ထောပတ်သီးကို တာရှည်ခံအောင် ဘယ်လိုထားရမလဲဆိုတာကို သိချင်ကြလား။
Thiha Htun

ချိုမြိန်ပြီး စားလို့လည်းကောင်းတဲ့ ထောပတ်သီးလေးတွေကို မနှစ်သက်သူ ရှိမယ်မထင်ပါဘူးနော်။ ဒါပေမယ့် ထောပတ်သီးလေးတွေက တာရှည်တော့ မခံပါဘူး။ စားမယ်ဆိုပြီး ဝယ်ထားပြီးကာမှ ညိုမဲသွားတဲ့ ထောပတ်သီးတွေကို လူတိုင်းကြုံဖူးကြမှာပါ။

 

ဒါကလည်း ထောပတ်သီးကို တစ်ခြမ်းပဲစားပြီး တစ်ခြမ်းသိမ်းထားတာတို့၊ ထက်ခြမ်းခြမ်းပြီး ထမင်းစား စားပွဲပေါ်မှာ တင်ထားခဲ့မိတာတို့ဆို ဖြစ်တတ်ပါတယ်။ စားချင်လို့ ဝယ်ထားတဲ့ အစားအစာတစ်ခုကို မစားလိုက်ရဘဲ လွှင့်ပစ်လိုက်ရတာ ဘယ်လောက်ဆိုးလဲဆိုတာကို အစားအသောက်ချစ်သူဆိုရင် နားလည်ကြမှာပါ။

 

ဒါပေမယ့် ထောပတ်သီးကို ခြောက်လခန့် တာရှည်ခံအောင် ထားလို့ရတဲ့ နည်းလမ်းလေးတစ်ခု ရှိပါသေးတယ်။ ထောပတ်သီးကို လတ်ဆတ်ပြီး စားလို့ကောင်းအောင် ဖန်တီးပေးနိုင်တဲ့ နည်းလမ်းလေးပါ။ နောက်ပြီး ဒီနည်းလမ်းလေးက ရေခဲသေတ္တာထဲမှာ ထည့်ရသလိုပဲ ရိုးရှင်းလွယ်ကူပါတယ်။

တကယ်လို့ ထောပတ်သီးက မှည့်နေပြီး နောက်တစ်ပတ်ကျမှ စားချင်လို့ သိုလှောင်ထားချင်တယ်ဆိုရင် အရင်ဆုံး ထောပတ်သီးကို အခွံမခွာဘဲ ရေပြောင်အောင်ဆေးလိုက်ပါ။ ပြီးရင် အလည်ကနေ ထက်ခြမ်းခြမ်းပြီး အခွံခွာလိုက်ပါ။ အခွံခွာပြီးရင် အလည်က အစေ့ကိုထုတ်ပြီး တစ်ခြမ်းချင်းစီကို ပလတ်စတစ်အိတ် (သို့) အလူမီနီယမ် စက္ကူနဲ့ထုပ်ထားလိုက်ပါ။ ပြီးရင် လေလုံ ပလတ်စတစ်အိတ်ထဲမှာ ထည့်ပြီး ရေခဲသေတ္တာထဲ ထည့်ထားလိုက်ပါ။ အပေါ်မှာတော့ သိုလှောင်တဲ့နေ့ရဲ့ နေ့စွဲကို ရေးထားလိုက်ပါ။

 

ထောပတ်သီးကို အနှစ်ထုတ်ပြီးရင်လည်း သိုလှောင်လို့ရပါသေးတယ်။ ထောပတ်သီးအနှစ်ထဲကို သံပုရာရည် (သို့) ရှောက်ရည်ညှစ်ထည့်ပြီး ပလတ်စတစ်အိတ်တစ်လုံးထဲထည့်ပြီး ရေခဲသေတ္တာထဲမှာ သိုလှောင်ပေးထားလိုက်ပါ။

 

ထောပတ်သီးတွေကို အချိန်အကြာကြီး သိုလှောင်လို့ရတယ်ဆိုပေမယ့် လတ်လတ်ဆတ်ဆတ် အသီးလောက်တော့ မလတ်ဆတ်နိုင်ဘူးပေါ့။ ဒါကြောင့် ထောပတ်သီး လတ်လတ်ဆတ်ဆတ်လို ထုတ်ထုတ် ထုတ်ထုတ်နဲ့တော့ ဝါးလို့ကောင်းမှာတော့ မဟုတ်ပါဘူး။ ဒါပေမယ့် ထောပတ်သီးဖျော်သောက်ချင်တာပဲဖြစ်ဖြစ်၊ ထောပတ်သီးအနှစ် လုပ်ချင်တာပဲဖြစ်ဖြစ် လုပ်ရင်တော့ အဆင်ပြေပါသေးတယ်။

Source: Reader's Digest


Author


က္က