စားချင်တာစား ... အစုံစား ဗိုက်ကားသွားရင် ကံစမ်းမဲလာနှိုက်ပြီး ဖျော်ဖြေရေးတွေကို ကြည့်ရှုခံစားရမှာဆိုတော့ မမိုက်ဘူးလား

ပိတ်ရက်ကျရင် ဘယ်သွားပြီး ဘာစားရမလဲလို့ စဉ်းစားနေတဲ့ foodie တွေအတွက် လာမယ့် စနေ၊ တနင်္ဂနွေ နှစ်ရက်လုံး ပြည်သူ့ရင်ပြင်ထဲကိုသာ သွားလိုက်ပါတော့။ အရသာ အစုံအလင်ကို တစ်နေရာတည်းမှာ မြည်းစမ်းနိုင်မယ့် Duwun Food Carnival ရှိတယ်လေ။

 

Duwun Food Carnival ဆိုတာကတော့ အစားတစ်လိုင်းဆိုတဲ့လူတွေအတွက် အစားအသောက်တွေကို တစ်နေရာတည်းမှာ စိတ်ကြိုက်ဝယ်စားနိုင်မယ့် ပွဲလေးပါပဲ။ စားနေကြ အစားအသောက်တွေတင် မဟုတ်ဘူးနော်။ ဒေသ အစားအစာတွေလည်း အများကြီး ပါဦးမှာ။

 

မနှစ်က ပြုလုပ်ခဲ့တဲ့ Duwun Food Carnival တုန်းက ကြိတ်ကြိတ်တိုးစည်ကားခဲ့တဲ့ Charcolic ကျောက်မီးသွေးရေခဲမုန့်လည်း ပါဦးမယ်တဲ့။ အနံ့အရသာ ထူးခြားတဲ့ အနက်ရောင် ရေခဲမုန့်လေးကို စားဦးမယ်မို့လား။ ဒါ့အပြင် ပါဖောင် - ဆားအုံငါးကင်၊ မမလေး - မုန့်ဟင်းခါး၊ Mr Wok ရဲ့ ဆာတေးခေါက်ဆွဲ၊ မြို့မေတ္တာ - ပြည်ပလာတာတို့လို နာမည်ကြီးဆိုင်တွေပါဦးမှာ။ မိတ်ကပ်ပညာရှင် ခင်စန်းဝင်းရဲ့ ဆယ်လီဘရစ်တီ အသုပ်စုံ ဆိုင်ကလည်း လာဖွင့်ဦးမယ်တဲ့။ ရတဲ့အမြတ်တွေကိုတော့ မကြီးစန်းက ပရဟိတအဖွဲ့တွေကို လှူမှာဆိုတော့ ကုသိုလ်လည်းရ ဝမ်းလည်းဝတာပေါ့။

 

Pazzo ပီဇာဆိုင်၊ Waffle Boy ၊ The Crab ၊ Food Truck Rise & Grind ၊ ထိပ်တန်း ဝက်သားတုတ်ထိုးတို့အပြင် မန်းလက်ရာ - မလိုင်ပေါက်စီဆိုင်ကလည်း ရှိနေဦးမှာပါ။ မြန်မာ့ရိုးရာ အစားအသောက်တွေ၊ ဒေသထွက်အစားအစာတွေ၊ ဆိုင်ခန်းတွေက ရှိနေမှာဆိုတော့ စားချင်တာတွေကို ခုတည်းက တန်းစီပြီး စာရင်းလုပ်ထားလို့ရတာပေါ့။

 

အရသာ ပရိသတ်ကြီးအတွက် အထူးအစီအစဉ်တွေလည်း ရှိသေးတယ်နော်။ Ayathar နာမည်နဲ့ ဆိုင်ခန်းလေးဆီကို အရောက်လာခဲ့ပါဦး။ Samsung ဖုန်းနဲ့ ရေခဲသေတ္တာတွေကို မဲဖောက်ပေးမယ့် ကံစမ်းမဲ အစီအစဉ်တွေ ရှိပါတယ်။ ဉာဏ်စမ်းမေးခွန်းတွေဖြေပြီးရင် လက်ဆောင်တွေ၊ ဆုမဲတွေကို ရယူဖို့အတွက် ဇန်နဝါရီ ၂၇ ရက်နဲ့ ၂၈ ရက်နေ့မှာ ပြည်သူ့ရင်ပြင် (လွှတ်တော်ဘက်ခြမ်း)က Duwun Food Carnival ကို အရောက်သာ လာခဲ့လိုက်တော့နော်။ နာမည်ကြီးအနုပညာရှင်တွေရဲ့ ဖျော်ဖြေရေး အစီအစဉ်တွေလည်း ပါဦးမှာဆိုတော့ ဆိုင်ခန်းတွေပတ်ပြီး မုန့်တွေစားရင်း ဖျော်ဖြေရေးကဏ္ဍတွေကို အခမဲ့ ကြည့်လို့ရဦးမှာတဲ့။

 



က္က