ကျောက်ကျောကို သစ်သီးမျိုးစုံနဲ့ရောပြီး ပြုလုပ်ထားတဲ့ သစ်သီးစုံ ကျောက်ကျောထိုးနည်းလေးကို ဖော်ပြပေးလိုက်ပါတယ်နော်။
Thiha Htun

ကျောက်ကျောဆိုတာ အလှူတွေ၊ မင်္ဂလာဆောင်တွေမှာ အချိုပွဲအဖြစ် ဧည့်ခံရင် မပါမဖြစ်ပါပဲ။ ကျောက်ကျောကို အုန်းနို့နဲ့ရောပြီး အုန်းနို့ကျောက်ကျောအဖြစ် ထိုးစားကြသလို အရောင်စုံ၊ အရသာစုံနဲ့ ရောနှောပြုလုပ်ထားတဲ့ ရောင်စုံကျောက်ကျော လေးတွေဟာလည်း နာမည်ကြီးပါတယ်။ ဒီနေ့မှာတော့ ကျောက်ကျောကို သစ်သီးမျိုးစုံနဲ့ရောပြီး ပြုလုပ်ထားတဲ့ သစ်သီးစုံ ကျောက်ကျောထိုးနည်းလေးကို ဖော်ပြပေးလိုက်ပါတယ်နော်။

ပါဝင်ပစ္စည်းများ

maxresdefault (2).jpg 

ပါဝင်ပစ္စည်းအဖြစ် ကျောက်ကျောမှုန့် တစ်ထုပ်၊ သကြားအနည်းငယ်၊ စတော်ဘယ်ရီသီး၊ စပျစ်သီး၊ ကီဝီသီး၊ လိမ္မော်သီးစသည့် မိမိနှစ်သက်ရာ ရာသီပေါ်သစ်သီးမျိုးစုံ၊ ခရင်မ်ဆော်ဒါ ဖျော်ရည်အနှစ်၊ သံဘူးဖျော်ရည်အနှစ်တို့ပဲ ဖြစ်ပါတယ်။

ပြုလုပ်နည်း

 

အရင်ဆုံး ဒယ်အိုးထဲကို ရေထည့်ပြီး ကျောက်ကျောမှုန့်ကို ရောလိုက်ပါ။ ကျောက်ကျောမှုန့်ကို ရေထဲမှာ သမအောင်ရောမွှေပြီး (၁၀) မိနစ်ခန့် အပူပေးလိုက်ပါ။ (၁၀) မိနစ်ပြည့်ရင်တော့ ကျောက်ကျောရည်ထဲကို သကြားနည်းနည်းထည့်ပြီး သစ်သားယောက်မနဲ့ မွှေပေးလိုက်ပါ။

 

ခနကြာရင်တော့ အနည်ထိုင်သွားပြီဖြစ်တဲ့ ကျောက်ကျောရည်ကို ကျောက်ကျောပြုလုပ်မယ့် ပုံစံခွက်ထဲကို တစ်လက်မခန့်မြုပ်အောင် ထည့်ပေးလိုက်ပါ။ ကျောက်ကျောရည်ထဲကို မိမိနှစ်သက်ရာ သစ်သီးစုံကို အတုံးလေးတွေ တုံးတစ်ပြီး လိုက်ထည့်ပေးလိုက်ပါ။ သစ်သီးစုံထည့်ပြီးသွားရင်တော့ အပေါ်ကနေ ကျန်နေသေးတဲ့ ကျောက်ကျောရည်နဲ့ ပုံစံခွက်ပြည့်အောင် လောင်းထည့်ပေးလိုက်ပါ။

 

ခရင်မ်ဆော်ဒါအနှစ်နဲ့ သံဘူးဖျော်ရည်အနှစ်ကိုတော့ ခွက်ငယ်တစ်ခွက်စီထဲမှာ ထည့်ပြီး ကျန်နေသေးတဲ့ ကျောက်ကျောရည်နဲ့ ရောလိုက်ပါ။ အဲဒီအရည်တွေကို ခုနကသစ်သီးစုံကျောက်ကျောထဲကို လောင်းထည့်ပေးလိုက်ပါ။ အအေးခံပြီးရင်တော့ အရသာရှိတဲ့ သစ်သီးစုံကျောက်ကျောကို အသင့်သုံးဆောင်နိုင်ပါပြီ။

Source: Pimmy Tasty


Author


က္က