Thiha Htun

Monday Blues ကြောင့် စိတ်ညစ်ညူးနေသူတွေအတွက် Tea time မှာ လက်ဖက်ရည်၊ ကော်ဖီနဲ့ တွဲဖက်မြည်းလို့ကောင်းတဲ့ မုန့်ပဲသရေစာလေးတစ်မျိုးကို ဖော်ပြပေးချင်ပါတယ်နော်။ အဲဒါကတော့ ငှက်ပျောသီးဋ္ဌာပနာာပိုင်မုန့်လေးပါပဲ။ ငှက်ပျောသီးကို Nutella (ချောကလက်ခရင်မ်) နဲ့ရောပြီး ပိုင်မုန့်အတွင်းပိုင်းထဲမှာ ဋ္ဌာပနာထည့်သွင်းထားတာမို့ ချိုမြိန်တဲ့အရသာနဲ့ စားလို့အရမ်းကောင်းပါတယ်နော်။

ပါဝင်ပစ္စည်းများ

8123841942_7c2018a168.jpg 

ရယ်ဒီမိတ် ပိုင်မုန့် မုန့်နှစ်ဂျုံပြား (၁) ထုပ်၊ Nutella ခရင်မ် လက်ဖက်ရည်ဇွန်း (၈) ဇွန်း၊ အအေးခံထားတဲ့ ငှက်ပျောသီး (၂) လုံး၊ ကြက်ဥ (၁) လုံး၊ ဟင်းသီးဟင်းရွက်ဆီ (၁) ခွက်၊ သကြားအနည်းငယ်တို့ကို လိုအပ်ပါတယ်။

ပြုလုပ်နည်း

8123841626_a86bebacd9.jpg 

ပိုင်မုန့်လုပ်ဖို့ မုန့်နှစ်ဂျုံပြားကို (၁/၈) လက်မအရွယ် အပြားလေးဖြစ်အောင် ဒလိမ့်တုံးနဲ့ လှိမ့်လိုက်ပါ။ ပြီးရင် ပီဇာလှီးတဲ့ cutter ကိုအသုံးပြုပြီး (၄) လက်မပတ်လည် မုန့်နှစ်ပြားအဝိုင်းချပ်လေးတွေ ဖြစ်လာအောင် ဖန်တီးလိုက်ပါ။ ပြီးရင် nutella ခရင်မ် လက်ဖက်ရည်ဇွန်းတစ်ဇွန်းစာနဲ့ ငှက်ပျောသီးကို တစ်ကိုက်စာအတုံးလေးတွေ တုံးတစ်ပြီး (၂) တုံးခန့်ကို ခုနက (၄) လက်မပတ်လည် မုန့်နှစ်ပြားလေးထဲမှာ ထည့်ပေးလိုက်ပါ။

8123824179_770b6dafa3.jpg 

ကြက်ဥကို ပန်းကန်လုံးတစ်လုံးထဲမှာ ခေါက်ထည့်ပြီး ရလာတဲ့အနှစ်ကို မုန့်နှစ်ပြားရဲ့ နှုတ်ခမ်းသားနေရာလေးတွေမှာ သုတ်လိမ်းပေးလိုက်ပါ။ ပြီးရင် ဖက်ထုပ်ထုပ်သလိုပဲ ဋ္ဌာပနာ အဆာပလာပစ္စည်းတွေကို သေချာဖုံးမိသွားအောင် မုန့်နှစ်ပြားကို ခေါက်ပေးလိုက်ပါ။ ပြီးတော့မှ ခက်ရင်းတစ်ချောင်းနဲ့ အနားသားကို အရာလေးတွေ လိုက်ပေးလိုက်ပါ။ မကြော်ခင် ရေခဲသေတ္တာ အအေးခန်းထဲမှာ မိနစ်အနည်းငယ်ထားပြီး အအေးခံပေးလိုက်ပါဦး။

8123842966_b01549b5bf.jpg 

ဒယ်အိုးတစ်လုံးထဲမှာ ဟင်းသီးဟင်းရွက်ဆီထည့်ပြီး အပူချိန် (၃၇၅) ဒီဂရီလောက်နဲ့ အပူပေးလိုက်ပါ။ ပြီးရင် ရေခဲသေတ္တာထဲမှာ အအေးခံထားတဲ့ ပိုင်မုန့်လေးတွေကို ဆီပူထဲထည့်ပြီး ကြော်ပေးလိုက်ပါ။ ရွှေညိုရောင်သမ်းလာပြီဆိုရင် ထက်အောက်လှန်ပေးလိုက်ပါဦး။ ပြီးရင်တော့ ပိုင်မုန့်လေးတွေကို ဆယ်ပေးနိုင်ပါပြီ။

8123827469_2fbda64ab4.jpg 

ပန်းကန်ပြားထဲမှာ ပိုင်မုန့်ကိုထည့်ပြီး ဆီကိုစက္ကူတစ်ရှူးလေးနဲ့သုတ်ပြီး ဆီစစ်ပေးလိုက်ပါဦး။ ပြီးရင် အပေါ်ကနေ သကြားမှုန့်လေး ဖြူးပေးလိုက်ရင်တော့ အရသာရှိတဲ့ ငှက်ပျောသီးပိုင်မုန့်လေးကို သုံးဆောင်နိုင်ပါပြီ။

Source: heatherchristo


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က