကြာမြင့်သွားပြီဆိုရင် ဟင်းနုနယ်ရွက်တွေကို လှီးဖြတ်ထည့်ပြီးတော့ ဟင်းနုနယ်ရွက်တွေ ညိုးနွမ်းရုံလောက် ထပ်မွှေပေးပါ။ ပြီးရင်တော့ ကင်ချီဖျော်ရည်၊ ပဲငံပြာရည်အနည်းငယ်တို့ထည့်ပြီး အားလုံးကို သမသွားအောင် မွှေပေးပြီး ကြော်ပြီးသား ကြက်ဥကို အပေါ်ကနေ ဖြူးပေးရုံပါပဲ။ ဒါဆိုရင် ကြက်ဥအနှစ်လေးတွေ မကျက်တကျက်၊ ပဲစိမ်းစေ့၊ ဟင်းနုနယ်ရွက်အစိမ်းလေးတွေနဲ့ စားချင့်စဖွယ် ကင်ချီထမင်းကို ရပါပြီ။

ှSource : Health



က္က